1 अय्जूगुलिं झीसं न्यनागु परमेश्वरयागु सत्य व भिंगु खँयात क्वात्तुक ज्वनाः च्वनेमाली, मखुसा झीसं लँ द्वंकी।
2 परमेश्वरं स्वर्गदूततय्पाखें बियातःगु व्यवस्था सत्य खः। अले थ्व खँ मानय् मयाःपिन्त सजाँय बियादिल धासेंलि
3 थपाय् मछिधंगु मुक्तियात झीसं च्यूताः मतल धाःसा झीत सजाँय बियामदी ला? प्रभु थःम्हय्सिनं हे दकलय् न्हापालाक थ्व मुक्तियागु खँ न्यंकादिल। न्यंपिन्सं थ्व खँ सत्य खः धकाः झीत क्यनाबिल।
4 अले हानं थ्व खँ सत्य खः धकाः झीत क्यनेत परमेश्वरं हे ततःधंगु शक्ति व अजू चायापुगु ज्या व चिं यानादिल। परमेश्वरं थःत यःपिन्त पवित्र आत्मायागु वरदान नं बियादिल।
5 जिमिसं धयाच्वनागु लिपा वइगु संसारयात परमेश्वरं स्वर्गदूततय्गु ल्हातय् बियामदी।
6 धर्मशास्त्रय् नं छम्हय्सिनं थुकथं साक्षी बियातःगु दु –
7 छिं वयात स्वर्गया दूतत स्वयाः
8 छिं वयात दय्कादीगु फुक्कयागु
9 अथेसां झीसं वय्कःयात थुकथं हे खनाच्वना, गुम्हय्सित छुं ईया लागि स्वर्गदूतत स्वयाः भचा चिधं यानादीगु खः। अले परमेश्वरयागु दया मायां यानाः वय्कः फुक्क मनूतय्गु निंतिं सिनादिल। थथे सिनादीगुलिं वय्कःयात तःधंकाः च्वय् तयादिल।
10 सृष्टि यानादीम्ह व न्ह्याकादीम्ह परमेश्वरं थः मस्ततय्त मुक्ति बीत थथे थःकाय्यात दुःखकष्ट सीके बियादीगु पाय्छि जू। अले मुक्ति बीम्ह वय्कः हे जक खः।
11 पवित्र याःम्ह व पवित्र यानातःपिं फुक्कं छगू हे परिवारयापिं खः। अय्जूगुलिं वय्कलं पवित्र जूपिं मनूतय्त थः किजापिं धकाः धयादीत लज्या चायामदी।
12 थ्व हे खँ धर्मशास्त्रय् थथे च्वयातःगु दु –
13 अले थथे नं च्वयातःगु दु –
14 उपिं काय्म्ह्याय्पिं ला व हिया शरीर जूगुलिं येशू नं उपिं थें हे ला व हि दुम्ह मनू जुयादिल। थुकथं वय्कलं मनू जुयाः सिनाः मृत्युयागु शक्ति दुम्ह शैतानयात बुकादिल।
15 सी धकाः ग्यानाः सदां शैतानया दास जुयाच्वंपिं मनूतय्त छुतय् यायेत वय्कलं थथे यानादीगु खः।
16 वय्कलं स्वर्गदूततय्गु निंतिं थथे यानादीगु मखु, बरु अब्राहामया सन्तानतय्गु निंतिं यानादीगु खः।
17 दक्व खँय् वय्कः थः हे दाजुकिजा थें जुयादी माल। थुकथं परमेश्वर व झीगु दथुइ च्वनाः झीगु पापया प्रायश्चित यायेत दयादुम्ह व विश्वास याये बहःम्ह दकलय् तःधंम्ह पुजाहारी थें जुयादिल।
18 वय्कः थःम्हं नं जाँचय् लानादीबलय् यक्व दुःखकष्ट सियादीगुलिं जाँचय् लाःपिन्त नं ग्वाहालि यानादी फु।