1 Nan nababaholan an tatagu ya adida e'gonan hi Apo Dios,
2 Ti hay punnomnomdah odolda ya nabagtu,
3 Ya an amin nan hapitonda ya agaga"ihaw ya ma'allangkakda,
4 Ya ta"on hinan mahdom ya adida molo' an gun munnomnom hi nappuhih atonda,
5 Mu nan pamhodmu, O Apu, ya mi'id di pogpogna,
6 Ya nan anahamadmu ya umat hinan do'ol an duntug,
7 Ya adi ahan maluman nan pamhodmu, Apo Dios,
8 Ya mun'am'amlong amin mangan hinan do'ol an ma'an an limmum,
9 ti He"ay nalpuwan di ataguan an amin di matagu,
10 At inaynayunmu nan nidugah an pamhodmuh nan tatagun nanginnilan He"a
11 Ya adim ni' iyabulut an ilumdita' hinan mumpahpahiyan tatagu
12 At tigonyu adya nan tatagun nappuhiy pangatda an nun'a'abakda ya nun'atu"inda