1 Enda da babojegari babai babai nanjigo totorugeraera einda jokáda God nu giti jighiraira.
2 Ne evetu genembo ari ekoko eraera ava ijujareva amo, bekáda bekáda use ijujevu!
3 Ne makasi embo a babate embo gagara use irareva!
4 Makasi a fakina tefo embo ava ari ekoko embo da ungoda sainghimbe baovo ne jebugarera.
5 Ne rekato bunari a daghari bekári! Ne ghaghi garuse, evovodae kosasa eraeva.
6 “Ne god maneri” siseni. Ne isasambu God tomanako iká bekáda irá gheraira ainda sasinguri.
7 Avata ne isambu endada gegenembo amburaera aminga ava ambareva.
8 Ava sedo, Afa God fu, enda é nine ijujase! Oro nanjogo enda eminda irera, isasambu ninda tofori.