1 O Pathen Pathen thaneitah in hung'in lang neihuhdoh in! Na thahatnan nei veng'in.
2 O Pathen Pathen ka taona ngaijin, ka thumna hi neihin gelkhoh peh'in,
3 Ajeh chu gamdang mite'n eihin delkhum uvin, mi engse ten tha dingin eihol'un ahi, ama hon Pathen Pathen imachan agel pouve.
4 Ahinlah kei dingin Pathen Pathen hi eipanpi ahin, Yahweh Pakai hin eihinghoi ahi.
5 Ka galmi ten thilse agon jouse'u hi amaho chunga le chuh hen! Na dei dan tah in achung uva na tong'in lang amaho khu subei in.
6 Keiman naheng a kiphal tah in thilpeh hinchoi ing e; Keiman namin hinthang vah ing kate Yahweh Pakai, ajeh chu hichu apha ahi.
7 Ajeh chu Yahweh Pakai nang'in ka hesohna a kon'in neihuhdoh tan, ka galmite chung'a jong galjona neimusah tan ahi.