1 Nawu Yawey ngardduk ngannahnan yiman kayime namak shepherd nawu kamirndenahnan mayh nuye sheep. Nungka nganwon kunmak kunwern kore minj njale mak ngadjare!
2 Yiman kayime nungka ngankurrme ba ngangudjngehme kamak rowk kore kubolkmak. Dja mak nungka ngankan manbu kore mandalkmak. Dja mak nungka ngankan kore ngabongun manbomak kukku, bu kunmodmiken dorrengh.
3 Nawu Yawey ngankangemarnbun mak nganmalngkerrngehme. Nungka nganbolkbukkan kore nungka mandjad manbolh nuye kunmak bu nganedjarrkre ba ngaye ngadjalngeyburlume.
4 Bu ngaye ngare, wanjh kayime kundowiken nganbarrkbun, wanjh minj ngakelemen dja ngadjalburrbun ngudda Yawey ngarrdjarrkre munguyh. Ngudda yikarrme yiman kayime mandulkrayek manbu kunkarndudj kore kubid ke dja mak ngankangemurrngrayekwon wanjh ngaye kunmekbekenh ngadjalkangemak.
5 Kore kumirrk bedberre nawu ngarriyidkoni bininj, ngudda yingkihmarnbun manbu mulil ngardduk dja mak kankimang bu kankodjdjuhke mankalkkidmak dorrengh. Kore banikkin ngardduk ngudda yihdjalborrahkendong kaddum duninjh dja mak yibobarlke bu kabobarlme.
6 Woybukkih, wanjh manbu kunkongi dja mak kunmakmak ke makka nganehdjaldjarrkdi munguyh, dja mak ngadjalyo munguyh munguyh kore kunrurrk ngudda ke nawu Yawey.