1 Toteco Dios, yajaya totlamanahuijca huan tochicahualis.
2 Yeca ax timajmahuise yonque ni tlaltepactli tlamixolehuis,
3 Ma tlatomonijto nopa hueyi atl huan ma posoni miyac.
4 Oncas se atlajtli tlen quinmacas paquilistli inijuanti tlen itztose ipan ialtepe Toteco.
5 Toteco Dios mocahua ipan nopa altepetl,
6 Yonque tlahuelchihuaj tlacame ipan campa hueli tlaltini tlen ax quiixmatij Toteco,
7 Toteco Dios Tlen Quinyacana Ielhuicac Ejcahua Ma Tlatehuitij itztoc tohuaya.
8 Xihualaca xiquitaquij nochi nopa huejhueyi tlamantli tlen TOTECO quichijtoc.
9 Yajaya quiquetza nochi tlatehuijcayotl hasta campa ontlantoc nochi tlaltepactli.
10 Huan yajaya quiijtohua:
11 Itztoc tohuaya TOTECO Tlen Quinyacana Ielhuicac Ejcahua Ma Tlatehuitij.