1 यःपिं दाजुकिजापिं, छिमित हे खः, परमेश्वरं सःतादीगु। झीसं विश्वास यानाच्वनाम्ह येशूयात हे परमेश्वरं छ्वयाहयाः दकलय् तःधंम्ह पुजाहारी यानादिल। वय्कःयाके थःगु मन तया च्वँ।
2 परमेश्वरयागु ज्याय् मोशा विश्वास याये बहःम्ह जू थें, येशू नं परमेश्वरं याके हयादीगु ज्याय् विश्वास याये बहःम्ह जुयादिल।
3 छेँ स्वयाः छेँ दय्कूम्हय्सिया इज्जत तःधं जुइ। अथे हे मोशा स्वयाः येशू यक्व अप्वः इज्जत याये बहःम्ह जुयादिल।
4 फुक्क छेँ मनूतय्सं हे दय्कूगु खः। अय्नं दक्व फुक्कं दय्कादीम्ह ला परमेश्वर हे खः।
5 परमेश्वरयागु छेँय् मोशा विश्वास याये बहःम्ह च्यः थें जुल। अले परमेश्वरं लिपा धयादीगु खँयागु साक्षी वं हे बियावन।
6 ख्रीष्ट धाःसा परमेश्वरयागु छेँय् अधिकार दुम्ह काय् थें विश्वास याये बहःम्ह जुयादिल। झीसं आशा याना थें उत्थें साहस व भरोसा तयाच्वन धाःसा झीपिं हे परमेश्वरया छेँ जुइ।
7 पवित्र आत्मां थथे धयादीगु दु –
8 छिमि तापाःबाज्यापिन्सं थें
9 जिं पिइदँ पिइदँ तक
10 अय्जूगुलिं तंम्वय्काः
11 अय्जूगुलिं जिं तमं पाफयाः
12 यःपिं दाजुकिजापिं, होश यानाच्वँ। छिपिं सुं नं म्वाःम्ह परमेश्वरयात त्वःताः विश्वास मयाइपिं व जिद्दी जूपिं जुइ मते।
13 “थौं” धयागु ई दतले छिमिसं थःथवय् साहस बीगु याना च्वँ। मखुसा पापं यानाः छिमिगु नुगः तसकं छाइ।
14 झीसं न्हापांनिसें लिपा तकं विश्वास थातं तयाच्वने फुसा झीपिं ख्रीष्टनापं च्वने दइ।
15 थथे धयातःगु हे दु –
16 सुनां परमेश्वरयागु सः तायाः नं वय्कःयात हे मभिंकल? मोशां मिश्र देशं लिगनाहःपिं मनूत हे, मखु ला?
17 सु नाप परमेश्वर पिइदँ तक तंम्वय्कादिल? पाप यानाः मरुभूमिइ सिनावंपिं नाप हे, मखु ला?
18 थथे खँ मन्यंपिन्त हे परमेश्वरं “छिमिसं जिं बीगु आराम कायेखनी मखु” धकाः पाफयादीगु, मखु ला?
19 परमेश्वरयात विश्वास मयाःगुलिं हे इपिं वय्कलं इमित बी धयादीगु देशय् दुहां वने मखंगु खः।