1 स्योंमा परमेश्वर खीए ताँ बिमिंबै म्हिमैंउँइँले ङ्योए खेमैंने ल्हें खे, ल्हें खालर्बै चिनुमैंउँइँले पोंइ।
2 दिलेया चु नुखबै त्हिंइजरे परमेश्वर खीए च्हउँइँले ङ्योने पोंइमुँ। परमेश्वरजी खीए च्हउँइँलेन् ह्युलर्बै तोन्दोंरि सैमैं बनेइ। धै ह्युलर्बै ताँन् सैए फिर क्ल्हे तबर खीजी खीए च्हलाइन त्हाँइ।
3 परमेश्वरए ह्वे खीए च्हनेन् चारमुँ, परमेश्वर खैब मुँ खी या छाबन् मुँ। धै मु नेरो पृथ्बी खीए शक्ति मुँबै बचनइ धाँदिइमुँ। म्हिमैंए पाप त्होमिंबै के लल् खाँसि खी ताँन् भन्दा थेबै शक्ति मुँबै परमेश्वरए क्योलोउँइँ नुबै क्ल्ह्योर टिइमुँ।
4 खीजी योंबै मिं स्वर्गदूतमैंल् भन्दा थेब मुँ। छलेन खी स्वर्गदूतमैं भन्दा अझै बेल्ले थेब तइमुँ।
5 “क्हि ङए च्ह ग, तिंयाँ ङ क्हिए आबा तइमुँ” बिसि परमेश्वरजी स्वर्गदूतमैंने खोंयोंइ आबि, छलेन खाब् स्वर्गदूतए बारेरै या “ङ चए आबा तब्मुँ, धै च ङए च्ह तब्मुँ,” बिसि खीजी खोंयोंइ आबि।
6 खीए घ्रि मुँबै च्ह ह्युलर कुलमा खीजी छ बिइमुँ,
7 परमेश्वरजी स्वर्गदूतमैंए बारेर छले बिइमुँ:
8 दिलेया च्हए बारेर बिस्याँ खीजी छ बिइमुँ,
9 क्हिजी छ्याँबै के खोमुँ, धै आछ्याँबै के आखो।
10 खीजी धबै बिइ,
11 चु सैमैं ताँन् नास तयाब्मुँ, दिलेया क्हि बिस्याँ खोंयोंइ बिलै तरिब्मुँ।
12 क्हिजी चमैं क्वें धोंलेन् फेर्दिब्मुँ,
13 परमेश्वरजी खीए च्हने बिइ, “क्हिए शत्तुरमैं ङइ क्हिए प्हले न्होंर आथेंन् समा, क्हि ङए क्योलोउँइँ टिद्।” दिलेया स्वर्गदूतमैं खाबने या खीजी छ आबि।
14 स्वर्गदूतमैं बिब, परमेश्वरए सेवा लबै प्ल्हमैं ग। धै परमेश्वरजी येशूए फिर बिश्वास लसि मुक्ति योंब्मैं ल्होबै ल्हागिरै या चमै कुल्मिंम्।