1 Arie Bajari, nanda banungari ningi! Ninda natofokena bekáda bekáda eraesa.
2 Na ninda saramana katori. Avata, erá nanda eko ijujeose!
3 Nanda gitofuimi na ondi sandi budo fugetiri dureno, atai fati gitetiri faseteni.
4 Ava sedo, na kotari dadabetiri ambari dae itako erena.
5 Ni nange edo ghusesa, ava kotise irena. Na ninda tano duroghae udo refesa, isambu kotedo gherena.
6 Na banunguse, nanda ungo jigheono ereraira. Kau dubo sagheari, uvu mindari dae angasa angasa eraera aminga ava, nanda asisi nimoa tambari dae uju erira.
7 Arie Bajari, tavaraghe foa, nanda benunu ningaetesi! Erá nandae jungeose!
8 Ni tumonduse irena, ágido sifo ghousa ataeghae ninda dubo bari ava ijugururu, gaone!
9 Arie Bajari, na nimokena afote fetari ya gheraena. Namoa gitofukena saghimbe bu darige!
10 God nane tumonde baingheraena amo, nimori. Ninda uju ava ijuge, ava aone!
11 Arie Bajari, ni nange ari sisesa ava use, namoa gitofukena saghimbe bu darige!
12 Ni na dubo buraesa aindae, nanda gitofu isambu dive gafe sirivu e tefo aore!