1 “धात्थें, थ्व फुक्क जिं थःगु हे मिखां खनागु दु।
2 छिकपिन्सं गुलि स्यू उलि जिं नं स्यू,
3 तर जितः ला दक्व शक्ति दुम्ह परमेश्वरनापं खँ ल्हाये मास्ति वः,
4 तर छिकपिन्सं धाःसा सत्ययात मखुगु खं त्वपुइ।
5 छिकपिं सुम्क च्वंगु जूसा ला ज्यूगु नि,
6 जिगु जवाःसवाः न्यनादिसँ,
7 छिकपिन्सं परमेश्वरया पंलिनाः मभिंगु खँ ल्हायेगु ला?
8 छिकपिं परमेश्वरया पंलीगु ला?
9 वय्कलं छिकपिन्त जाँचय् यानादिल धाःसा छु थ्व पाय्छि जुइ ला?
10 जितः मखुगु पाः यानाः छिकपिन्सं वय्कःया पंलिनादिल धाःसा,
11 वय्कःया गौरवं छिमित मख्याइ ला?
12 छिकपिनिगु लिसः ला नौयागु उपदेश थें ज्यालगय् मजू,
13 छिकपिं सुम्क च्वनाः जितः न्ववाके ब्यु,
14 जिं छाय् थःत खतराय् लाकाः
15 वय्कलं जितः स्याःसां तबि जिं वय्कःयाके भलसा काये।
16 थ्व नं जिगु उद्धारया निंतिं जुइ।
17 जिगु खँ बांलाक न्यनादिसँ,
18 आः जिं थःगु मुद्दा तयार याये धुनागुलिं
19 जितः पाः याये फुम्ह सुं दु?
20 हे परमेश्वर, जितः थुपिं निगू खँ जक बियादिसँ!
21 छिगु झ्यातुगु ल्हाः जिपाखें तापाक यंकादिसँ।
22 अले जितः सःतादिसँ,
23 जिं गुलि यक्व अधर्म व पाप यानागु दु?
24 छिं थःगु ख्वाः छाय् सुचुकादियागु?
25 छिं फसं ब्वय्कूगु सिमाहःयात नं लिनादीगु ला?
26 छाय्धाःसा छिं जिगु विरोधय् नुगलय् स्याइगु खँ च्वयादिल,
27 नेवलय् जिगु तुति तयादिल,
28 उकिं जि ध्वग्गिगु चिज