1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2 ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁϯϩⲧⲏϥ ⲉⲩϩⲏⲕⲉ ⲙⲛ ⲟⲩⲉⲃⲓⲏⲛ ⲡϫⲟⲉⲓⲥ ⲛⲁⲧⲟⲩϫⲟϥ ϩⲛ ⲟⲩϩⲟⲟⲩ ⲙⲡⲟⲛⲏⲣⲟⲛ</ab>
3 ϥⲛⲁϩⲁⲣⲉϩ ⲉⲣⲟϥ ⲛϥⲧⲁⲛϩⲟϥ ⲛϥⲙⲁⲕⲁⲣⲓⲍⲉ ⲙⲙⲟϥ ϩⲓϫⲙ ⲡⲕⲁϩ ⲁⲩⲱ ⲛⲛⲉϥⲧⲁⲁϥ ⲉⲧⲟⲟⲧϥ ⲙⲡⲉϥϫⲁϫⲉ</ab>
4 ⲡϫⲟⲉⲓⲥ ⲛⲁⲃⲟⲏⲑⲉⲓ ⲉⲣⲟϥ ϩⲓϫⲙ ⲡⲉϭⲗⲟϭ ⲙⲡⲉϥⲙⲕⲁϩ ⲁⲕⲕⲧⲟ ⲙⲡⲉϥⲙⲁ ⲛⲛⲕⲟⲧⲕ ⲧⲏⲣϥ ϩⲙ ⲡⲉϥϣⲱⲛⲉ</ab>
5 ⲁⲛⲟⲕ ⲁⲓϫⲟⲟⲥ ϫⲉ ⲡϫⲟⲉⲓⲥ ⲛⲁ ⲛⲁⲓ ⲙⲁⲧⲁⲗϭⲉ ⲧⲁⲯⲩⲭⲏ ϫⲉ ⲁⲓⲣⲛⲟⲃⲉ ⲉⲣⲟⲕ</ab>
6 ⲁⲛⲁϫⲁϫⲉ ϫⲱ ⲉⲣⲟⲓ ⲛϩⲉⲛⲡⲉⲑⲟⲟⲩ ϫⲉ ⲉϥⲛⲁⲙⲟⲩ ⲧⲛⲁⲩ ⲛⲧⲉⲡⲉϥⲣⲁⲛ ⲧⲁⲕⲟ</ab>
7 ⲁⲩⲱ ⲛⲉϥⲃⲏⲕ ⲉϩⲟⲩⲛ ⲉⲛⲁⲩ ⲉϥϫⲱ ⲛϩⲉⲛⲡⲉⲧϣⲟⲩⲉⲓⲧ ⲁⲡⲉϥϩⲏⲧ ⲥⲱⲟⲩϩ ⲛⲁϥ ⲉϩⲟⲩⲛ ⲛⲟⲩⲁⲛⲟⲙⲓⲁ ⲛⲉϥⲙⲟⲟϣⲉ ⲉⲃⲟⲗ ⲉϥϣⲁϫⲉ ⲉⲣⲟⲓ</ab>
8 ⲛⲉⲩⲕⲁⲥⲕⲥ ⲉⲣⲟⲓ ⲧⲏⲣⲟⲩ ⲛϭⲓ ⲛⲁϫⲁϫⲉ ϩⲓ ⲟⲩⲥⲟⲡ ⲛⲉⲩⲙⲉⲉⲩⲉ ⲉⲣⲟⲓ ⲉϩⲉⲛⲡⲉⲑⲟⲟⲩ</ab>
9 ⲁⲩⲥⲙⲓⲛⲉ ⲛⲟⲩϣⲁϫⲉ ⲙⲡⲁⲣⲁⲛⲟⲙⲟⲛ ⲉⲣⲟⲓ ⲙⲏ ⲡⲉⲧⲛⲕⲟⲧⲕ ⲙⲉϥⲟⲩⲱϩ ⲉⲧⲟⲟⲧϥ ⲉⲧⲱⲟⲩⲛ</ab>
10 ⲕⲁⲓ ⲅⲁⲣ ⲡⲣⲱⲙⲉ ⲛⲧⲁⲉⲓⲣⲏⲛⲏ ⲛⲉⲓⲕⲱ ⲛϩⲧⲏⲓ ⲉⲣⲟϥ</ab>
11 ⲡⲉⲧⲟⲩⲱⲙ ⲟⲉⲓⲕ ⲛⲙⲙⲁⲓ ⲁϥϥⲓ ⲙⲡⲉϥϯⲃⲥ ⲉϩⲣⲁⲓ ⲉϫⲱⲓ ⲛⲧⲟⲕ ⲇⲉ ⲡϫⲟⲉⲓⲥ ⲛⲁ ⲛⲁⲓ ⲛⲅⲧⲟⲩⲛⲟⲥⲧ ⲧⲁⲧⲱⲱⲃⲉ ⲛⲁⲩ</ab>
12 ϩⲙ ⲡⲁⲓ ⲁⲓⲉⲓⲙⲉ ϫⲉ ⲁⲕⲟⲩⲁϣⲧ ϫⲉ ⲛⲛⲉⲡⲁϫⲁϫⲉ ⲣⲁϣⲉ ⲙⲙⲟⲓ</ab>
13 ⲁⲛⲟⲕ ⲇⲉ ⲁⲕϣⲟⲡⲧ ⲉⲣⲟⲕ ⲉⲧⲃⲉ ⲧⲁⲙⲛⲧⲃⲁⲗϩⲏⲧ ⲁⲩⲱ ⲁⲕⲧⲁϫⲣⲟⲓ ⲙⲡⲉⲕⲙⲧⲟ ⲉⲃⲟⲗ ϣⲁ ⲉⲛⲉϩ</ab>
14 ϥⲥⲙⲁⲙⲁⲁⲧ ⲛϭⲓ ⲡϫⲟⲉⲓⲥ ⲡⲛⲟⲩⲧⲉ ⲙⲡⲓ︤ⲏ︦ⲗ︥ ϫⲓⲛ ⲉⲛⲉϩ ϣⲁ ⲉⲛⲉϩ ⲉϥⲉϣⲱⲡⲉ ⲉϥⲉϣⲱⲡⲉ</ab>