1 Ia gumazir dapaniba, ia kotiabar deragha biziba baragha dav gei, o?
2 Ian nɨghnɨziba arazir kurabara damuasa dɨkafi.
3 Gumazir arazir kurabagh amiba, me mangamin tuavim ataki.
4 Men mɨgɨrɨgɨaba mati, kuruzimɨn aven itir imezir kuram dagh izɨfa.
5 Kuruziba oraghtɨ, gumazim marvim givitɨ, kuruzir kaba dɨkavigh ighiam.
6 O God, nɨ arazir kurabagh amir gumazir kabagh asɨghasɨkigh.
7 Nɨ me damightɨ, me dɨpam nguazimɨn aven uaghiri moghɨn mangɨ pura puvatɨgh.
8 Nɨ me damutɨ, me demdembar mɨn arɨmɨghiregh puvatɨgh.
9 Gumazim temer muziarim voroghɨrama anetuzɨ moghɨn, God bar zuamɨra me gasɨghasigham.
10 God, gumazamizir arazir kurabagh amibagh asɨghasɨgham.
11 Gumazir igharaziba uaghan ganigh fogh suam,