1 ⲉⲡϫⲱⲕ ⲉⲃⲟⲗ ⲛⲧⲙⲛⲧⲣⲙⲛϩⲏⲧ ⲛⲛϣⲏⲣⲉ ⲛⲕⲟⲣⲉ</ab>
2 ⲛⲑⲉ ⲉⲧⲉⲣⲉⲟⲩⲉⲉⲓⲟⲩⲗ ⲙⲉ ⲛϭⲱ ϩⲓϫⲛ ϩⲉⲛϩⲟⲛⲃⲉ ⲙⲙⲟⲟⲩ ⲧⲁⲓ ⲧⲉ ⲑⲉ ⲉⲧⲉⲣⲉⲧⲁⲯⲩⲭⲏ ⲙⲉ ⲛⲉⲓ ⲉⲣⲁⲧⲕ ⲡⲛⲟⲩⲧⲉ</ab>
3 ⲁⲧⲁⲯⲩⲭⲏ ⲉⲓⲃⲉ ⲙⲡⲛⲟⲩⲧⲉ ⲉⲧⲟⲛϩ ϫⲉ ⲉⲓⲛⲏⲩ ⲧⲛⲁⲩ ⲧⲁⲟⲩⲱⲛϩ ⲉⲃⲟⲗ ⲙⲡϩⲟ ⲙⲡⲁⲛⲟⲩⲧⲉ</ab>
4 ⲁⲛⲁⲣⲙⲉⲓⲟⲟⲩⲉ ϣⲱⲡⲉ ⲛⲁⲓ ⲛⲟⲉⲓⲕ ⲙⲡⲉϩⲟⲟⲩ ⲙⲛ ⲧⲉⲩϣⲏ ϩⲙ ⲡⲧⲣⲉⲩϫⲟⲟⲥ ⲛⲁⲓ ⲙⲙⲏⲛⲉ ϫⲉ ⲉϥⲧⲱⲛ ⲡⲉⲕⲛⲟⲩⲧⲉ</ab>
5 ⲛⲁⲓ ⲁⲓⲣⲡⲉⲩⲙⲉⲉⲩⲉ ⲁⲓⲡⲱϩⲧ ⲛⲧⲁⲯⲩⲭⲏ ⲉϩⲣⲁⲓ ⲉϫⲱⲓ ϫⲉ ϯⲛⲏⲩ ⲉⲃⲟⲗ ϩⲓⲧⲛ ⲟⲩⲙⲁ ⲛⲥⲕⲏⲛⲏ ⲛϣⲡⲏⲣⲉ ϣⲁ ⲡⲏⲓ ⲙⲡⲛⲟⲩⲧⲉ ϩⲛ ⲟⲩⲥⲙⲏ ⲛⲧⲉⲗⲏⲗ ϩⲓ ⲟⲩⲱⲛϩ ⲉⲃⲟⲗ ⲛϩⲣⲟⲟⲩ ⲙⲡⲉⲧⲣϣⲁ</ab>
6 ⲉⲧⲃⲉ ⲟⲩ ⲧⲉⲗⲩⲡⲉⲓ ⲧⲁⲯⲩⲭⲏ ⲁⲩⲱ ⲉⲧⲃⲉ ⲟⲩ ⲧⲉϣⲧⲟⲣⲧⲣ ⲙⲙⲟⲓ ϩⲉⲗⲡⲓⲍⲉ ⲉⲡⲛⲟⲩⲧⲉ ϫⲉ ϯⲛⲁⲟⲩⲱⲛϩ ⲛⲁϥ ⲉⲃⲟⲗ ⲡⲟⲩϫⲁⲓ ⲙⲡⲁϩⲟ ⲡⲉ ⲡⲁⲛⲟⲩⲧⲉ</ab>
7 ⲁⲧⲁⲯⲩⲭⲏ ϣⲧⲟⲣⲧⲣ ⲛϩⲏⲧⲧ ⲉⲧⲃⲉ ⲡⲁⲓ ϯⲛⲁⲣⲡⲉⲕⲙⲉⲉⲩⲉ ⲡϫⲟⲉⲓⲥ ϩⲙ ⲡⲕⲁϩ ⲙⲡⲓⲟⲣⲇⲁⲛⲏⲥ ⲙⲛ ϩⲉⲣⲙⲱⲛ ⲉⲃⲟⲗ ϩⲙ ⲡⲧⲟⲟⲩ ϣⲏⲙ</ab>
8 ⲡⲛⲟⲩⲛ ⲛⲁⲱϣ ⲟⲩⲃⲉ ⲡⲛⲟⲩⲛ ⲉⲡⲉϩⲣⲟⲟⲩ ⲛⲛⲉⲕⲕⲁⲧⲁϩⲣⲁⲕⲧⲏⲥ ⲛⲉⲕⲣⲟⲟⲩϣ ⲧⲏⲣⲟⲩ ⲙⲛ ⲛⲉⲕϩⲟⲉⲓⲙ ⲁⲩⲉⲓ ⲉϩⲣⲁⲓ ⲉϫⲱⲓ</ab>
9 ⲡϫⲟⲉⲓⲥ ⲛⲁϩⲱⲛ ⲙⲡⲉϥⲛⲁ ⲙⲡⲉϩⲟⲟⲩ ⲛϥⲟⲩⲟⲛϩϥ ⲉⲃⲟⲗ ⲛⲧⲉⲩϣⲏ ⲉⲣⲉⲡⲁϣⲗⲏⲗ ⲛⲧⲟⲟⲧ ⲉⲡⲛⲟⲩⲧⲉ ⲙⲡⲁⲱⲛϩ</ab>
10 ϯⲛⲁϫⲟⲟⲥ ⲙⲡⲁⲛⲟⲩⲧⲉ ϫⲉ ⲛⲧⲕ ⲡⲁⲣⲉϥϣⲟⲡⲧ ⲉⲣⲟⲕ ⲉⲧⲃⲉ ⲟⲩ ⲁⲕⲣⲡⲁⲱⲃϣ ⲉⲧⲃⲉ ⲟⲩ ⲁⲕⲕⲁⲁⲧ ⲛⲥⲱⲕ ⲁⲩⲱ ⲉⲧⲃⲉ ⲟⲩ ϯⲙⲟⲟϣⲉ ⲉⲓⲟⲕⲙ ϩⲙ ⲡⲧⲣⲉϥⲑⲗⲓⲃⲉ ⲙⲙⲟⲓ ⲛϭⲓ ⲡⲁϫⲁϫⲉ</ab>
11 ϩⲙ ⲡⲧⲣⲉⲩⲗⲱϫϩ ⲛⲛⲁⲕⲉⲉⲥ ⲁⲩⲛⲉϭⲛⲟⲩϭⲧ ⲛϭⲓ ⲛⲉⲧⲑⲗⲓⲃⲉ ⲙⲙⲟⲓ ϩⲙ ⲡⲧⲣⲉⲩϫⲟⲟⲥ ⲛⲁⲓ ⲙⲙⲏⲛⲉ ϫⲉ ⲉϥⲧⲱⲛ ⲡⲉⲕⲛⲟⲩⲧⲉ</ab>
12 ⲉⲧⲃⲉ ⲟⲩ ⲧⲁⲯⲩⲭⲏ ⲧⲉⲗⲩⲡⲉⲓ ⲁⲩⲱ ⲉⲧⲃⲉ ⲟⲩ ⲧⲉϣⲧⲟⲣⲧⲣ ⲙⲙⲟⲓ ϩⲉⲗⲡⲓⲍⲉ ⲉⲡⲛⲟⲩⲧⲉ ϫⲉ ϯⲛⲁⲟⲩⲱⲛϩ ⲛⲁϥ ⲉⲃⲟⲗ ⲡⲟⲩϫⲁⲓ ⲙⲡⲁϩⲟ ⲡⲉ ⲡⲁⲛⲟⲩⲧⲉ</ab>