1 परमप्रभुं जितः थथे धयादी, “यहूदाया जुजुया दरबारय् वनाः थ्व खँ धा,
2 ‘हे दाऊदया सिंहासनय् च्वनादीम्ह यहूदाया जुजु, छि, छिकपिनि भारदारत व ध्वाखां दुहां वइपिं छिकपिनि सकलें मनूत, परमप्रभुया थ्व वचन न्यँ!
3 परमप्रभुं थथे धयादी – खःगु व पाय्छिगु ज्या या! लुतय् याकाच्वंम्ह मनूयात अत्याचारीया ल्हातं बचय् या! परदेशी, मांबौ मदुपिं व भाःत मदुपिन्त क्वत्यके बी मते! थ्व थासय् दोष मदुपिनिगु हिबाः वय्केबी मते!
4 छिमिसं धात्थें थथे याःसा दाऊदया थासय् सिंहासनय् च्वंम्ह जुजु थ्व दरबारया ध्वाखां रथ व सल गयाः थः च्यःत व थः मनूतनापं वयेगु याइ।
5 जि, परमप्रभुं धाये, छिमिसं थुपिं आज्ञा मानय् मयात धाःसा थ्व दरबार भज्यंक नाश जुइ धकाः जिं थःगु हे नामं पाफयाः धाये।’”
6 यहूदाया जुजुया दरबारया बारे परमप्रभुं थथे धयादी,
7 जिं छंगु विरोधय् नाश याइपिं छ्वयाहये,
8 “यक्व जातियापिं मनूत थ्व शहर जुयाः वनी, अले छम्हय्सिनं मेम्हय्सित न्यनी, ‘थ्व तःधंगु शहरयात परमप्रभुं छाय् थथे यानादीगु जुइ?’
9 अले मनूतय्सं धाइ, ‘इमिसं थः परमप्रभु परमेश्वरया बाचा त्वाथुलाः मेपिं द्यःतय्त पुजा व सेवा याःगुलिं थथे जूगु खः।’”
10 सी धुंकूम्ह जुजुया लागि ख्वये मते वा वयागु लागि नुगः मछिंके मते।
11 छाय्धाःसा योशियाहया काय् यहोआहाज, थः अबुया थासय् यहूदाया जुजु जुल। थ्व हे यहोआहाज थनं वंम्ह खः। वयागु बारे परमप्रभुं थथे धयादी, “व हाकनं गुबलें थन लिहां वइ मखु।
12 तर वयात ज्वनायंका तयातःगु थासय् हे व सी, वं थ्व देश हाकनं गुबलें स्वये खनी मखु।”
13 मभिंगु ज्या यानाः थःगु छेँ दय्कीम्हय्सित धिक्कार दु,
14 वं धाइ, “जिं थःगु निंतिं तलय् तकूगु क्वथा दुगु छखा छेँ दय्के।”
15 “छु यक्व देवदारु दयां छ जुजु जुइ ला?
16 वं चीमि व मगाःमचाःपिन्त रक्षा यात,
17 “तर छंगु मिखा व नुगः ला बेइमान यानाः कमय् यायेगुपाखे,
18 अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी,
19 बरु वयात गधायात थें थुनी,
20 “लेबनानया पहाडय् वनाः तस्सलं हा,
21 छन्त सुख जुयाच्वंबलय् हे जिं छन्त ख्याच्वः बियागु खः।
22 फसं छिमि सकलें फैजवाःतय्त ब्वय्कायंकी,
23 छिपिं लेबनानय् च्वनीपिं,
24 “जि धात्थें म्वाःम्ह खः थें,” परमप्रभुं धयादी, “यहूदाया जुजु यहोयाकीमया काय् यहोयाकीन जिगु जव ल्हाःया अंगू जूसां नं जिं वयात त्वयाः वांछ्वयेगु।
25 जिं छन्त उपिं मनूतय्गु ल्हातय् बी, गुपिं खनाः छ ग्याः। जिं छन्त छंगु प्राण कायेत स्वयाच्वंपिं बेबिलोनया जुजु नबूकदनेसर व बेबिलोनीतय्त लःल्हानाबी।
26 जिं छन्त व छन्त बुइकूम्ह छिमि मांयात छिपिं मबूगु देशय् ज्वनायंकेबी। अले छिपिं निम्हं अन हे सी।
27 छिमिसं लिहां वये मास्तिवय्कूगु देशय् छिपिं गुबलें लिहां वइ मखु।”
28 छु! थ्व मनू यहोयाकीन छगः सुनां वास्ता मयाःगु वांछ्वयातःगु तज्याःगु थल खः ला?
29 अय् देश, देश, देश,
30 परमप्रभुं थथे धयादी, “थ्व मनूया नां मस्त मदुम्ह धकाः च्व,