1 Apo Dios, ipa'innilam di aat di anahamad'u ti nan immannung di ina'inat'u,
2 At tapngana' ya hamadona', Apo Dios,
3 ti inila' an minaynayun nan nidugah an pamhodmun ha"in,
4 Ya adia' ahan middum hinan ahilalayah ya hinan bumalbali,
5 ya pahiwo' nan tatagun nun'appuhiy pangatda,
6 Apu, ihua' di ngamay'u ta pangimmatunan an mid ahan inat'uh nappuhi,
7 Ya it'u"uy kanta' hi pangipabagbagtua' ay He"a,
8 Immannung an pa'appohpohdo' nan Abung an ihinam, Apo Dios,
9 Ya adia' ni' itagam an pi'yubah hinan nun'abaholan,
10 ti hanan gun mangat hi nun'appuhi ya mumpalagbudah nan pangatandah nappuhi.
11 Mu ha"in ya maphod di ina'inat'u,
12 At ihamad'un umunud ay He"a an ta"on un way ma'at,