1 Aye Omonene, omorwoti nigo agokerete chinguru chiao,
2 Kwamoeire okogania gw’enkoro yaye;
3 Aye kwamorenteire ogosesenigwa okuya;
4 Akagosaba ng’a omoe obogima, naye okabomoa;
5 Amasikani ’omorwoti nigo are amanene, ekiagera aye kwamokonyire;
6 Ee, kwamokorire koba ogoseseneka gwa kare na kare,
7 Omorwoti nigo asemeretie Omonene, na ase engencho y’obwanchani bw’Omonene Ore Igoro bogendererete botambe
8 Aye Omorwoti, noikeere ababisa bao bonsi;
9 Ekero orabaorokere nobakore booke buna omorero ekebemberi.
10 Aye noite abana babo, obasirie korwa ase ense,
11 Kobarabe bagokora emeroberio y’ogokora bobe,
12 ekiagera nobaserie batame,
13 Aye Omonene otogigwe ase engencho ye chinguru chiao,