João 4
Palikúr NT (PLU_WBT) vs NAA
1 Apim ini nerras farisewkis kinetni Kiyapwiye Jesus gak ku ig kaywa hiyeg pi kibite giw amekene João Batista. Igkis kinetni gak ku pi kibite hiyeg wageswepye gikannuhnipwi Kiyapwiye Jesus.
1 Quando Jesus soube que os fariseus tinham ouvido dizer que ele fazia e batizava mais discípulos do que João
2 Bawa ka ignema Kiyapwiye Jesus kaywene hiyeg henneme usuh gikannuhnipwi kayweprikis.
2 — se bem que Jesus mesmo não batizava, e sim os seus discípulos —,
3 Ig Kiyapwiye Jesus timé gakkis nerras farisewkis ku igkis kinetni gak henne. Ayge nikwe ig pes apititak Judeyamnaw. Ig tipikwiye ta apitit Galiléyamnaw. Usuh gikannuhnipwi tipik gihapti.
3 deixou a Judeia, retirando-se outra vez para a Galileia.
4 Apim ini amawka ku ig mpiya apuriw Samariyamnaw.
4 E era-lhe necessário passar pela região da Samaria.
5 Usuh ayge Samariyamnaw, ig danuh ta apitit pahá paytwempu kewye Sikar kennesa arimkat amekene Jakó giwaxri. Minikwak ig amekene Jakó kakanhawni ta git gikamkayh amekene José.
5 Assim, Jesus chegou a uma cidade samaritana, chamada Sicar, perto das terras que Jacó tinha dado a seu filho José.
6 Amekene Jakó giwnpína ayge. Ig Kiyapwiye Jesus mabe awaku giwewni piyawakad. Nikwe ig batahkiswe aranwa ini unipna.
6 Ali ficava o poço de Jacó. Cansado da viagem, Jesus sentou-se junto ao poço. Era por volta do meio-dia.
7 Usuhme gikannuhnipwi atak paytwempuit adahan isimwiye umana. Igme Kiyapwiye Jesus msekwe ayge. Puwipka abet pahapu tino samariyano danuh atere kapukno guwnra. Ig Kiyapwiye Jesus hiyapni henne, ig awna gut: ―Uyá amnihun ikapun akak un.
7 Nisso veio uma mulher samaritana tirar água. Jesus lhe disse:
8 — ausente —
8 Pois os seus discípulos tinham ido à cidade comprar alimentos.
9 Egme kaytwa giwn: ―Mmah pis kinetihwa nukakhu? Pis judeyene. Hiyeg judeyenepwi gikakkis hiyeg samariyenepwi igkis ka pasamrakti pawtak.
9 Então a mulher samaritana perguntou a Jesus: — Como, sendo o senhor um judeu, pede água a mim, que sou mulher samaritana? Ela disse isso porque os judeus não se dão com os samaritanos.
10 Igme kaytwa guwn: ―Waké pis hiyakbe ku pariye Uhokri ik adahan ikí pit, waké pis hiyakbe ku pariyene nah, nikwekam pis makahpawkam un nuthu. Nahme ikkam pit un ku pariye keh pis aymuhwa adahan apanenekwa.
10 Jesus respondeu:
11 Egme no tino awna git: ―Kiyapwiye, pis yuma ariknawnama adahan pis kapukne piwnra. Inin unipna mihad. Nikwe kitak pis utí ini un ku pariye keh wis aymuhwa adahan apanenekwa?
11 Ao que a mulher respondeu: — O senhor não tem balde e o poço é fundo. De onde vai conseguir essa água viva?
12 Mmah pis ik adahan ikí nuthu un ku pariye pi kabayte ariw wahawkriwiy amekene Jakó gidahan? Mmah pis pi kiyatte giw? Mmanawa igwa amekene Jakó iké wothu inin unipna. Igwa higap niwntak payak gikakkis gikamkayupwi madé akak gipigpu.
12 Por acaso o senhor é maior do que Jacó, o nosso pai, que nos deu o poço, do qual ele mesmo bebeu, assim como os seus filhos e o seu gado?
13 Igme Kiyapwiye Jesus kaytwa guwn: ―Ku pahapwi higá inin un, kuwewanek ig arabyu un akiwnek.
13 Jesus respondeu:
14 Henneme ku pahapwi higá un nuwntak, iggi ka arabyuti akiw. Ini un nuwntak humaw ke un ariwtyakbe kane makarati in padeknenekwa dehetniki adahan apanenekwa.
14 mas aquele que beber da água que eu lhe der nunca mais terá sede. Pelo contrário, a água que eu lhe der será nele uma fonte a jorrar para a vida eterna.
15 Egme no tino kaytwa giwn: ―Kiyapwiye, uyá ik nuthu ariwntak piwnra adahan nah ka arabyu un akiw, adahan nah ka diyudyuka adahan nah kapuknano akiw.
15 A mulher lhe disse: — Senhor, quero que me dê essa água para que eu não mais tenha sede, nem precise vir aqui buscá-la.
16 Igme awna gut: ―Su ta iwá pigihgi ayta.
16 Jesus disse:
17 Egme kaytwa giwn: ―Nah yuma nugihgi. Igme Kiyapwiye Jesus awna: ―Piwnapriknawa ku samah pis awna. Pis yuma pigihgi.
17 Ao que a mulher respondeu: — Não tenho marido. Então Jesus disse:
18 Mmanawa ayipa kuwis pis pohowku gikebyikis pigihgiwenepwi. Igme ner pahapwinene ku kakak pis ay kuri, ig ka pigihgima. Hennewa piwnapriknawa.
18 Porque já teve cinco, e esse que agora tem não é seu marido. O que você disse é verdade.
19 Egme kaytwa giwn: ―Kiyapwiye, kuri nah hiyakpi ku pis Uhokri gawnepe.
19 A mulher então lhe disse: — Agora eu sei que o senhor é um profeta!
20 Uyá akki nuthu nikwe adahan ku kiney wixwiy kiyé Uhokri. Madikte amekenegben samariyenepwi igkis kiyé Uhokri ay apit inin waxri. Yisme yis hiyeg judeyenepwi yis awna ku amawka hiyeg kiyé Uhokri ayhté apit paytwempu Jerusalém. Mmani pit? Pariye Uhokri akki pit adahan ku kiney wixwiy kiyegi?
20 Nossos pais adoravam neste monte, mas vocês dizem que em Jerusalém é o lugar onde se deve adorar.
21 Igme kaytwa guwn: ―Kiyapuno, ihanaba nuwnhu kuri nah awna pit. Aysawnemenek yis ka kiyé Wigwiy ay apit inin waxri, iné ayhté apit Jerusalém.
21 Jesus respondeu:
22 Yis hiyeg samariyenepwi yis kiyé Uhokri kuri henneme yis ka hiyakri ku pariyene ig. Usuhme hiyeg judeyenepwi usuh hiyaknig ku pariyene ig. Mmanawa ner ku pariye ayta gamnihtenkis madikte hiyeg ig ayta gibetitakkis hiyeg judeyenepwi.
22 Vocês adoram o que não conhecem; nós adoramos o que conhecemos, porque a salvação vem dos judeus.
23 Henneme kurinewa aysawnemenek madikte hiyeg ku pariye inyerwa kiyé Wigwiy, ignes kiyegi ay abet gihiyakemnikis. Ayge iwetrit adahan ku kiney wis inyerwa kiyene Wigwiy. Henne Wigwiy gimawkan adahan wis kiyegi.
23 Mas vem a hora — e já chegou — em que os verdadeiros adoradores adorarão o Pai em espírito e em verdade. Porque são esses que o Pai procura para seus adoradores.
24 Mmanawa ig Uhokri yuma gipit kema hiyegma amadgaya inin adahan ig msakwa apit pahawo iwetrit. Ku pariye hiyeg kiyenenepwi Uhokri amawka ignes kiyegi ay abet gihiyakemnikis. Amawka igkis kiyegi inyerwa.
24 Deus é Espírito, e é necessário que os seus adoradores o adorem em espírito e em verdade.
25 Egme tino kaytwa giwn: ―Nah hiyakni ku Uhokri gikanyan adahan ukumaduketniwiy, ig Cristo, ig danuh atannek. Ayge nikwe ig akkamnih madikte wotwiy.
25 A mulher respondeu: — Eu sei que virá o Messias, chamado Cristo. Quando ele vier, nos anunciará todas as coisas.
26 Igme Kiyapwiye Jesus kaytwa guwn: ―Nahnewa ku pariye kinetihwene pikak nahnewa Cristo. Hennewatbaki ig Kiyapwiye Jesus awna gut.
26 Então Jesus disse:
27 Udiyhemni nikwe, usuh gikannuhnipwi danuh atere. Usuh wakaymnibdi ku samah ig kinetihwa gukak pahapu tino ku pariye samariyano. Henneme usuh marenpi gibohri adahan usuh ayapri ku pariye gimawkan ta gut. Nikwe usuh ka ayapri ku samah ig kinetihwa gukak.
27 Naquele momento, chegaram os discípulos de Jesus e se admiraram ao vê-lo falando com uma mulher. Mas nenhum deles perguntou: “O que você está querendo?” Ou: “Por que o senhor está falando com ela?”
28 Ayteke eg tino ikise gunratiy ayge, eg sigise ta paytwempuit. Eg danuh atere, eg awna ta gitkis hiyeg aygnenepwi:
28 Quanto à mulher, deixou o seu cântaro, foi à cidade e disse ao povo:
29 ―Ba yi ayta iwasa pahapwi awayg ay. Ig akkamnih nuthu madikte ku pariye nukehnitnene. Mmah kawki nernema Uhokri gikanyan adahan ukumaduketniwiy?
29 — Venham comigo e vejam um homem que me disse tudo o que eu já fiz. Não seria ele, por acaso, o Cristo?
30 Igkis timapni henne, igkis pes paytwemputak. Igkis tipikwiyes ta gimkanit Kiyapwiye Jesus.
30 Então saíram da cidade e foram até onde Jesus estava.
31 Apimwata ini usuh gikannuhnipwi awna ta git Kiyapwiye Jesus: ―Kiyapwiye, ahah pimana. Uyá ax.
31 Enquanto isso, os discípulos pediam a Jesus, dizendo: — Mestre, coma!
32 Igme awna wothu: ―Nah kamana ku pariye yis kane hiyak.
32 Mas ele lhes disse:
33 Usuh timapni henne, usuhweke kinetihwa pawtak: ―Mmah nawenéwatma hiyeg kuwis ewk gimana git?
33 Então os discípulos começaram a dizer entre si: — Será que alguém lhe trouxe algo para comer?
34 Igme awna wothu: ―Nah kehne nawahkisten gibetki, ini ikí nawaygyi ke numanabe. Nah kehne gannipwi, ini kewa numanabe nuthu.
34 Jesus lhes declarou:
35 Ayteke ig awna akiw. Giwn: ―Ta yit muwaka paxnika kayg adahan tariswiki was. Henneme nuthu ka hennema. Araytak ayipa ahegbet kuwis. Sarayhnay yipegyi ta gimkatkis nerras samariyenepwi aytniyepwi. Igkis kuwis ahegbet adahan kamaxwepye ta nupitit. Nuthu igkis kewa pahak wasbe ku pariye ipatrik ahegbet adahan tariswiki. Kuwis Uhokri giwn ke wotbe in mutuhkabe ay gibetkis. Kuri muwaka hiyeg kene tarisnepwibe. Ku pahapwi ekkene gitkis hiyeg adahan ku samah igkis kamaxwa ta nupitit ig ke wotbe tarisnebe hiyeg ndahan.
35 Vocês não dizem que ainda faltam quatro meses até a colheita? Eu, porém, lhes digo: Levantem os olhos e vejam os campos, pois estão maduros para a colheita.
36 Ku pahapwi hiyeg wagesne hiyeg henne ndahan, iggi katiwnihkanek. Hawwata nerras hiyeg ku pariye kamaxwa ta nupitit igkis aymuhwanek gimun Uhokri adahan apanenekwa. Ayge nikwe ig ner pahapwi bateke ginaktinnek payak gikakkis madikte nerras ku pariye kit kinetihwa numinhu ta gitkis.
36 Quem colhe recebe desde já a recompensa e ajunta o seu fruto para a vida eterna, para que se alegrem ao mesmo tempo o que semeia e o que colhe.
37 Hiyeg gibetkikis awna: “Mpuse wannipwiy. Pahapwime gannipwi adahan mutuhne was, pahapwime gannipwi adahan tarisne was.” Inakni yuwit hawwata kawih yidahan.
37 Pois, no caso, é verdadeiro o ditado: “Um é o que semeia, outro é o que colhe.”
38 Nah kuwis awahkisyi adahan yis wagesne hiyeg ndahan. Henneme ka yisnema ku pariye ahegbete gihiyakemnikis adahan igkis kamaxwa nupitit. Inere nawenépwi hiyeg gannipwikis. In Uhokri gawnepepu pitatyepwi gannipwikis. Minikwak igkis kinetihwa gitkis hiyeg numinhu. Kuri yisme akki gitkis adahan ku samah igkis kamaxwa ta nupitit. Yisme ke pahapwibe ku pariye taris pahak was ku pariye nawenéwa hiyeg gamuthan. Hennewatbaki ig Kiyapwiye Jesus awna.
38 Eu os enviei a colher o que vocês não semearam; outros trabalharam, e vocês aproveitaram o trabalho deles.
39 Ayipa kuwis kaayhsima nerras samariyenepwi paytwempuyenepwi igkis ihe ku ig Kiyapwiye Jesus iggi Uhokri gikanyan adahan ukumaduketniwiy. Mmanawa igkis ihe guwn no tino ku pariye awna gitkis: “Ig akkamnih nuthu madikte ku pariye nukehnitnene.”
39 Muitos samaritanos daquela cidade creram em Jesus, por causa do testemunho da mulher, que tinha dito: “Ele me disse tudo o que eu já fiz.”
40 Ayteke nikwe igkis danuh atere git Kiyapwiye Jesus, igkis awna git: ―Kiyapwiye, uyá msakwa ay umun adahan aynessa hawkri. Igme kaytwa giwnkis: ―Ihkata nikwe. Ig tipik gihaptikis, ig msekwe ayge gimunkis adahan pina hawkri.
40 Quando, pois, os samaritanos foram até Jesus, pediram-lhe que permanecesse com eles; e Jesus ficou ali dois dias.
41 Ayge nikwe kaayhsima hiyeg akiw kamaxwe ta gipitit Kiyapwiye Jesus awaku ku samah igkis timap giwn.
41 Muitos outros creram nele, por causa da palavra de Jesus.
42 Apim ini igkis awna ta gut no tino: ―Kuri usuh kamaxwa ta gipitit Kiyapwiye Jesus. Ka inenwatma awaku ku samah pis kinetihwa gimin, henneme awaku ku samah usuhwa timap giwn ku samah ig awna. Kuri usuh hiyakni ku ig igyerwa wamnihtenwiy, ig keh madikte hiyeg isamtawnek.
42 E diziam à mulher: — Agora não é mais por causa do que você falou que nós cremos, mas porque nós mesmos ouvimos, e sabemos que este é verdadeiramente o Salvador do mundo.
43 Ariwnteke ini pina hawkri ig Kiyapwiye Jesus pes ayteke. Ig tahhan apitit Galiléyamnaw. Henneme ig ka atak ta apitit giwaxriwa Nazaré.
43 Passados dois dias, Jesus saiu dali e foi para a Galileia.
44 Mmanawa ig Kiyapwiye Jesus gibetki awna: ―Yuma pahapwinama Uhokri gawnepe kiyathaka gapitkis hiyegipiyene ku pariye apitya giwaxriwa. Hennewa in danuh ku samah inakni giwn.
44 Porque o próprio Jesus testemunhou que um profeta não tem honra na sua própria terra.
45 Ig danuh atere apitit Galiléyamnaw, igkis galiléyenepwi ayge amapig kabayhtiwa. Igkis amapig awaku ku samah igkis hiyá madikte gannu ku pariye ig keh abet fet ayhté paytwempu Jerusalém. Mmanawa igkis hawwata igkis fetya ayge.
45 Assim, quando chegou à Galileia, os galileus o receberam, porque viram todas as coisas que Jesus tinha feito em Jerusalém, por ocasião da festa, à qual eles também tinham comparecido.
46 Ayteke ariwnteke ini ig diyuhe ta apitit paytwempu Kana ku kiney kuhwekwa ig wages un win. Kennesa arimkat Kana pahá paytwempu akiw kewye Kafarnawh. Ayge pahapwi awayg ku pariye kannipwiye gimun pahapwi hiyaptigi. Ig ner awayg gikamkayh kaayhsima ig kakahrip.
46 Jesus foi outra vez a Caná da Galileia, onde tinha transformado água em vinho. E havia ali um oficial do rei, cujo filho estava doente em Cafarnaum.
47 Ig awayg kinetni Kiyapwiye Jesus gak ku ig danuh aytontak Judeyamnawtak ta apitit Galiléyamnaw. Ig timapni henne, ig tipik atere gimkat Kiyapwiye Jesus. Ig danuh atere, ig awna ta git: ―Kiyapwiye, uyá amnihun. Uyá atak nuhapti ta nupinwat adahan pis piyih nukamkayh. Ig me miyapimet.
47 Quando ouviu dizer que Jesus tinha vindo da Judeia para a Galileia, foi até ele e pediu-lhe que fosse curar o seu filho, que estava morrendo.
48 Igme Kiyapwiye Jesus awna: ―Mmah apit yis hiyeg iha nuwnhu, mmah amawka nah kehnawa annut?
48 Então Jesus lhe disse:
49 Igme awayg kaytwa giwn: ―Kiyapwiye, uyá atak ta nupinwat marihwa nukamkayh ka miyá.
49 O oficial pediu mais uma vez: — Senhor, venha, antes que o meu filho morra!
50 Igme Kiyapwiye Jesus kaytwa giwn: ―Ka sam. Nah kuwis piyihpig. Ig pikamkayh makniw ig. Hiyawa pis diyuhe ta pipinwat. Ig awayg timapni henne, ig kamaxwa apitit inakni giwn. Ig diyuhe gipinwat.
50 Jesus respondeu: O homem creu na palavra de Jesus e partiu.
51 Hewke akiw ig kabá danuh gipinwat, ig patiptak gikakkis gihiyegapu. Igkisme awna git: ―Kiyapwiye, pikamkayh makniw kuwis.
51 Quando já estava a caminho, os seus servos vieram ao encontro dele, anunciando-lhe que o seu filho estava vivo.
52 Igme awna gitkis: ―Kiney kamuw ig makniw? Igkisme kaytwa giwn: ―Amaka, daraka kamuw ig unirpu.
52 Então perguntou a que horas o seu filho havia se sentido melhor. Informaram: — Ontem, à uma hora da tarde a febre o deixou.
53 Ig awayg timapni henne, ig awna: ―Nukamkayh kannikaw pakeku akak ku samah Kiyapwiye Jesus awna nuthu: “Pikamkayh makniw ig.” Ig hiyapni henne, ig kamaxwe ta gipitit Kiyapwiye Jesus. Gimunyapu hawwata kamaxwe ta gipitit.
53 Com isso, o pai reconheceu que aquela era precisamente a hora em que Jesus tinha dito a ele: “O seu filho vai viver.” E ele e toda a sua casa creram.
54 Ini apeyni annut Kiyapwiye Jesus keh ayhté apit Galiléyamnaw ku samah gidawnhan apititak Judeyamnaw.
54 Este foi o segundo sinal que Jesus fez, depois de ir da Judeia para a Galileia.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar João 4, comparar traduções ou montar um estudo — tudo direto pelo WhatsApp.