1 <gap reason=""/>
2 ⲛⲉϩⲃⲏⲩⲉ ⲧⲏⲣⲟⲩ ⲙⲡⲉⲧⲑⲃⲃⲓⲏⲩ ⲟⲩⲟⲛϩ ⲉⲡⲛⲟⲩⲧⲉ ⲛⲁⲥⲉⲃⲏⲥ ⲇⲉ ⲛⲁⲧⲁⲕⲟ ϩⲛⲟⲩϩⲟⲟⲩ ⲉϥϩⲟⲟⲩ</ab>
3 <gap reason=""/>
4 <gap reason=""/>
5 ⲟⲩⲃⲟⲧⲉ ⲛⲛⲁϩⲣⲙⲡⲛⲟⲩⲧⲉ ⲡⲉ ϫⲁⲥⲓϩⲏⲧ ⲛⲓⲙ ⲡⲉⲧⲛⲁϯⲧⲟⲟⲧϥ ⲇⲉ ⲛⲟⲩⲁ ϩⲛⲟⲩϫⲓ ⲛϭⲟⲛⲥ ⲛϥⲛⲁⲑⲣⲃⲟⲗ ⲁⲛ</ab>
6 <gap reason=""/>
7 ⲧⲁⲣⲭⲏ ⲛⲧⲉϩⲓⲏ ⲉⲧⲛⲁⲛⲟⲩⲥ ⲡⲉ ⲉⲓⲣⲉ ⲑⲛⲙⲙⲛⲧⲙⲉ ⲧⲇⲓⲕⲁⲓⲟⲥⲩⲛⲏ ⲅⲁⲣ ⲥⲟⲧⲡ ⲛⲁϩⲣⲙⲡⲛⲟⲩⲧⲉ ⲉϩⲟⲩⲉⲧⲉⲑⲩⲥⲓⲁ ⲛⲛⲁⲛⲟⲙⲟⲥ</ab>
8 ⲡⲉⲧϣⲓⲛⲉ ⲛⲥⲁⲡⲛⲟⲩⲧⲉ ⲛⲁϩⲉ ⲉⲩⲥⲟⲟⲩⲛ ϩⲛⲟⲩⲇⲓⲕⲁⲓⲟⲥⲩⲛⲏ ⲡⲉⲧϣⲓⲛⲉ ⲇⲉ ⲛⲥⲱϥ ϩⲛⲟⲩⲥⲟⲟⲩⲧⲛ ⲛⲁϩⲉ ⲉⲩⲉⲓⲣⲏⲛⲏ</ab>
9 ⲉⲣⲉⲛⲉϩⲃⲏⲩⲉ ⲧⲏⲣⲟⲩ ⲙⲡⲛⲟⲩⲧⲉ ϩⲛⲟⲩⲇⲓⲕⲁⲓⲟⲥⲩⲛⲏ ⲉⲩϩⲁⲣⲉϩ ⲇⲉ ⲉⲡⲁⲥⲉⲃⲏⲥ ⲉⲩϩⲟⲟⲩ ⲉϥϩⲟⲟⲩ</ab>
10 ⲟⲩⲧⲟⲛⲧⲛ ⲡⲉⲧϩⲓⲛⲉⲥⲡⲟⲧⲟⲩ ⲙⲡⲣⲣⲟ ⲛⲛⲉⲧⲉϥⲧⲁⲡⲣⲟ ⲇⲉ ⲡⲗⲁⲛⲁ ϩⲛⲟⲩϩⲁⲡ</ab>
11 ⲟⲩⲣⲓⲕⲉ ⲙⲙⲁϣⲉ ⲧⲉ ⲧⲇⲓⲕⲁⲓⲟⲥⲩⲛⲏ ⲛⲁϩⲣⲙⲡⲛⲟⲩⲧⲉ ϣⲓ ⲇⲉ ⲛⲓⲙ ⲛⲧⲟⲟⲧϥ ⲟⲩⲁⲁⲃ ϩⲛϣⲓ ⲙⲙⲉ ⲛⲉ ⲛⲉϥϩⲃⲏⲩⲉ ⲉⲣⲉⲡϫⲟⲉⲓⲥ ⲇⲉ ⲙⲉ ⲛϩⲉⲛϣⲁϫⲉ ⲉⲩⲥⲟⲩⲧⲱⲛ</ab>
12 ⲧⲃⲟⲧⲉ ⲛⲟⲩⲣⲣⲟ ⲡⲉ ⲡⲉⲧⲉⲓⲣⲉ ⲛϩⲉⲛⲡⲉⲑⲟⲟⲩ ⲉϣⲁⲩⲥⲟⲃⲧⲉ ⲅⲁⲣ ⲙⲡⲉⲑⲣⲟⲛⲟⲥ ⲛⲟⲩⲣⲣⲟ ϩⲛⲟⲩⲇⲓⲕⲁⲓⲟⲥⲩⲛⲏ</ab>
13 ⲙⲙⲟⲕⲙⲉⲕ ⲙⲙⲉ ⲥⲟⲧⲡ ⲛⲟⲩⲣⲣⲟ ⲉϥⲙⲉ ⲇⲉ ⲛϭⲓⲡⲛⲟⲩⲧⲉ ⲛⲛⲉϩⲃⲏⲩⲉ ⲙⲙⲉ</ab>
14 ⲟⲩϥⲁⲓϣⲓⲛⲉ ⲛⲧⲉⲡⲙⲟⲩ ⲡⲉ ⲡϭⲱⲛⲧ ⲛⲟⲩⲣⲣⲟ ϣⲁⲣⲉⲟⲩⲣⲱⲙⲉ ⲇⲉ ⲛⲥⲟⲫⲟⲥ ⲟϣⲙⲉϥ</ab>
15 ⲉⲣⲉⲛϣⲃⲏⲣ ⲙⲡⲣⲣⲟ ϩⲙⲡⲟⲩⲟⲉⲓⲛ ⲙⲡⲱⲛϩ ⲉⲣⲉⲛⲉⲧϣⲏⲡ ⲇⲉ ⲛⲁϩⲣⲁϥ ⲟ ⲛⲑⲉ ⲛⲟⲩⲕⲗⲟⲟⲗⲉ ⲛϩⲁⲏ ⲟⲩⲱⲛϩ ⲡⲉ ⲡϩⲟ ⲙⲡⲣⲣⲟ ⲉⲧⲣⲟⲟⲩⲧ ϣⲁϥϯϩⲏⲩ ⲇⲉ ⲛⲛⲉⲧϥⲛⲁⲣⲁϣⲉ ⲛⲙⲙⲁⲩ ⲛⲑⲉ ⲛⲟⲩⲕⲗⲟⲟⲗⲉ ⲛϩⲁⲏ</ab>
16 ⲙⲙⲁⲛϣⲱⲡⲉ ⲑⲛⲧⲥⲟⲫⲓⲁ ⲥⲟⲧⲡ ⲉⲡⲛⲟⲩⲃ ⲁⲩⲱ ⲙⲙⲁⲛϣⲱⲡⲉ ⲛⲧⲙⲛⲧⲣⲙⲛϩⲏⲧ ⲉϩⲟⲩⲉⲡϩⲁⲧ ⲉⲧⲥⲟⲧⲡ</ab>
17 ⲧⲉϩⲓⲏ ⲙⲡⲱⲛϩ ⲡⲉ ⲣⲁⲕⲧⲕ ⲉⲃⲟⲗ ⲙⲡⲡⲉⲑⲟⲟⲩ ⲟⲩⲛⲟϭ ⲇⲉ ⲛⲁϩⲉ ⲛⲉ ⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ ⲡⲉⲛⲧⲁϥⲥⲃⲱ ⲉⲧⲉⲥⲃⲱ ϥⲛⲁϣⲱⲡⲉ ϩⲛϩⲉⲛⲁⲅⲁⲑⲏ ⲟⲩⲥⲁⲃⲉ ⲇⲉ ⲛϩⲟⲩⲟ ⲡⲉ ⲡⲉⲧϩⲁⲣⲉϩ ⲉϩⲉⲛϫⲡⲓⲟ ⲉⲣⲉⲡⲉⲧϩⲁⲣⲉϩ ⲛⲛⲉϥϩⲓⲟⲟⲩⲉ ϩⲁⲣⲉϩ ⲉⲧⲉϥⲯⲩⲭⲏ ⲡⲉⲧⲙⲉ ⲇⲉ ⲙⲡⲱⲛϩ ϥⲛⲁϯⲥⲱ ⲉⲣⲱϥ</ab>
18 ⲉⲣⲉⲡⲥⲱϣ ⲙⲟⲟϣⲉ ϩⲁⲑⲏ ⲙⲡⲟⲩⲱϣϥ ϩⲉⲛⲙⲉⲉⲩⲉ ⲇⲉ ⲉⲩϩⲟⲟⲩ ϩⲁⲑⲏ ⲙⲡϩⲉ</ab>
19 ⲛⲁⲛⲟⲩⲟⲩⲣⲱⲙⲉ ⲉⲙⲉϥϭⲱⲛⲧ ϩⲛⲟⲩⲇⲓⲕⲁⲓⲟⲥⲩⲛⲏ ⲙⲛⲟⲩⲑⲃⲃⲓⲟ ⲉϩⲟⲩⲉⲡⲉⲧⲛⲁⲡⲱϣ ⲛϩⲉⲛϣⲱⲗ ⲙⲛϩⲉⲛⲣⲉϥⲥⲱϣ</ab>
20 ⲟⲩⲣⲉϥϭⲛⲁⲅⲁⲑⲟⲛ ⲡⲉ ⲡⲣⲙⲛϩⲏⲧ ϩⲛⲛⲉϥϩⲃⲏⲩⲉ ⲡⲉⲧⲛⲁϩⲧⲉ ⲇⲉ ⲉⲡϫⲟⲉⲓⲥ ⲛⲁⲣⲙⲁⲕⲁⲣⲓⲟⲥ</ab>
21 ϣⲁⲩⲙⲟⲩⲧⲉ ⲉⲛⲥⲟⲫⲟⲥ ⲙⲛⲛⲥⲁⲃⲉⲉⲩ ϫⲉ ⲛⲉⲧⲥⲟϣϥ ϣⲁⲩⲥⲱⲧⲙ ⲇⲉ ⲛϩⲟⲩⲟ ⲉⲛⲉⲧⲛⲟⲧⲙ ϩⲙⲡⲉⲩϣⲁϫⲉ</ab>
22 ⲟⲩⲡⲏⲅⲏ ⲛⲱⲛϩ ⲡⲉ ⲡⲙⲉⲉⲩⲉ ⲉⲧⲛⲁⲛⲟⲩϥ ⲛⲛⲉⲛⲧⲁⲩϫⲡⲟϥ ⲛⲁⲩ ⲧⲉⲥⲃⲱ ⲇⲉ ⲛⲛⲁⲑⲏⲧ ϩⲟⲟⲩ</ab>
23 ϣⲁⲣⲉⲡϩⲏⲧ ⲙⲡⲥⲁⲃⲉ ⲛⲟⲓ ⲛⲛⲉⲧⲛⲏⲩ ⲉⲃⲟⲗ ϩⲛⲣⲱϥ ϥⲛⲁⲫⲟⲣⲓ ⲇⲉ ⲛⲟⲩⲥⲟⲟⲩⲛ ϩⲓⲛⲉϥⲥⲡⲟⲧⲟⲩ</ab>
24 ϩⲉⲛⲙⲟⲩⲗϩ ⲛⲉⲃⲓⲱ ⲛⲉ ⲛϣⲁϫⲉ ⲛⲧⲥⲟⲫⲓⲁ ⲡⲉϩⲗⲟϭ ⲇⲉ ⲙⲡⲉⲩⲥⲱⲧⲙ ⲟⲩⲧⲁⲗϭⲟ ⲡⲉ ⲙⲯⲩⲭⲏ</ab>
25 ⲟⲩⲛⲟⲩϩⲓⲏ ⲉⲣⲉⲡⲣⲱⲙⲉ ⲙⲉⲉⲩⲉ ⲉⲣⲟⲥ ϫⲉ ⲥⲥⲟⲩⲧⲱⲛ ⲉⲣⲉⲧⲉⲥϩⲁⲏ ⲇⲉ ⲛⲏⲩ ⲉⲡϣⲓⲕ ⲑⲛⲁⲙⲑⲛⲧⲉ</ab>
26 ϣⲁⲣⲉⲟⲩⲣⲱⲙⲉ ⲛϫⲱⲱⲣⲉ ϣⲡϩⲓⲥⲉ ϩⲛϩⲉⲛϩⲓⲥⲉ ⲁⲩⲱ ϣⲁϥϫⲓ ⲛϫⲛⲁϩ ϩⲙⲡⲉϥⲧⲁⲕⲟ ⲡⲉⲧϭⲟⲟⲙⲉ ⲇⲉ ⲛⲧⲟϥ ⲉⲓⲛⲉ ⲙⲡⲉϥⲧⲁⲕⲟ ϩⲛⲧⲉϥⲧⲁⲡⲣⲟ</ab>
27 ⲉⲣⲉⲡⲣⲱⲙⲉ ⲛⲁⲑⲏⲧ ϣⲓⲕⲉ ⲛⲁϥ ⲛϩⲉⲛⲡⲉⲑⲟⲟⲩ ⲉϥⲥⲟⲩⲱϩ ⲇⲉ ⲉϩⲟⲩⲛ ⲛⲟⲩⲕⲱϩⲧ ϩⲓⲛⲉϥⲥⲡⲟⲧⲟⲩ</ab>
28 ϣⲁⲣⲉⲟⲩⲣⲱⲙⲉ ⲉϥϭⲟⲟⲙⲉ ϫⲟⲟⲩ ⲛⲟⲩϯⲧⲱⲛ ⲁⲩⲱ ϣⲁϥⲧⲙϩⲟ ⲑⲛⲟⲩϣⲁϩ ⲛⲕⲣⲟϥ ⲛⲛⲉⲑⲟⲟⲩ ⲁⲩⲱ ϣⲁϥⲡⲱⲣϫ ⲛϩⲉⲛϣⲃⲏⲣ</ab>
29 ϣⲁⲣⲉⲟⲩⲣⲱⲙⲉ ⲙⲡⲁⲣⲁⲛⲟⲙⲟⲥ ⲣϩⲁⲗ ⲛⲛⲉϥϣⲃⲉⲉⲣ ⲁⲩⲱ ϣⲁϥϫⲓⲧⲟⲩ ⲉϩⲉⲛϩⲓⲟⲟⲩⲉ ⲛⲛⲁⲛⲟⲩⲟⲩ ⲁⲛ</ab>
30 ⲉⲣⲉⲡⲉⲧⲧⲁϫⲣⲟ ⲛⲛⲉϥⲃⲁⲗ ⲙⲉⲉⲩⲉ ⲉϩⲉⲛⲕⲣⲟϥ ⲁⲩⲱ ⲟⲛ ϣⲁϥⲟⲩⲱⲙ ⲛⲛⲉϥⲥⲡⲟⲧⲟⲩ ⲡⲁⲓ ϭⲉ ⲟⲩϩⲣⲱ ⲛⲕⲁⲕⲓⲁ ⲡⲉ</ab>
31 ⲟⲩⲕⲗⲟⲙ ⲛⲧⲣⲩⲫⲏ ⲧⲉ ⲧⲙⲛⲧϩⲗⲗⲟ ⲉⲧⲛⲁⲛⲟⲩⲥ ϣⲁⲩϩⲉ ⲇⲉ ⲉⲣⲟϥ ϩⲛⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲛⲏ</ab>
32 ⲛⲁⲛⲟⲩⲟⲩⲣⲱⲙⲉ ⲛϩⲁⲣϣϩⲏⲧ ⲉⲩϫⲱⲱⲣⲉ ⲁⲩⲱ ⲡⲉⲧⲁⲙⲁϩⲧⲉ ⲛⲧⲉϥⲟⲣⲅⲏ ⲉϩⲟⲩⲉⲡⲉⲧⲛⲁϫⲓ ⲛⲟⲩⲡⲟⲗⲓⲥ</ab>
33 ⲥⲉⲛⲁⲧⲟⲟⲃⲟⲩ ⲧⲏⲣⲟⲩ ⲉⲕⲟⲩⲛⲧⲟⲩ ⲛⲛⲣⲉϥϫⲓⲛϭⲟⲛⲥ ⲉⲩⲛⲁϯ ⲇⲉ ⲛⲟⲩⲟⲛ ⲛⲓⲙ ⲛⲙⲙⲛⲧⲙⲉ ⲉⲃⲟⲗ ϩⲓⲧⲙⲡⲛⲟⲩⲧⲉ</ab>