1 ⲁⲩⲱ ⲁϥⲧⲟⲩⲟⲓ ⲛϭⲓ ⲡϫⲟⲉⲓⲥ ⲉⲓⲏⲥ ⲡⲛⲟϭ ⲛⲟⲩⲏⲏⲃ ⲉϥⲁϩ ⲉⲣⲁⲧϥ ϩⲓⲑⲏ ⲙⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲁⲩⲱ ⲡⲇⲓⲁⲃⲟⲗⲟⲥ ⲡⲉϥⲁϩ ⲉⲣⲁⲧϥ ⲛⲥⲁ ⲟⲩⲛⲁⲙ ⲙⲙⲟϥ ⲉⲧⲣⲉϥϯⲟⲩⲃⲏϥ</ab>
2 ⲁⲩⲱ ⲡⲉϫⲉ ⲡϫⲟⲉⲓⲥ ⲉϩⲟⲩⲛ ϩⲙ ⲡⲇⲓⲁⲃⲟⲗⲟⲥ ϫⲉ ⲉⲣⲉ ⲡϫⲟⲉⲓⲥ ⲉⲡⲓⲧⲓⲙⲁ ⲛⲁⲕ ⲡⲉⲛⲧⲁϥⲥⲉⲧⲡ ⲑ ⲁⲩⲱ ⲡⲁⲓ ⲛⲉϥⲟ ⲁⲛ ⲛⲑⲉ ⲛⲟⲩⲗⲁⲙⲡⲁⲥ ⲉⲁⲩⲧⲱⲕⲙⲉⲥ ⲉⲃⲟⲗ ϩⲙ ⲡⲕⲱϩⲧ</ab>
3 ⲁⲩⲱ ⲓⲏⲥ ⲛⲉⲣⲉ ϩⲉⲛϩⲟⲉⲓⲧⲉ ⲉⲩⲗⲁⲁⲙ ⲉⲧⲟ ϩⲓⲱⲱϥ ⲉϥⲁϩ ⲉⲣⲁⲧϥ ϩⲓ ϩⲏ ⲙⲡⲁⲅⲅⲉⲗⲟⲥ ⲙⲡϫⲟⲉⲓⲥ</ab>
4 ⲁⲩⲱ ⲁϥⲟⲩⲱϣⲃ ⲡⲉϫⲁϥ ⲛⲛⲉⲧⲁϩ ⲉⲣⲁⲧⲟⲩ ϩⲓ ϩⲏ ⲙⲙⲟϥ ⲉϥϫⲱ ⲙⲙⲟⲥ ϫⲉ ⲕⲁⲁϥ ⲕⲁϩⲏⲩ ⲛⲛϩⲟⲉⲓⲧⲉ ⲉⲧⲗⲁⲁⲙ ⲁⲩⲱ ⲡⲉϫⲁϥ ⲛⲁϥ ϫⲉ ⲉⲓⲥ ϩⲏⲏⲧⲉ ⲁⲓϥⲓ ⲙⲙⲁⲩ ⲛⲛⲉⲕⲁⲛⲟⲙⲓⲁ</ab>
5 ⲁⲩⲱ ⲡⲉϫⲁϥ ϫⲉ ϯ ϩⲓⲱⲱϥ ⲛⲟⲩⲡⲟⲇⲏⲣⲏ ⲛⲧⲉⲧⲛⲕⲱ ϩⲓϫⲱⲱϥ ⲛⲟⲩⲙⲓⲧⲣⲁ ⲁⲩⲱ ⲟⲩⲕⲓⲇⲁⲣⲓⲥ ⲉⲥⲣⲁϩⲉ ⲉϫⲛ ⲧⲉϥⲁⲡⲉ ⲁⲩⲱ ⲁⲩⲕⲁ ⲧⲕⲓⲇⲁⲣⲓⲥ ⲉⲧⲣⲁϩⲉ ⲉϫⲛ ⲧⲉϥⲁⲡⲉ ⲁⲩϭⲟⲟⲗⲉϥ ⲛϩⲉⲛϩⲟⲉⲓⲧⲉ ⲁⲩⲱ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲛⲉϥⲁϩ ⲉⲣⲁⲧϥ</ab>
6 ⲁⲩⲱ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲛⲉϥⲣⲙⲛⲧⲣⲉ ⲛⲓⲏⲥ ⲉϥϫⲱ ⲙⲙⲟⲥ</ab>
7 ϫⲉ ⲛⲁⲓ ⲛⲉⲧϥϫⲱ ⲙⲙⲟoⲩ ⲛϭⲓ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϫⲉ ⲉⲕϣⲁⲛⲙⲟⲟϣⲉ ϩⲛ ⲛⲁϩⲓⲟⲟⲩⲉ ⲛⲅϯϩⲧⲏⲕ ⲉⲣⲟⲕ ϩⲛ ⲛⲁⲟⲩⲉϩⲥⲁϩⲛⲉ ⲛⲧⲟⲕ ⲕⲛⲁϭⲱ ϩⲓϫⲙ ⲡⲁⲏⲓ ⲁⲩⲱ ⲉⲕϣⲁⲛϩⲁⲣⲉϩ ⲉⲧⲁⲁⲩⲗⲏ ϯⲛⲁϯ ⲛⲁⲕ ⲛⲛⲉⲧⲛⲁϣⲱⲡⲉ ⲛⲧⲙⲏⲧⲉ ⲛⲛⲁⲓ ⲉⲧⲁϩ ⲉⲣⲁⲧⲟⲩ</ab>
8 ⲥⲱⲧⲙ ϭⲉ ⲓⲏⲥ ⲡⲛⲟϭ ⲛⲟⲩⲏⲏⲃ ⲛⲧⲟⲕ ⲙⲛ ⲛⲉⲕϣⲃⲉⲉⲣ ⲉⲧϩⲙⲟⲟⲥ ⲙⲡⲉⲕⲙⲧⲟ ⲉⲃⲟⲗ ϫⲉ ϩⲉⲙⲣⲱⲙⲉ ⲛⲉ ⲛⲣⲉϥϫⲓⲙⲁⲉⲓⲛ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲉⲓⲛⲉ ⲉϫⲙ ⲡⲁϩⲙϩⲁⲗ ⲛⲟⲩⲁⲛⲁⲧⲟⲗⲏ</ab>
9 ⲉⲧⲃⲉ ϫⲉ ⲡⲱⲛⲉ ⲉⲛⲧⲁⲓⲧⲁⲁϥ ⲙⲡⲉⲙⲧⲟ ⲉⲃⲟⲗ ⲛⲓⲏⲥ ⲉϫⲙ ⲡⲟⲩⲁ ⲛⲛⲱⲛⲉ ⲥⲁϣϥ ⲛⲃⲁⲗ ⲛⲉ ⲁⲩⲱ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁϣⲉⲕⲧ ⲟⲩϩⲉⲓⲉⲓⲧ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲁⲩⲱ ⲡϫⲓⲛϭⲟⲛⲥ ⲧⲏⲣϥ ⲙⲡⲕⲁϩ ⲉⲧⲙⲙⲁⲩ ϯⲛⲁϭⲙϭⲱⲙϥ ϩⲛ ⲟⲩϩⲟⲟⲩ ⲛⲟⲩⲱⲧ</ab>
10 ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲧⲉⲧⲛⲁⲙⲟⲩⲧⲉ ⲡⲟⲩⲁ ⲡⲟⲩⲁ ⲉⲡⲉⲧϩⲓⲧⲟⲩⲱϥ ϩⲁⲣⲟϥ ⲛⲧⲉϥⲃⲱ ⲛⲉⲗⲟⲟⲗⲉ ⲁⲩⲱ ϩⲁⲣⲟϥ ⲛⲧⲉϥⲃⲱ ⲛⲕⲛⲧⲉ</ab>
11 <gap reason=""/>