1 ⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ ⲡⲉϣⲗⲏⲗ ϩⲙ ⲡⲉϥϣⲱⲡⲉ ϩⲙ ⲡⲉⲙϩⲁⲁⲩⲉ</ab>
2 ⲁⲓϫⲓϣⲕⲁⲕ ⲉϩⲣⲁⲓ ϩⲛ ⲧⲁⲥⲙⲏ ⲉⲡϫⲟⲉⲓⲥ ⲁⲓⲥⲟⲡⲥ ϩⲛ ⲧⲁⲥⲙⲏ ⲉϩⲣⲁⲓ ⲉⲡϫⲟⲉⲓⲥ</ab>
3 ϯⲛⲁⲡⲱϩⲧ ⲙⲡⲁϣⲗⲏⲗ ⲙⲡⲉϥⲙⲧⲟ ⲉⲃⲟⲗ ϯⲛⲁϫⲱ ⲛⲧⲁⲑⲗⲓⲯⲓⲥ ⲙⲡⲉϥⲙⲧⲟ ⲉⲃⲟⲗ</ab>
4 ϩⲙ ⲡⲧⲣⲉⲡⲁⲡⲛⲉⲩⲙⲁ ⲱϫⲛ ⲛϩⲏⲧ ⲁⲩⲱ ⲛⲧⲟⲕ ⲁⲕⲉⲓⲙⲉ ⲉⲛⲁϩⲓⲟⲟⲩⲉ ⲁⲩϩⲱⲡ ⲉⲣⲟⲓ ⲛⲟⲩⲡⲁϣ ϩⲓ ⲧⲉϩⲓⲏ ⲉⲛⲧⲁⲓⲙⲟⲟϣⲉ ⲛϩⲏⲧⲥ</ab>
5 ⲁⲓϭⲱϣⲧ ϩⲓ ⲟⲩⲛⲁⲙ ⲙⲙⲟⲓ ⲉⲓⲛⲁⲩ ϫⲉ ⲙⲛⲡⲉⲧⲥⲟⲟⲩⲛ ⲙⲙⲟⲓ ⲙⲡⲓϭⲛⲑⲉ ⲛⲣⲃⲟⲗ ⲁⲩⲱ ⲙⲛⲡⲉⲧϣⲓⲛⲉ ⲛⲥⲁ ⲧⲁⲯⲩⲭⲏ</ab>
6 ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲁⲓϫⲟⲟⲥ ϫⲉ ⲛⲧⲕ ⲧⲁϩⲉⲗⲡⲓⲥ ⲧⲁⲙⲉⲣⲓⲥ ϩⲙ ⲡⲕⲁϩ ⲛⲛⲉⲧⲟⲛϩ</ab>
7 ϯϩⲧⲏⲕ ⲉⲡⲉϩⲣⲟⲟⲩ ⲙⲡⲁⲥⲟⲡⲥ ϫⲉ ⲁⲓⲑⲃⲃⲓⲟ ⲉⲙⲁⲧⲉ ⲙⲁⲧⲟⲩϫⲟⲓ ⲉⲛⲉⲧⲡⲏⲧ ⲛⲥⲱⲓ ϫⲉ ⲁⲩϭⲙϭⲟⲙ ⲉϩⲟⲩ ⲉⲣⲟⲓ</ab>
8 ⲁⲛⲓⲛⲉ ⲛⲧⲁⲯⲩⲭⲏ ⲉⲃⲟⲗ ϩⲙ ⲡⲉϣⲧⲉⲕⲟ ⲉⲧⲣⲁⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲡϫⲟⲉⲓⲥ ⲉⲣⲉⲛⲇⲓⲕⲁⲓⲟⲥ ϭⲉⲉⲧ ⲉⲣⲟⲓ ϣⲁⲛⲧⲕⲧⲟⲩⲉⲓⲟ ⲛⲁⲓ</ab>