1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲛⲇⲁⲩⲉⲓⲇ</ab>
2 ⲡⲛⲟⲩⲧⲉ ⲥⲱⲧⲙ ⲉⲡⲁⲥⲟⲡⲥ ϯϩⲧⲏⲕ ⲉⲡⲁϣⲗⲏⲗ</ab>
3 ϫⲓⲛ ⲁⲣⲏϫϥ ⲙⲡⲕⲁϩ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ϩⲙ ⲡⲧⲣⲉⲡⲁϩⲏⲧ ⲙⲕⲁϩ ⲁⲕϫⲁⲥⲧ ϩⲛ ⲟⲩⲡⲉⲧⲣⲁ ⲁⲕϫⲓⲙⲟⲉⲓⲧ ϩⲏⲧ</ab>
4 ϫⲉ ⲁⲕϣⲱⲡⲉ ⲛⲁⲓ ⲛϩⲉⲗⲡⲓⲥ ⲙⲡⲩⲣⲅⲟⲥ ⲉϥϫⲟⲟⲣ ⲙⲡⲉⲙⲧⲟ ⲉⲃⲟⲗ ⲙⲡϫⲁϫⲉ</ab>
5 ϯⲛⲁϭⲟⲓⲗⲉ ⲉⲡⲉⲕⲙⲁ ⲛϣⲱⲡⲉ ϣⲁ ⲉⲛⲉϩ ϯⲛⲁϫⲓϩⲁⲓⲃⲉⲥ ϩⲁ ⲑⲁⲓⲃⲉⲥ ⲛⲛⲉⲕⲧⲛϩ ⲇⲓⲁⲯⲁⲗⲙⲁ</ab>
6 ϫⲉ ⲛⲧⲟⲕ ⲡⲛⲟⲩⲧⲉ ⲁⲕⲥⲱⲧⲙ ⲉⲡⲁϣⲗⲏⲗ ⲁⲕϯ ⲛⲧⲉⲕⲕⲗⲏⲣⲟⲛⲟⲙⲓⲁ ⲛⲛⲉⲧⲣϩⲟⲧⲉ ϩⲏⲧϥ ⲙⲡⲉⲕⲣⲁⲛ</ab>
7 ϩⲛ ⲟⲩϩⲟⲟⲩ ⲉⲃⲟⲗ ϩⲛ ⲟⲩϩⲟⲟⲩ ϥⲛⲁⲟⲩⲱϩ ϩⲛ ⲛⲣⲙⲡⲟⲟⲩⲉ ⲙⲡⲉϥⲣⲣⲟ ϣⲁ ⲡⲉϩⲟⲟⲩ ⲛⲟⲩϫⲱⲙ ϣⲁ ⲟⲩϫⲱⲙ</ab>
8 ϥⲛⲁⲙⲟⲩⲛ ⲉⲃⲟⲗ ϣⲁ ⲉⲛⲉϩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲡⲉϥⲛⲁ ⲙⲛ ⲧⲉϥⲙⲉ ⲛⲓⲙ ⲡⲉⲧⲛⲁϣⲓⲛⲉ ⲛⲥⲱⲟⲩ</ab>
9 ⲧⲁⲓ ⲧⲉ ⲑⲉ ⲉϯⲛⲁⲯⲁⲗⲗⲉⲓ ⲉⲡⲉⲕⲣⲁⲛ ⲡⲛⲟⲩⲧⲉ ϣⲁ ⲉⲛⲉϩ ⲛⲉⲛⲉϩ ⲉⲧⲣⲁϯ ⲛⲛⲁⲉⲧⲣⲏⲧ ϩⲛ ⲟⲩϩⲟⲟⲩ ⲉⲃⲟⲗ ϩⲛ ⲟⲩϩⲟⲟⲩ</ab>