1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2 ⲡϫⲟⲉⲓⲥ ⲡⲣⲣⲟ ⲛⲁⲉⲩⲫⲣⲁⲛⲉ ϩⲛ ⲧⲉⲕϭⲟⲙ ⲁⲩⲱ ϥⲛⲁⲧⲉⲗⲏⲗ ⲉⲙⲁⲧⲉ ϩⲙ ⲡⲉⲕⲟⲩϫⲁⲓ</ab>
3 ⲁⲕϯ ⲛⲁϥ ⲙⲡⲟⲩⲱϣ ⲙⲡⲉϥϩⲏⲧ ⲁⲩⲱ ⲙⲡⲕϩⲟⲩⲣⲱⲱϥ ⲙⲡⲥⲟⲡⲥ ⲛⲛⲉϥⲥⲡⲟⲧⲟⲩ</ab>
4 ϫⲉ ⲁⲕⲧⲣⲉϥⲣϣⲟⲣⲡ ϩⲛ ⲛⲉⲥⲙⲟⲩ ⲛⲧⲉⲕⲙⲛⲧⲭⲣⲓⲥⲧⲟⲥ ⲇⲓⲁⲯⲁⲗⲙⲁ ⲁⲕⲕⲱ ⲛⲟⲩⲕⲗⲟⲙ ⲉϫⲛ ⲧⲉϥⲁⲡⲉ ⲉⲃⲟⲗ ϩⲛ ⲟⲩⲱⲛⲉ ⲙⲙⲉ</ab>
5 ⲁϥⲁⲓⲧⲉⲓ ⲙⲙⲟⲕ ⲛⲟⲩⲱⲛϩ ⲁⲕⲧⲁⲁϥ ⲛⲁϥ ⲟⲩⲁϣⲏ ⲛϩⲟⲟⲩ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ</ab>
6 ⲟⲩⲛⲟϭ ⲡⲉ ⲡⲉϥⲉⲟⲟⲩ ϩⲙ ⲡⲉⲕⲟⲩϫⲁⲓ ⲕⲛⲁⲕⲱ ⲉϫⲱϥ ⲛⲟⲩⲉⲟⲟⲩ ⲙⲛ ⲟⲩⲥⲁ</ab>
7 ϫⲉ ⲕⲛⲁϯ ⲛⲁϥ ⲛⲟⲩⲥⲙⲟⲩ ϣⲁ ⲉⲛⲉϩ ⲛⲉⲛⲉϩ ⲕⲛⲁⲉⲩⲫⲣⲁⲛⲉ ⲙⲙⲟϥ ϩⲛ ⲟⲩⲣⲁϣⲉ ⲙⲛ ⲡⲉⲕϩⲟ</ab>
8 ϫⲉ ⲡⲣⲣⲟ ϩⲉⲗⲡⲓⲍⲉ ⲉⲡϫⲟⲉⲓⲥ ⲁⲩⲱ ⲛⲛⲉϥⲕⲓⲙ ϩⲙ ⲡⲛⲁ ⲙⲡⲉⲧϫⲟⲥⲉ</ab>
9 ⲉⲩⲉϩⲉ ⲉⲧⲉⲕϭⲓϫ ϩⲛ ⲛⲉⲕϫⲁϫⲉ ⲧⲏⲣⲟⲩ ⲉⲣⲉⲧⲉⲕⲟⲩⲛⲁⲙ ϩⲉ ⲉⲟⲩⲟⲛ ⲛⲓⲙ ⲉⲧⲙⲟⲥⲧⲉ ⲙⲙⲟⲕ</ab>
10 ⲉⲕⲉⲕⲁⲁⲩ ⲛⲑⲉ ⲛⲟⲩⲧⲣⲓⲣ ⲛⲕⲱϩⲧ ⲉⲩⲟⲩⲟⲉⲓϣ ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ ⲡϫⲟⲉⲓⲥ ⲕⲛⲁϣⲧⲣⲧⲱⲣⲟⲩ ϩⲛ ⲧⲉⲕⲟⲣⲅⲏ ⲛⲧⲉⲟⲩⲥⲁⲧⲉ ⲟⲩⲟⲙⲟⲩ</ab>
11 ⲕⲛⲁⲧⲁⲕⲟ ⲙⲡⲉⲩⲕⲁⲣⲡⲟⲥ ⲉⲃⲟⲗ ϩⲙ ⲡⲕⲁϩ ⲁⲩⲱ ⲡⲉⲩⲥⲡⲉⲣⲙⲁ ⲉⲃⲟⲗ ϩⲛ ⲛϣⲏⲣⲉ ⲛⲛⲣⲱⲙⲉ</ab>
12 ϫⲉ ⲁⲩⲣⲓⲕⲉ ⲉⲣⲟⲕ ⲛϩⲉⲛⲡⲉⲧϩⲟⲟⲩ ⲁⲩⲙⲉⲉⲩⲉ ⲉϩⲉⲛϣⲟϫⲛⲉ ⲉⲛⲥⲉⲛⲁϣⲧⲁϩⲟⲟⲩ ⲉⲣⲁⲧⲟⲩ ⲁⲛ</ab>
13 ϫⲉ ⲕⲛⲁⲕⲱ ⲙⲙⲟⲟⲩ ⲉⲧⲣⲉⲩϩⲟⲙⲟⲩ ⲕⲛⲁⲥⲟⲃⲧⲉ ⲙⲡⲉⲩϩⲟ ϩⲛ ϩⲉⲛⲥⲉⲉⲡⲉ</ab>
14 ϫⲓⲥⲉ ⲡϫⲟⲉⲓⲥ ϩⲛ ⲧⲉⲕϭⲟⲙ ⲧⲛⲛⲁϫⲱ ⲧⲛⲯⲁⲗⲗⲉⲓ ⲛⲛⲉⲕϭⲟⲙ</ab>