1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁϥⲣⲣⲣⲟ ⲙⲁⲣⲉⲛⲗⲁⲟⲥ ⲛⲟⲩϭⲥ ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲙⲁⲣⲉⲡⲕⲁϩ ⲕⲓⲙ</ab>
2 ⲟⲩⲛⲟϭ ⲡⲉ ⲡϫⲟⲉⲓⲥ ϩⲛ ⲥⲓⲱⲛ ⲉϥϫⲟⲥⲉ ⲉϫⲛ ⲛⲗⲁⲟⲥ ⲧⲏⲣⲟⲩ</ab>
3 ⲙⲁⲣⲟⲩⲟⲩⲱⲛϩ ⲉⲃⲟⲗ ⲙⲡⲉⲕⲛⲟϭ ⲛⲣⲁⲛ ϫⲉ ⲟⲩϩⲟⲧⲉ ⲡⲉ ⲁⲩⲱ ϥⲟⲩⲁⲁⲃ</ab>
4 ⲁⲩⲱ ⲡⲧⲁⲉⲓⲟ ⲛⲟⲩⲣⲣⲟ ⲡⲉ ⲙⲉⲣⲉⲡϩⲁⲡ ⲛⲧⲟⲕ ⲁⲕⲥⲃⲧⲉⲡⲥⲟⲟⲩⲧⲛ ⲛⲧⲟⲕ ⲡⲉⲛⲧⲁⲕⲣⲡϩⲁⲡ ⲙⲛ ⲧⲇⲓⲕⲁⲓⲟⲥⲩⲛⲏ ϩⲛ ⲓⲁⲕⲱⲃ</ab>
5 ϫⲉⲥⲧⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡϩⲩⲡⲟⲡⲟⲇⲓⲟⲛ ⲛⲛⲉϥⲉⲩⲉⲣⲏⲧⲉ</ab>
6 ϫⲉ ⲙⲱⲩⲥⲏⲥ ⲟⲩⲁⲁⲃ ⲙⲛ ⲁⲁⲣⲱⲛ ϩⲛ ⲛⲉϥⲟⲩⲏⲏⲃ ⲁⲩⲱ ⲥⲁⲙⲟⲩⲏⲗ ϩⲛ ⲛⲉⲧⲉⲡⲓⲕⲁⲗⲉⲓ ⲙⲡⲉϥⲣⲁⲛ ⲁⲩⲱϣ ⲉϩⲣⲁⲓ ⲉⲡϫⲟⲉⲓⲥ ⲁⲩⲱ ⲛⲧⲟϥ ⲁϥⲥⲱⲧⲙ ⲉⲣⲟⲟⲩ</ab>
7 ⲁϥϣⲁϫⲉ ⲛⲙⲙⲁⲩ ϩⲛ ⲟⲩⲥⲧⲩⲗⲟⲥ ⲛⲕⲗⲟⲟⲗⲉ ⲁⲩϩⲁⲣⲉϩ ⲉⲛⲉϥⲙⲛⲧⲙⲛⲧⲣⲉ ⲁⲩⲱ ⲛⲉϥⲡⲣⲟⲥⲧⲁⲅⲙⲁ ⲉⲛⲧⲁϥⲧⲁⲁⲩ ⲛⲁⲩ</ab>
8 ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲟⲕ ⲉⲛⲧⲁⲕⲥⲱⲧⲙ ⲉⲣⲟⲟⲩ ⲡⲛⲟⲩⲧⲉ ⲛⲧⲟⲕ ⲉⲛⲧⲁⲕⲕⲱ ⲛⲁⲩ ⲉⲃⲟⲗ ⲁⲕⲉⲓⲣⲉ ⲙⲡⲉⲕⲃⲁ ⲛⲛⲉⲩϩⲃⲏⲩⲉ ⲧⲏⲣⲟⲩ</ab>
9 ϫⲉⲥⲧⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡⲉϥⲧⲟⲟⲩ ⲉⲧⲟⲩⲁⲁⲃ ϫⲉ ϥⲟⲩⲁⲁⲃ ⲛϭⲓ ⲡϫⲟⲉⲓⲥ ⲡⲉⲛⲛⲟⲩⲧⲉ</ab>