1 Senhor, ejapyxaka ke xeayvu re,
2 Xeruvixa, Xeruete, endu ke ajapukai rã.
3 Senhor, aje'ive guive rendu 'rã xeayvua.
4 Mba'eta ndee Xeruete, ndererovy'ai 'rã teko vai,
5 Nerenonde ijayvu vaikue-ikue va'e ndopytai 'rã.
6 Ndee remomba 'rã ijapua re ikuai va'e.
7 Ha'e rã xee ma xemboaxy ete ramo aike 'rã ndevygua opy,
8 Senhor, xerovaigua kuery gui
9 Mba'eta ha'e kuery ma ijuru re anhetẽ va'e noĩ.
10 Ha'e nunga rupi Xeruete, eikuaa uka ha'e kuery reko vaia.
11 Ha'e rã ndere ojerovia va'e kuery ma tovy'apa.
12 Mba'eta ndee Senhor, remoingo porã 'rã heko porã va'e.