1 ⲉⲩⲫⲣⲁⲛⲉ ⲧⲉⲣⲏⲙⲟⲥ ⲉⲧⲟⲃⲉ ⲙⲁⲣⲉⲧⲉⲣⲏⲙⲟⲥ ⲧⲉⲗⲏⲗ ⲛⲥϯⲟⲩⲱ ⲛⲑⲉ ⲛⲟⲩⲕⲣⲓⲛⲟⲛ</ab>
2 ⲁⲩⲱ ⲛϫⲁⲓⲉ ⲙⲡⲓⲟⲣⲇⲁⲛⲏⲥ ⲛⲁϯⲟⲩⲱ ⲛⲥⲉⲧⲉⲗⲏⲗ ⲁⲩⲱ ⲁⲩϯ ⲛⲁⲥ ⲙⲡⲉⲟⲟⲩ ⲙⲡⲗⲓⲃⲁⲛⲟⲥ ⲁⲩⲱ ⲡⲧⲁⲓⲟ ⲙⲡⲕⲁⲣⲙⲏⲗⲟⲥ ⲁⲩⲱ ⲡⲁⲗⲁⲟⲥ ⲛⲁⲛⲁⲩ ⲉⲡⲉⲟⲟⲩ ⲙⲡϫⲟⲉⲓⲥ ⲙⲛ ⲡϫⲓⲥⲉ ⲙⲡⲛⲟⲩⲧⲉ</ab>
3 ϭⲙϭⲟⲙ ⲛϭⲓϫ ⲉⲧⲥⲏϭ ⲙⲛ ⲙⲡⲁⲧ ⲉⲧⲃⲏⲗ ⲉⲃⲟⲗ</ab>
4 ⲡⲁⲣⲁⲕⲁⲗⲉⲓ ⲛⲛϩⲏⲧ ϣⲏⲙ ϩⲙ ⲡⲉⲩϩⲏⲧ ⲙⲡⲉⲣⲣϩⲟⲧⲉ ⲉⲓⲥ ϩⲏⲏⲧⲉ ⲡⲉⲛⲛⲟⲩⲧⲉ ⲛⲁⲧⲱⲱⲃⲉ ϩⲉⲛ ⲟⲩϩⲁⲡ ⲁⲩⲱ ϥⲛⲁⲧⲱⲱⲃⲉ ⲛⲁⲩ ⲛⲧⲟϥ ⲡⲉⲧⲛⲏⲩ ⲛϥⲧⲟⲩϫⲟⲛ</ab>
5 ⲧⲟⲧⲉ ⲛⲃⲁⲗ ⲛⲛⲃⲗⲗⲉ ⲛⲁⲟⲩⲱⲛ ⲁⲩⲱ ⲙⲙⲁⲁϫⲉ ⲛⲛⲁⲗ ⲛⲁⲥⲱⲧⲙ</ab>
6 ⲧⲟⲧⲉ ⲛϭⲁⲗⲉ ⲛⲁϫⲓⲃⲁϭⲥ ⲛⲑⲉ ⲛⲛⲓⲟⲩⲗ ⲁⲩⲱ ⲡⲗⲁⲥ ⲛⲛϭⲁⲁϫⲉ ⲗⲁⲥ ⲛⲁⲥⲟⲟⲩⲧⲛ ϫⲉ ⲁⲩⲙⲟⲟⲩ ⲥⲱⲕ ϩⲓ ⲡϫⲁⲓⲉ ⲁⲩⲱ ⲟⲩⲉⲓⲁ ϩⲛ ⲟⲩⲕⲁϩ ⲉϥⲟⲃⲉ</ab>
7 ⲁⲩⲱ ⲡⲙⲁ ⲉⲧⲉⲙⲛⲙⲟⲟⲩ ⲛϩⲏⲧϥ ⲛⲁⲣϩⲉⲗⲟⲥ ⲁⲩⲱ ⲟⲩⲡⲩⲅⲏ ⲙⲙⲟⲟⲩ ϩⲛ ⲟⲩⲕⲁϩ ⲛⲉⲓⲃⲉ ϥⲛⲁϣⲱⲡⲉ ⲙⲙⲁⲩ ⲛϭⲓ ⲟⲩⲟⲩⲛⲟϥ ⲛϩⲁⲗⲏⲧ ⲁⲩⲱ ϩⲛⲣⲥⲱ ⲛⲟϩⲉ ⲟⲩⲛϩⲉⲛⲕⲁϣ ⲙⲛ ϩⲉⲛϩⲉⲗⲟⲥ ⲛⲁϣⲱⲡⲉ ⲙⲙⲁⲩ</ab>
8 ⲥⲉⲛⲁⲙⲟⲩⲧⲉ ⲉⲣⲟⲥ ϫⲉ ⲧⲉϩⲓⲏ ⲉⲧⲧⲃⲃⲏⲩ ⲁⲩⲱ ⲉⲧⲟⲩⲁⲁⲃ ⲛⲛⲉⲁⲕⲁⲑⲁⲣⲧⲟⲥ ⲉⲓ ⲉⲃⲟⲗ ϩⲓⲧⲙ ⲡⲙⲁ ⲉⲧⲙⲙⲁⲩ ⲟⲩⲇⲉ ⲛⲛⲉϩⲓⲏ ⲛⲁⲕⲁⲑⲁⲣⲧⲟⲥ ϣⲱⲡⲉ ⲙⲙⲁⲩ ⲛⲉⲧϫⲟⲟⲣⲉ ⲇⲉ ⲉⲃⲟⲗ ⲛⲁⲙⲟⲟϣⲉ ϩⲓϫⲱϥ ⲁⲩⲱ ⲛⲛⲉⲩⲡⲗⲁⲛⲁ</ab>
9 ⲁⲩⲱ ⲛⲛⲉⲙⲟⲩⲓ ϣⲱⲡⲉ ⲙⲙⲁⲩ ⲟⲩⲇⲉ ⲛⲛⲉⲗⲁⲁⲩ ⲛⲑⲏⲣⲓⲱⲛ ⲙⲡⲟⲛⲏⲣⲟⲛ ⲁⲗⲉ ⲉϫⲱϥ ⲟⲩⲇⲉ ⲛⲛⲉⲩϩⲉ ⲉⲣⲟⲟⲩ ⲙⲙⲁⲩ ⲁⲗⲗⲁ ⲥⲉⲛⲁⲙⲟⲟϣⲉ ⲛϩⲏⲧⲥ ⲉⲁⲩⲥⲟⲧⲟⲩ</ab>
10 ⲁⲩⲱ ⲉⲩⲥⲟⲟⲩϩ ⲥⲉⲛⲁⲕⲟⲧⲟⲩ ⲉⲧⲃⲉ ⲡϫⲟⲉⲓⲥ ⲁⲩⲱ ⲛⲥⲉⲉⲓ ⲉⲥⲓⲱⲛ ϩⲛ ⲟⲩⲟⲩⲛⲟϥ ⲁⲩⲱ ⲉⲣⲉⲡⲟⲩⲛⲟϥ ⲛϣⲁ ⲉⲛⲉϩ ϩⲓϫⲛ ⲧⲉⲩⲁⲡⲉ ⲡⲉⲥⲙⲟⲩ ⲅⲁⲣ ⲛⲁϣⲱⲡⲉ ϩⲓϫⲱⲟⲩ ⲁⲩⲱ ⲡⲟⲩⲛⲟϥ ⲙⲛ ⲡⲧⲉⲗⲏⲗ ⲛⲁⲧⲁϩⲟⲟⲩ ⲁⲧⲗⲩⲡⲏ ⲡⲱⲧ ⲙⲛ ⲡⲉⲙⲕⲁϩ ⲛϩⲏⲧ ⲙⲛ ⲡⲁϣ ⲁϩⲟⲙ</ab>