1 ⲉⲡϫⲱⲕ ⲉⲃⲟⲗ ⲛⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2 ⲉⲣⲉⲡϫⲟⲉⲓⲥ ⲥⲱⲧⲙ ⲉⲣⲟⲕ ϩⲙ ⲡⲉϩⲟⲟⲩ ⲛⲧⲉⲕⲑⲗⲓⲯⲓⲥ ⲉϥⲉⲣⲛⲁϣⲧⲉ ⲉⲣⲟⲕ ⲛϭⲓ ⲡⲣⲁⲛ ⲙⲡⲛⲟⲩⲧⲉ ⲛⲓⲁⲕⲱⲃ</ab>
3 ⲉϥⲉⲧⲛⲛⲟⲟⲩ ⲛⲁⲕ ⲛⲟⲩⲃⲟⲏⲑⲉⲓⲁ ⲉⲃⲟⲗ ϩⲙ ⲡⲉⲧⲟⲩⲁⲁⲃ ⲁⲩⲱ ⲉϥⲉϣⲟⲡⲕ ⲉⲣⲟϥ ⲉⲃⲟⲗ ϩⲛ ⲥⲓⲱⲛ</ab>
4 ⲉϥⲉⲣⲡⲙⲉⲉⲩⲉ ⲛⲧⲉⲕⲑⲩⲥⲓⲁ ⲧⲏⲣⲥ ⲉⲣⲉⲛⲉⲕϭⲗⲓⲗ ϣⲱⲡⲉ ⲛⲁϥ ⲉⲩⲕⲓⲱⲟⲩ ⲇⲓⲁⲯⲁⲗⲙⲁ</ab>
5 ⲉϥⲉϯ ⲛⲁⲕ ⲕⲁⲧⲁ ⲡⲉⲕϩⲏⲧ ⲛϥϫⲱⲕ ⲉⲃⲟⲗ ⲙⲡⲉⲕϣⲟϫⲛⲉ ⲧⲏⲣϥ</ab>
6 ⲧⲛⲛⲁⲧⲉⲗⲏⲗ ⲉϫⲙ ⲡⲉⲕⲟⲩϫⲁⲓ ⲁⲩⲱ ⲧⲛⲛⲁⲁⲓⲁⲓ ϩⲙ ⲡⲣⲁⲛ ⲙⲡⲉⲛⲛⲟⲩⲧⲉ ⲉⲣⲉⲡϫⲟⲉⲓⲥ ϫⲱⲕ ⲉⲃⲟⲗ ⲛⲛⲉⲕⲁⲓⲧⲏⲙⲁ ⲧⲏⲣⲟⲩ</ab>
7 ⲧⲉⲛⲟⲩ ⲁⲓⲉⲓⲙⲉ ϫⲉ ⲁⲡϫⲟⲉⲓⲥ ⲧⲟⲩϫⲉ ⲡⲉϥⲭⲣⲓⲥⲧⲟⲥ ⲉϥⲉⲥⲱⲧⲙ ⲉⲣⲟⲕ ϩⲙ ⲡⲉϥⲡⲉⲧⲟⲩⲁⲁⲃ ⲉⲣⲉⲡⲟⲩϫⲁⲓ ⲛⲧⲉⲕⲟⲩⲛⲁⲙ ϩⲛ ϩⲉⲛϭⲟⲙ</ab>
8 ⲛⲁⲓ ϩⲛ ϩⲉⲛϩⲁⲣⲙⲁ ⲁⲩⲱ ⲛⲉⲓⲕⲟⲟⲩⲉ ϩⲛ ϩⲉⲛϩⲧⲱⲱⲣ ⲁⲛⲟⲛ ⲇⲉ ⲉⲛⲁⲁⲓⲁⲓ ϩⲙ ⲡⲣⲁⲛ ⲙⲡϫⲟⲉⲓⲥ ⲡⲉⲛⲛⲟⲩⲧⲉ</ab>
9 ⲛⲧⲟⲟⲩ ⲁⲩϭⲗⲟⲙⲗⲙ ⲁⲩⲱ ⲁⲩϩⲉ ⲁⲛⲟⲛ ⲇⲉ ⲁⲛⲧⲱⲟⲩⲛ ⲁⲩⲱ ⲁⲛⲥⲟⲟⲩⲛⲧ</ab>
10 ⲡϫⲟⲉⲓⲥ ⲛⲁϩⲙ ⲡⲉⲕⲣⲣⲟ ⲁⲩⲱ ⲛⲅⲥⲱⲧⲙ ⲉⲣⲟⲛ ϩⲙ ⲡⲉϩⲟⲟⲩ ⲉⲧⲛⲛⲁⲱϣ ⲉϩⲣⲁⲓ ⲉⲣⲟⲕ</ab>