1 Apo Dios, donglom' ni' ahan di luwalu'
2 Ya He"a ya anggay di pumbaga' hi badang
3 At abigabigat hinan helhelong ya gunmu ni' donglon nan luwalu' ay He"a,
4 Ya He"a, Apo Dios, ya adim pohdon nan nun'appuhin pangat,
5 Ya adim pohdon an tigon nan mumpumpahiyan tatagu,
6 Ya ubahom nan tatagun mumpunlayah,
7 Mu dumalat nan nidugah an homo'mu ya mabalin an umalia'
8 Ituduwana' ni', Apo Dios, ta nan pohdom di ato',
9 Ya adi makulug nan gunda hapiton ti un hay puma"ianday pa'appohpohdondan aton.
10 At moltaom didan nun'abaholan, Apo Dios!
11 Mu nan mundenol an mangihi'ug ay He"a ya minaynayun di gunda umamlongan an mungkanta,
12 Ti immannung an He"a, Apo Dios, di mungwagah hinan nun'ahamad di aatda,