1 ڒَاغَا مَاشَا! مَا ذِينْ شَا ن يِيجّنْ
2 مِينْزِي أَخيّقْ إِنقّْ أَبُوهَاڒِي،
3 ژْرِيغْ إِجّْ ن ؤُبُوهَاڒِي إِضْڒقْ إِ وژْوَارْ،
4 إِڭّْوجنْ إِحنْجِيرنْ نّسْ خْ ؤُسنْجمْ،
5 ؤُمِي إِشَّا ؤُمهْيُوفْ صَّابثْ نّسْ
6 مَاغَارْ وَارْ إِدْجِي زِي ثْعجَّاجْثْ
7 مَاشَا بْنَاذمْ
8 مْڒِي ؤُفِيغْ أَذْ أَرْزُوغْ غَارْ أَربِّي،
9 ونِّي إِتّڭّنْ ثِيمسْڒَايِينْ ثِيمقّْرَانِينْ،
10 إِسَّاكّْوَاضْ أَنْژَارْ خْ وُوذمْ ن ثمُّورْثْ،
11 حِيمَا أَذْ إِسّْڭعّذْ إِمْوَاضْعنْ،
12 نتَّا إِسّْبطّڒْ
13 إِمِيغِيسنْ إِمنّعْ إِ-ثنْ
14 ذڭْ ؤُزِيڒْ مّْسَاڭَارنْ أَكْ-ذ ثَادْجسْثْ
15 نتَّا إِسّنْجَامْ زِي سِّيفْ إِ د-إِتّفّْغنْ
16 أَمُّو إِ يدْجَا ڒَايَاسْ إِ ؤُمزْڒُوضْ
17 خْزَارْ، سّعْذْ ن ورْيَازْ
18 مَاغَارْ نتَّا إِسّْيزِّيمْ أَيِي
19 ذِي ستَّا ن ڒحْصَارَاثْ أَذْ شكْ إِفكّْ،
20 ذِي ڒَاژْ أَذْ شكْ إِسّنْجمْ زِي ڒْموْثْ،
21 أَذْ ثِيڒِيذْ ذِي ڒَامَانْ
22 خْ وَاردّدْجْ ذ ڒَاژْ
23 مَاغَارْ ثْقضْعذْ ڒْعَاهْذْ أَكْ-ذ إِژْرَا ن ييَّارْ،
24 أَذْ ثَارْڭْبذْ أَقَا ڒهْنَا ذ أَقِيضُونْ نّشْ،
25 شكْ أَذْ ثسّْنذْ أَقَا أَرَّاوْ نّشْ أَطَّاسْ،
26 أَذْ ثَاذْفذْ غَارْ ونْضڒْ ذِي ثوْسَارْ،
27 خْزَارْ، مَانْ أَيَا، أَقَا نشِّينْ نَارْزُو ذَايسْ،