1 ⲁ ⲓⲱⲃ ⲇⲉ ⲟⲩⲱϣⲃ ⲉϥϫⲱ ⲙⲙⲟⲥ</ab>
2 ϫⲉ ⲁⲓⲥⲱⲧⲙ ⲉϩⲁϩ ⲛⲧⲓⲙⲓⲛⲉ ⲛⲣⲉϥⲥⲁⲗⲥⲉⲗ ⲛⲛⲉⲑⲟⲟⲩ ⲧⲏⲣⲟⲩ</ab>
3 ⲉϣⲁⲣⲉ ⲟⲩ ⲅⲁⲣ ϣⲱⲡⲉ ⲙⲏ ⲟⲩⲧⲁⲝⲓⲥ ⲛϣⲁϫⲉ ⲙⲡⲉ</ab>
4 ⲁⲛⲟⲕ ϩⲱ ⲉⲓⲉϣⲁϫⲉ ⲛⲧⲉⲧⲛϩⲉ ⲉⲛⲉⲣⲉ ⲧⲉⲧⲛⲯⲩⲭⲏ ⲟ ⲉⲡⲙⲁ ⲛⲧⲱⲓ ⲛⲉⲓⲛⲁⲃⲱϭⲉ ⲡⲉ ⲉϫⲱⲧⲛ ϩⲛ ϩⲉⲛϣⲁϫⲉ ϯⲛⲁⲕⲓⲙ ⲛⲧⲁⲁⲡⲉ ⲉϫⲱⲧⲛ</ab>
5 ⲉⲣⲉ ⲟⲩϭⲟⲙ ⲇⲉ ϣⲱⲡⲉ ϩⲛ ⲣⲱⲓ ⲛⲛⲉⲓϯⲥⲟ ⲇⲉ ⲉⲡⲕⲓⲙ ⲛⲛⲁⲥⲡⲟⲧⲟⲩ</ab>
6 ⲉⲓϣⲁⲛϣⲁϫⲉ ⲅⲁⲣ ⲛⲛⲉⲓⲙⲕⲁϩ ⲉⲡⲁⲥⲁϣ ⲁⲩⲱ ⲟⲛ ⲉⲓϣⲁⲛⲕⲁⲣⲱⲓ ⲛⲛⲁⲙⲧⲟⲛ ⲛϩⲟⲩⲟ</ab>
7 ⲧⲉⲛⲟⲩ ⲇⲉ ⲁϥϩⲁⲥⲏⲧ ⲁϥⲁⲁⲧ ⲛⲥⲟϭ ⲁϥⲗⲉϥ ⲗⲱⲃⲧ</ab>
9 ⲁϥⲭⲣⲱ ⲛⲧⲉϥⲟⲣⲅⲏ ⲁϥⲧⲁⲩⲟⲓ ⲉϩⲣⲁⲓ ⲁϥϩⲣⲟϫⲣϫ ⲛⲛⲉϥⲟⲃϩⲉ ⲉϩⲣⲁⲓ ϫⲱⲓ ⲁϥⲣⲱϩⲧ ⲇⲉ ⲙⲙⲟⲓ ϩⲛ ⲛⲥⲟⲟⲧⲉ ⲛⲛⲉϥⲙⲁⲛⲥⲟⲛⲉ.</ab>
10 ⲁϥϥⲱϭⲉ ⲉϫⲱⲓ ϩⲙ ⲡⲟⲩⲟⲉⲓⲛ ⲛⲛⲉϥⲃⲁⲗ ⲁϥⲣⲁϩⲧ ⲉϫⲛ ⲛⲁⲡⲁⲧ ⲁⲩⲡⲱⲧ ⲇⲉ ⲉϩⲣⲁⲓ ⲉϫⲱⲓ ϩⲓⲟⲩⲥⲟⲡ</ab>
11 ⲁ ⲡϫⲟⲉⲓⲥ ⲅⲁⲣ ⲧⲁⲁⲧ ⲉⲧⲟⲟⲧϥ ⲙⲡⲣⲉϥϫⲓⲛϭⲟⲛⲥ ⲁϥⲛⲟϫⲧ ⲇⲉ ⲛⲛⲁⲥⲉⲃⲏⲥ.</ab>
12 ⲁϥϫⲟⲟⲣⲧ ⲉⲃⲟⲗ ⲉⲓⲥⲙⲟⲛⲧ ⲁϥⲁⲙⲁϩⲧⲉ ⲙⲡⲁⲃⲱ ⲁϥⲃⲟϭⲧ ⲁϥⲧⲁϩⲟⲓ ⲉⲣⲁⲧ ⲛⲑⲉ ⲛⲟⲩⲥⲕⲟⲡⲟⲥ</ab>
13 ⲁⲩⲕⲱⲧⲉ ⲉⲣⲟⲓ ⲙⲛ ⲛⲗⲟⲅⲭⲏ ⲉⲩⲛⲟⲩϫⲉ ⲙⲙⲟⲟⲩ ⲉⲛⲁϭⲗⲟⲟⲧⲉ ⲉⲙⲛϯⲥⲟ ⲁⲩⲡⲉϩⲧ ⲡⲁⲥⲓϣⲉ ⲉⲡⲕⲁϩ</ab>
14 ⲁⲩⲧⲁⲩⲟⲓ ⲉϩⲣⲁⲓ ⲛⲟⲩⲧⲟⲡ ⲉϫⲛ ⲟⲩϩⲧⲟⲡ ⲁⲩⲡⲱⲧ ⲉϩⲟⲩⲛ ⲉⲣⲟⲓ ⲉⲩϫⲟⲟⲣ</ab>
15 ⲁⲩϯϩⲓⲱⲱⲧ ⲛⲟⲩϭⲟⲟⲩⲛⲉ ⲁ ⲧⲁϭⲟⲙ ⲇⲉ ⲱϫⲛ ϩⲙ ⲡⲕⲁϩ</ab>
16 ⲁ ⲡⲁϩⲏⲧ ⲣⲱⲕϩ ⲉⲃⲟⲗϩⲙ ⲡⲣⲓⲙⲉ ⲁⲩⲱ ⲟⲩϩⲁⲓⲃⲉⲥ ⲧⲉⲧϩⲓ ⲛⲁⲃⲟⲩϩⲉ</ab>
17 ⲛⲉ ⲙⲛ ⲗⲁⲁⲩ ⲇⲉ ⲛϫⲓⲛϭⲟⲛⲥ ϩⲛ ⲛⲁϭⲓϫ ⲧⲁϣⲗⲏⲗ ⲇⲉ ⲟⲩⲁⲁⲃ</ab>
18 ⲡⲕⲁϩ ⲙⲡⲣϩⲱⲃⲥ ⲉⲃⲟⲗ ⲉϫⲙ ⲡⲉⲥⲛⲟϥ ⲛⲧⲁⲥⲁⲣⲝ ⲁⲩⲱ ⲛⲛⲉ ⲙⲁ ϣⲱⲡⲉ ⲙⲡⲁⲁϣⲕⲁⲕ</ab>
19 ⲧⲉⲛⲟⲩ ⲉⲓⲥϩⲏⲏⲧⲉ ⲉⲣⲉ ⲡⲁⲙⲛⲧⲣⲉ ϩⲛ ⲙⲡⲏⲩⲉ ⲁⲩⲱ ⲉⲣⲉ ⲡⲉⲧⲥⲟⲟⲩⲛ ⲙⲙⲟⲓ ϩⲛ ⲛⲉⲧϫⲟⲥⲉ</ab>
20 ⲉⲣⲉ ⲡⲁⲥⲟⲡⲥ ⲡⲱϩ ⲉⲡϫⲟⲉⲓⲥ ⲁⲩⲱ ⲉⲣⲉ ⲡⲁⲃⲁⲗ ϯⲣⲙⲓⲏ ⲙⲡⲉϥⲙⲧⲟ ⲉⲃⲟⲗ</ab>
21 ⲉⲣⲉ ⲟⲩϫⲡⲓⲟ ⲇⲉ ⲛⲁϣⲱⲡⲉ ⲙⲡⲣⲱⲙⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ</ab>
22 ⲁ ⲛⲁⲣⲟⲙⲡⲉ ⲇⲉ ⲉⲧⲏⲡ ⲉⲓ ⲉⲓⲛⲁⲃⲱⲕ ⲇⲉ ⲉⲧⲉ ϩⲓⲏ ⲛϯⲛⲁⲕⲟⲟⲧ ⲛϩⲏⲧⲥ ⲁⲛ</ab>
23 <gap reason=""/>