1 Ai̱ Luhanga, ongilile kisa,
2 Onnaabi̱ye ku̱lu̱gha mu ebi naasobeei̱ye
3 Nimani̱ye ngoku bikoluwa byanje bi̱bhi̱i̱hi̱ye
4 Nuuwe kandi uwe wenkaha oghu naasi̱i̱si̱i̱ye,
5 Nkabyaluwa ndi mu̱si̱i̱si̱,
6 Uwe okubbalagha majima aghalu̱ghi̱ye mu muntu,
7 Onjiyʼo kibhi kyanje kandi nkuba muntu oghu eeli̱ye,
8 Oleke ntodhe ndheedhuwe, okampenanga maku̱wa,
9 Oleke kuukala ololi̱ye bibhi byanje
10 Ai̱ Luhanga, ompangemu mutima ghweli̱ye
11 Otambhinga hambali oli
12 Otodhe onku̱u̱ki̱li̱ye kudheedhuwa kwa kujuna kwawe
13 Du̱mbi̱ nkwegheesi̱ya basi̱i̱si̱ bilaghilo byawe
14 Ai̱ Luhanga, onjune kibhi kya kwita muntu,
15 Ai̱ Mukama, onjighule mi̱nu̱wa,
16 Toobbali̱ye kihonguwa, nangukuhongeeye kiyo.
17 Ai̱ Luhanga, kihonguwa eki obbali̱ye ni mwoyo ghu̱dhooti̱ye.
18 Oghilile kisa kibugha Sayu̱u̱ni̱ kandi okikoonele,
19 Du̱mbi̱ okudheedhuwa haabwa bihonguwa bi̱hi̱ki̱ye bakukuhongela.