Romanos 14
Ese Ejja NT (ESE_WBT) vs NVI
1 Jesosaja epeejji cuana, miquianaaya pojjaꞌa Eyacuiñajjija esohui quea jaꞌa nee baña. Jesosaja epeejji beca cuana ca ca quea jjashahuabaqui jaꞌa pishana. ¡Jamatii onijje jjapeequicue quea bei! ¡Aꞌa mimicuiajeanobiajeajji ojaya esohui quea quehuajo!
1 Aceitem o que é fraco na fé, sem discutir assuntos controvertidos.
2 Eꞌe, miquianaya beca cuana jjashahuabaquiani jama baꞌa: —Ojjaña noe cuana caꞌijjiahua, jamatii onaaya baꞌehuana canaje ecuiquiaja eꞌijjiajji nisho. Ecuaaya ijjiaꞌyajo Eyacuiñajji ecuana nijje quea quene pojjeama poaje —jamaya beca cuana poani. Jamajjeya noe ijjiaña, ojjaña. Beca cuana ca ca jama poani baꞌa: —Chojja, ¡noe ma onaaya ecuiquiaja eꞌijjiaꞌyojji nisho baꞌehuana canaje aꞌa ijjiajji! Ma eseya ijjiajo Eyacuiñajji quea quene poaje ese nijje —jama posoya acani. Jamajjeya acuijjajja cuana, bobi ebanaꞌyo peaꞌai ijjia cani; noe ijjiaꞌyo jjima acani quea meteya jjejojo.
2 Um crê que pode comer de tudo; já outro, cuja fé é fraca, come apenas alimentos vegetais.
3 Noe ijjiajji cuana, ¡aꞌa jama pojji pea cuana nijje baꞌa: —¿Apiojji acuae miquianaaya acuijjajja, ebanaꞌyo oopana ijjiaña, noe ijjia ajja soꞌo? Chojja. ¡Aꞌa quea mete pojji! —aꞌa jamaya ajji! Oya jayojja noe ijjia ajja cuana, ¡aꞌa pea cuana nijje jama pojji baꞌa: —Miquianaaya aje oe noe ijjiaña. ¿Apiojji? Eyacuiñajji quea quene po chanaꞌ, de —aꞌa jamaya ajji! ¡Bacue! Eyacuiñajjiya noe ijjiajji cuana peaꞌai ojaya bacua cuana po mee canaje. Jamajjeya ¡aꞌa jamaya pea cuana nijje mimijji!
3 Aquele que come de tudo não deve desprezar o que não come, e aquele que não come de tudo não deve condenar aquele que come, pois Deus o aceitou.
4 Eꞌe, miquianaya noe ijjia ajja jjejojo mimimimiani. Eyaya miquianaya huohuiaña jama baꞌa: Eyacuiñajji ona huoojeajji poani, miquianaya pojjeama. Jamajjeya ¡aꞌa mimijajijji! Eyacuiñajji ona huoojeajji poanijo ohuaya ohuaye nei jama acaje baꞌa: —Eꞌe, miquianaya quea pame nee baꞌyani —Eyacuiñajjiya acaje. Quea jaꞌa baꞌe ajjajo ca ca: —Chojja, ¡aꞌa jamaya ajji! Quea tai —Eyacuiñajjiya acaje. Eyacuiñajji ese huoojeajji quea caꞌa poanijo, ohuaya eseya quea caꞌa po mee cani ojaya ejjashahuabaquijji jayojja jama ebaꞌejji.
4 Quem é você para julgar o servo alheio? É para o seu senhor que ele está de pé ou cai. E ficará de pé, pois o Senhor é capaz de o sustentar.
5 Cuanaya beca cuana jama poani baꞌa: —Beca epojja cuana Eyacuiñajji bihuiajji. ¡Ma epojja cuanajo aꞌa chacojji! Pea cuana ca ca jama poani baꞌa: —Ojjaña epojja oya jayojjaya, pea epojja jayojjaya. ¡Eyacuiñajji bihuiacue ojjaña pojjajo! —oya cuana poani. Jamajjeya ¡aꞌa pea nijje mimijji ache epojjajo chaco cajji! ¡Miquea ejjashahuabaquiꞌyojji epojja cuanajo jayojja jama acue! Pea cuana ojaya ejjashahuabaquijji jayojja jama caꞌa cahua peaꞌai epojja cuanajo.
5 Há quem considere um dia mais sagrado que outro; há quem considere iguais todos os dias. Cada um deve estar plenamente convicto em sua própria mente.
6 Eꞌe, Emeshi Mese neija esohui jayojja jama baꞌe sa poani miquianaya, ojjaña. Beca cuana quea huiso epojja cuanajo chacochaco ajja Eyacuiñajji bihuia poani jjejojo. Pea cuana ca ca oe pea epojjajo jayojjaya jama acani, oya jayojjaya. Noe ijjiajji cuaa esejaya Emeshi Mese nei bihuia cani. Ijjiaꞌijjia jjimahua Eyacuiñajji nijje mimiani jama baꞌa: —Eyacuiñajji, ecue Chii ai, eyaya miya bihuiaña noejo. Noe ijjia pojjimaꞌ cuaa esejaya Emeshi Mese nei bihuia cani peaꞌai jama baꞌa: —Eyacuiñajji, ecue Chii ai, eyaya miya bihuiaña jiquio bobijo, acuijjajjajo, esoꞌ cuanajo, ebanoꞌyojo cuanaya. Eꞌe, miyaya ojjaña tii meesahuaꞌyonaje —jamaya acani ohuaya.
6 Aquele que considera um dia como especial, para o Senhor assim o faz. Aquele que come carne, come para o Senhor, pois dá graças a Deus; e aquele que se abstém, para o Senhor se abstém, e dá graças a Deus.
7 Jamajjeya ¡aꞌa esejaya ebaꞌejjijo, eseya sañajo jjashahuaba tiitiiquijji! Eseya eshe nequijo ca ca Jesosaja esohui jayojja jama cabaꞌyahua. Manoꞌyajo peaꞌai eseya Jesosaa jaahuana cajeꞌyo. Eseya ojaya tii poajeꞌyo.
7 Pois nenhum de nós vive apenas para si, e nenhum de nós morre apenas para si.
8 Eꞌe, eshe nequiya eseyaya Emeshi Mese nei Jesosaja esohui jayojja aña. Manoꞌyo majje onijje baꞌe tiitiijeꞌyo. Jamajjeya eshe nequi, manoꞌyajo peaꞌai ohuaya eseya jaahuana cani; ese huoojeajji poani tii tii oya.
8 Se vivemos, vivemos para o Senhor; e, se morremos, morremos para o Senhor. Assim, quer vivamos, quer morramos, pertencemos ao Senhor.
9 Jesosa manoꞌyo majje shequi oꞌoyanaje ese jaahuanajji epojji. Jamajjeya ese eshe nequi, manoꞌyajo peaꞌai oya, Jesosa esejaya Emeshi Mese nei poani tii tii.
9 Por esta razão Cristo morreu e voltou a viver, para ser Senhor de vivos e de mortos.
10 Jesosaja epeejji poani ojjaña eseya. Jamajoya ¿apiojji acuaeya Jesosaja epeejji quea jaꞌa nee nijje jjamimicuiajea nobiajeaquiani soꞌo? Cuanaya epeejji quea jaꞌa nee poaniya, ¿apiojji miquianaaya Jesosaja epeejji cuana niñebaña soꞌo? Oya Jesosaja epeejji peaꞌai. ¡Aꞌa pajeaꞌyojji quijje eseya ojjaña nequije Eyacuiñajji nequi cojja nei! Ohuaya huohui caje jama baꞌa: —Eꞌe jamaya, miyaya quea pame anaje —acajeꞌyo. Quea pame pojjeama añajo ca ca pea nijje jama poaje baꞌa: —Chojja, miya quea mimishi poanaje —acajeꞌyo Eyacuiñajjiya.
10 Portanto, você, por que julga seu irmão? E por que despreza seu irmão? Pois todos compareceremos diante do tribunal de Deus.
11 Eyacuiñajjija esohui etehueꞌyo jama poani baꞌa:Jamaya esohui etehueꞌyo poani.
11 Porque está escrito: " ‘Por mim mesmo jurei’, diz o Senhor, ‘diante de mim todo joelho se dobrará e toda língua confessará que sou Deus’ ".
12 Jamajjeya eꞌe jojo nei o cojja nei nequiajo, Eyacuiñajjiya eseya ojjaña huohuiꞌajja caje esejaya ebaꞌeꞌyojjijo. Quea jaꞌa baꞌenajeya eseyaya oya sajaꞌajeꞌyo quea bihui. Quea jaꞌa pojjeama baꞌenajeya ca ca quea mete sajaꞌajeꞌyo.
12 Assim, cada um de nós prestará contas de si mesmo a Deus.
13 Eꞌe, Eyacuiñajjijo quea pame nee chacoañajo ¡ojaya pea epeejji cuana aꞌa niñebajji! Chojja, ¡jama acue baꞌa: —Jesosaja epeejji quea jjashahuabaqui jaꞌa po jjima ecuea ebaꞌejji ba majje quea mimishi po chanaꞌ. Jamajjeya eyaya maya eꞌamajajji pojjeama oya quea mimishi, quea mete nee epo meejji pojjeama —jamaya pocue!
13 Portanto, deixemos de julgar uns aos outros. Em vez disso, façamos o propósito de não colocar pedra de tropeço ou obstáculo no caminho do irmão.
14 Esejaya Emeshi Mese neiya eya ba meesahua canaje jama baꞌa: Noe ma onaja baꞌehuanaqui ecuiquiaja eꞌijjiajji nisho eseya ijjiajo, Eyacuiñajji ese nijje quea quene pojjeama poani. Pea bobi eseya ijjiajo, jamaya peaꞌai poani. Jamatii Jesosaja epeejji beca cuana quea jjashahuabaqui jaꞌa pishana jama poani baꞌa: —Ma noe, bobi peaꞌai eseya ijjiajo, Eyacuiñajji quea quene poaje ese nijje —jama posoya acanijo, ohuaya maya ijjia jjima caꞌa cahua. Eꞌe, jamaya jjashahuabaquianijo ijjia majje oya quea mimishi poani.
14 Como alguém que está no Senhor Jesus, tenho plena convicção de que nenhum alimento é por si mesmo impuro, a não ser para quem assim o considere; para ele é impuro.
15 Miquianaya, noe ijjiajji cuana, ¡jjashahuabaquicue Jesosaja pea epeejji cuanajo, ma acuijjajja oopana ijjiajjijo! Jamajjeya miya noe ijjiajji ba majje ohuaya ijjia peaꞌai ca chanaꞌ, mi jayojjaya poaje. Jamatii oya cuana quea mete jjashahuabaquije jama baꞌa: —¡Dee! Eyaya eshahuaja bobi ijjianaje. Eyacuiñajji enijje quea quene poaje —jamaya jjashahuabaqui majje Jesosaja epeejji quea mimishi po chanaꞌ. Jamajoya jama acue baꞌa: ¡Jesosaja pea epeejji cuana quea jea acue! Oya caꞌaꞌama; quea mimishi po oꞌoya mee chanaꞌ. Jesosa onajo manoꞌyonaje peaꞌai. Jamajjeya ¡oya cuana jaahuanacue!
15 Se o seu irmão se entristece devido ao que você come, você já não está agindo por amor. Por causa da sua comida, não destrua seu irmão, por quem Cristo morreu.
16 Miquianaya jjashahuabaquiani pojjaꞌa jama baꞌa: —Eyaya jamaya aña, quea jaꞌa nee aña. Jesosaja epeejji quea jaꞌa pojjeama jjashahuabaquiani mi ba majje jama poani baꞌa: —Chojja, jamaya quea mimishi, quea tai —poso acani. Jamajjeya ohua jamaya huohui canijo, ¡aꞌa oe jamaya amajajji, jamatii miquianaya quea jaꞌa jjashahuabaquiani!
16 Aquilo que é bom para vocês não se torne objeto de maledicência.
17 Bobijo, eꞌishijji peaꞌaijo jjashahuabaquianijo pojjeama eseya Eyacuiñajji yasijje, ojjaña huoojeaꞌyojji poani yasijje poquijeꞌyo. Chojja. Quea jaꞌa nee, quea bihui nee, quea bei nee peaꞌai cabaꞌyahua Edojjoshahua Pameya eseya baꞌe meesahua canijo.
17 Pois o Reino de Deus não é comida nem bebida, mas justiça, paz e alegria no Espírito Santo;
18 Eꞌe, jamaya Jesosa Quito nijje baꞌyanijo Eyacuiñajjiya eseya huohui caje jama baꞌa: —Eꞌe, jamaya quea pame. Cuanaya ojjañaa mijo huohui caje jama baꞌa: —Oya Jesosa Quitoja epeejji quea jaꞌa nee nee poani —acaje.
18 aquele que assim serve a Cristo é agradável a Deus e aprovado pelos homens.
19 Jamajjeya ¡jjashahuaba tiitiiquicue ojjaña Jesosaja epeejji cuana nijje quea bei nee ebaꞌejji! ¡Pea Jesosaja epeejji cuana quea jaꞌa po meesahuacue peaꞌai!
19 Por isso, esforcemo-nos em promover tudo quanto conduz à paz e à edificação mútua.
20 ¡Aꞌa noe ijjiajji ecuiquiaja eꞌijjiajji nisho onaja baꞌehuana baꞌe! Quea mete oya cuana poaje. Eyacuiñajji onijje quea quene poani posojo ma bobijo onaya quea mete poanijo, ¡aꞌa ijjia majajji! Jamatii Eyacuiñajjija pana ojjaña bobi quea pame. Jamatii ma bobi miya ijjiajo onaya quea mete po mee chanaꞌ, quea mimishi po oꞌoya mee chanaꞌ.
20 Não destrua a obra de Deus por causa da comida. Todo alimento é puro, mas é errado comer qualquer coisa que faça os outros tropeçarem.
21 Eꞌe, eꞌe pojjaꞌa Jesosaja pea epeejji quea mimishi poaje miyaya ma bobi ijjiaña, acuijjajja na biso nei pojjaꞌa ishiaña ba majje. Eꞌe pojjaꞌa mi ba majjeya ohuaya quea mimishi acaje oꞌoya. Jamajjeya ¡aꞌa jamaya amajajji! Oya quea mimishi po oꞌoya chanaꞌ.
21 É melhor não comer carne nem beber vinho, nem fazer qualquer outra coisa que leve seu irmão a cair.
22 Jamajjeya ¡aꞌa Jesosaja pea epeejji cuana nijje jjamimicuiajea nobiajeaquijji bobi cuanajo, ebaꞌe meejji cuanajo peaꞌai! ¡Jjashahuaba neineiqui majje quea pame nee nee acue! ¡Jesosaja epeejji cuana quea pame ameesahuacue peaꞌai! Jamaya poanijo ojjaña Jesosaja epeejji quea bihui nee capoahua. Jesosaja epeejji quea mimishi po mee cani o ba majje ca ca cajjashahuabaquiahua jama baꞌa: —Chojja, eya ona mimishi pomeejji poani. Jamaya eya quea tai poani.
22 Assim, seja qual for o seu modo de crer a respeito destas coisas, que isso permaneça entre você e Deus. Feliz é o homem que não se condena naquilo que aprova.
23 Eꞌe pojjaꞌa Jesosaja epeejji jjashahuabaquiani jama baꞌa: —Eꞌe pojjaꞌa jiquio bobi eya ijjiañajo, Eyacuiñajji enijje quea quene poaje —poani. Jamajjeya jamatii ijjia cajo, Eyacuiñajji onijje quea quene poaje. Eꞌe, ¡jjashahuaba neineiquicue Eyacuiñajjija esohui jayojja jama yajji! Ebaꞌe quea mimishi miquea eba. Jamajjeya ¡aꞌa jamaya ajji! ¡Eꞌe jojo nei quea pame nee pocue!
23 Mas aquele que tem dúvida é condenado se comer, porque não come com fé; e tudo o que não provém da fé é pecado.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Romanos 14, comparar traduções ou montar um estudo — tudo direto pelo WhatsApp.