1 Yu brabli nogudbala men!
2 Yu oldei meigim plen blanga dum nogud ting langa najalot pipul.
3 Yu laigim ola brabli nogudbalawei mowa den yu laigim det gudbalawei.
4 Yu laiyawan!
5 Wal God garra meigim yu laif nogudwan olagija.
6 Ola pipul hu jidan trubalawei langa God garra luk dijan, en olabat garra bradin.
7 “Yu luk! Iya na det brabli nogudbala men hu nomo bin kaman langa God blanga jidan seifwan,
8 Bat mi, mi jidan jis laik det olibtri weya grogrobat langa God haus.
9 God, ai garra oldei gibit yu theingks blanga wanim yubin dum.