2 Coríntios 11
Apinayé NT (APN_WBT) vs ARA
1 E kot paj te mẽ hkrã pipãnh xwỳnh kot htỳx ri amnhĩ jarẽnh pyràk o tanhmã mẽ amã amnhĩ to jarkrar to. Kwa mẽ inhma nẽ ixkamã agryk kêt nẽ. No mẽ ixkapẽr kumrẽx mãn ma.
1 Quisera eu me suportásseis um pouco mais na minha loucura. Suportai-me, pois.
2 Inhmã mẽ akĩnh. Te ho Mẽpahpãm Tĩrtũm kãm mẽ akĩnhta pyràk. Te mẽ apê mẽhõ kukrit kãm my hkĩnh nẽ kot ho mjên prãm xwỳnhta pyràk. Kãm mẽmyjê piitã mẽ hkĩnh kêt ãm kãm pix kĩnh. Ja pyrà nẽ kêr ka mẽ amã Kris kĩnh o nhãm amã mẽ hkĩnh xwỳnhjê jakre. Te ho mẽhõ ni kot kãm myta pix kĩnh nẽ kãm ho mjên prãm xwỳnhta pyràk. Ja na pa inhmã hprãm.
2 Porque zelo por vós com zelo de Deus; visto que vos tenho preparado para vos apresentar como virgem pura a um só esposo, que é Cristo.
3 Ra mẽ amã Kris kĩnh tỳx o apa nẽ hkôt amnhĩ nhĩpêx mex o ri apa htã nhũm mẽ kot amnhĩ krã hkôt htỳx ri Tĩrtũm kapẽr jahkre ho mẽ pa xwỳnhjaja tee ri ja hã mẽ ajarẽnh ma nẽ axpẽn mã mẽ ajarẽnh o: —Kwa nà ja mex kêt. Koja mẽ Pawre kapẽr ma nẽ ãm kuma nhũm ja mex nẽ. No mẽ pahkôt mẽ kot amnhĩ nhĩpêxja na mẽ pamã mex. Ja na kêt mẽ pamã mex o mex. Anẽ. Hãmri nẽ ra kot Kris nê tanhmã mẽ amã hêx to kaxyw. Te amnepê mã kagã kot mẽ panã kot wa pê Ewa mã hêx nhũm kot mar nẽ hkôt amnhĩ nhĩpêxta pyràk.
3 Mas receio que, assim como a serpente enganou a Eva com a sua astúcia, assim também seja corrompida a vossa mente e se aparte da simplicidade e pureza devidas a Cristo.
4 Na pa pre ra mẽ awỳr mõ nẽ mẽ amã tanhmã Jejus jarẽnh to. Nẽ tanhmã mẽ amã Tĩrtũm Karõ jarẽnh to. Nẽ tanhmã wa kot mẽ pahto hkra hto hã mẽ amã wa harẽ ka prem inhma nẽ mar tỳx nẽ. Tã nhũm ra mẽ kot htỳx ri Tĩrtũm kapẽr jahkre xwỳnhjaja ixpãnhã mẽ awỳr mõ nẽ Jejus kapẽr kwỳm ri tanhmã mẽ amã ujarẽnh to nẽ mẽ amã harẽnh o hêx rãhã ho pa. Nẽ Tĩrtũm Karõja nhũm mẽ amã tanhmã ho hêx to. Nẽ ixte mẽ amã Tĩrtũm kapẽr jarẽnh kwỳm ri ixpãnhã tanhmã mẽ amã harẽnh to ho pa. Na ka prem mẽ ama nẽ ãm hãmri harẽnh ã hkamnhĩx. Kwa kêr ka mẽ ri mẽ ujarẽnh piitã mar nẽ hkôt amnhĩ nhĩpêx kêt nẽ. Mẽ kot Jejus jarẽnh tã no ãm katàt kôt harẽnh kêt nẽ. Ãm ri ho hêx o pa. Ka htem ama nẽ ãm hãmri harẽnh ã hkamnhĩx nẽ mẽ amã mẽ mar prãm nẽ. Mẽ kot mẽ amã harẽnh o hêx o pa htã ka mẽ ama nẽ ra mẽ hkôt amnhĩ nhĩpêx kaxyw. Kwa mẽ ri ã amnhĩ nhĩpêx anhỹr hkêt nẽ.
4 Se, na verdade, vindo alguém, prega outro Jesus que não temos pregado, ou se aceitais espírito diferente que não tendes recebido, ou evangelho diferente que não tendes abraçado, a esse, de boa mente, o tolerais.
5 Kris kot mẽ awỳr mẽ rẽnh ã mẽ kot amnhĩ jarẽnh tã amnhĩ to hêx. Ka prem ama nẽ ãm hãmri mẽ kot mẽ amã harẽnh ã mẽ hkamnhĩx. Nom na pre Krisja mẽ awỳr mẽ rẽnh kêt nẽ. Kêt pa na pre mẽ awỳr inhmẽ.
5 Porque suponho em nada ter sido inferior a esses tais apóstolos.
6 Mẽ hkĩnhã ixkapẽr kror pyràk tã no ãm ixte Tĩrtũm kapẽr mar tỳx. Nẽ kot amnhĩ nhĩpêxja na ixte omunh par. Ra mẽ ate ja hã ixpumunh mex.
6 E, embora seja falto no falar, não o sou no conhecimento; mas, em tudo e por todos os modos, vos temos feito conhecer isto.
7 Na pa pre mẽ akôt ri mẽ amã Jejus jarẽnh o ri ixpa no ãm hpãnhã mẽmoj tã mẽ awỳr o ri ixpa hkêt nẽ. Xà amarĩ ixte mẽ amã harẽnh nẽ hpãnhã mẽmoj tã mẽ awỳr kêtja mẽ apê omnuj?
7 Cometi eu, porventura, algum pecado pelo fato de viver humildemente, para que fôsseis vós exaltados, visto que gratuitamente vos anunciei o evangelho de Deus?
8 Kormã ixte mẽ amã Tĩrtũm kapẽr jarẽnh o ri ixpata ã na pa pre hte tõhã kàxpore ho presija no ãm aa hã mẽ awỳr kêt nẽ. Jar Masetõn kamã Kris kôt mẽ pahkwỳjaja na prem ixwỳr hkwỳ rẽnh o pa pa ho ixàpkur xà japrôr o ri mẽ akôt ixpa. Mẽ kumã ixte Tĩrtũm kapẽr jarẽnh o ri ixpa hkêt tã pa hte mẽ kukwak ri mẽ akôt ho ixàpkur o ri ixpa. Tã kot paj arĩ ã mẽ akôt ixpa nẽ ã amnhĩ nhĩpêx anẽ nẽ mẽmoj tã mẽ awỳr o ri ixpa hkêt nẽ.
8 Despojei outras igrejas, recebendo salário, para vos poder servir,
9 — ausente —
9 e, estando entre vós, ao passar privações, não me fiz pesado a ninguém; pois os irmãos, quando vieram da Macedônia, supriram o que me faltava; e, em tudo, me guardei e me guardarei de vos ser pesado.
10 Ja inhmã mex. Jakamã kot paj amarĩ mẽ anhõ pika pê Gres kãm ã mẽ amã Tĩrtũm kapẽr jarẽnh o ixpa anẽ nẽ mẽmoj tã mẽ awỳr kêt nẽ. Ãm hãmri na pa ã mẽ amã amnhĩ jarẽnh anẽ. Kris pyrà nẽ ixêx kêt kênã.
10 A verdade de Cristo está em mim; por isso, não me será tirada esta glória nas regiões da Acaia.
11 Xà we inhmã mẽ akĩnh kêt kôt na pa hte ã mẽ amã Tĩrtũm kapẽr jarẽnh pãnhã mẽ awỳr kêt anẽ? Nà inhmã mẽ akĩnh jakamã na pa hte kapẽr jarẽnh pãnhã mẽ awỳr o ri ixpa hkêt nẽ. Inhmã mẽ akĩnh tỳx kênã. Tĩrtũm kot ja hã ixpumunh mex.
11 Por que razão? É porque não vos amo? Deus o sabe.
12 No mẽ kot amnhĩ krã hkôt htỳx ri Tĩrtũm kapẽr jahkre xwỳnhjaja na htem mẽ ajahkre hpãnhã kàxpore hã mẽ awỳr pix o pa. Nẽ mẽ amã tanhmã amnhĩ to hêx to nẽ mẽ amã: —Nà mẽ ixte Pawre kot amnhĩ nhĩpêx pyràk. Mẽ ixte amnhĩ nhĩpêxja kot axpẽn pyràk. Anhỹr o mẽ amã amnhĩ to hêx. Nom ixte ho mẽ uràk kêt kumrẽx. Mẽ ixte amnhĩ nhĩpêx kot axpẽn pyràk ronhỹx pa mẽ uràk nẽ kàxpore hã mẽ awỳr o ri ixpa. Nom ixte ã amnhĩ nhĩpêx anhỹr kêt. Kot paj aa ã amnhĩ nhĩpêx anhỹr o ixpa hkêt nẽ.
12 Mas o que faço e farei é para cortar ocasião àqueles que a buscam com o intuito de serem considerados iguais a nós, naquilo em que se gloriam.
13 Ã mẽ kot amnhĩ nhĩpêx anhỹr xwỳnhjaja na pre Tĩrtũm mẽ awỳr mẽ rẽnh kêt nẽ. Mẽ kot Kris nhỹ hã mẽ ahkre xwỳnh ã amnhĩ jarẽnh tã ãm amnhĩ to hêx.
13 Porque os tais são falsos apóstolos, obreiros fraudulentos, transformando-se em apóstolos de Cristo.
14 Mẽ õ pahi Satanastija te mẽmoj mex jarẽnh pyràk tã no ãm na hte mẽ pano kupyr pê mẽ pamã tanhmã hêx to ho mẽ pahkôt pa. Te kot mẽmoj mex ã ãm hãmri kot harẽnh pyràk tã no ãm ho hêx.
14 E não é de admirar, porque o próprio Satanás se transforma em anjo de luz.
15 Tã hkôt mẽ kot amnhĩ nhĩpêx xwỳnhjaja na htem uràk nẽ te tãm mẽ kot amnhĩ nhĩpêx xwỳnhjê pyrà nẽ mẽ pahwỳr mra nẽ tanhmã mẽ pamã hêx to. Satanasti pyrà nẽ mẽ pano kupyr kaxyw tanhmã mẽ pamã hêx to. Nom koja Tĩrtũm nhỹrmã mẽ pahtã mẽ homnuj tỳx kumrẽx nhũm mẽ rĩ amnhĩ pumu.
15 Não é muito, pois, que os seus próprios ministros se transformem em ministros de justiça; e o fim deles será conforme as suas obras.
16 E kot paj axte te ixtỳx ri amnhĩ to jarkrar pyràk o mẽ amã tanhmã amnhĩ jarẽnh to ka mẽ inhma nẽ ixkamã agryk kêt nẽ.
16 Outra vez digo: ninguém me considere insensato; todavia, se o pensais, recebei-me como insensato, para que também me glorie um pouco.
17 Pahihti Kris nhỹ hã kot paj mẽ amã amnhĩ jarẽnh kêt ãm amnhĩ krã hkôt kot paj mẽ amã amnhĩ jarẽ.
17 O que falo, não o falo segundo o Senhor, e sim como por loucura, nesta confiança de gloriar-me.
18 Na htem ohtô nẽ mẽ ate mẽ hã apijaàm kaxyw tanhmã mẽ amã amnhĩ to jarkrar to ho pa. Tã kot paj mẽ uràk nẽ amnhĩ krã hkôt mẽ amã amnhĩ to jarkrar ka mẽ inhma.
18 E, posto que muitos se gloriam segundo a carne, também eu me gloriarei.
19 Mẽ ate amnhĩ xàhpumunh tỳx ã amnhĩ jarẽnh tã ka htem htỳx ri mẽ kot amnhĩ to jarkrar o ri mẽ pa xwỳnhjê kapẽr ma nẽ mẽ hkôt ajamaxpẽr nẽ mẽ hkôt amnhĩ nhĩpêx kurê kumrẽx.
19 Porque, sendo vós sensatos, de boa mente tolerais os insensatos.
20 Mẽ kot Kris nhỹ hã mẽ ahkre hã amnhĩ to hêx xwỳnhjaja mẽ pakurom mẽ kot amnhĩ to rax xwỳnh ã amnhĩ jarẽnh jakamã na htem mẽmoj tã mẽ amã karõ ho pa. Nẽ mẽ kãm hprãm xà hkôt nhỹhỹm mẽ arẽ nẽ nhỹhỹm mẽ arẽ. Nẽ mẽ apa pix kukwak ri apkur o pa. Nẽ mẽmoj tã mẽ ajakwap mẽ atak o pa. Ã mẽ kot mẽ anhĩpêx anhỹr tã ka te mẽ ate atũm kêt pyrà nẽ atỳx ri mẽ kapẽr ma nẽ mẽ hkôt amnhĩ nhĩpêx o ri apa.
20 Tolerais quem vos escravize, quem vos devore, quem vos detenha, quem se exalte, quem vos esbofeteie no rosto.
21 Tã ixte mẽ uràk nẽ ã mẽ anhĩpêx anhỹr kêt tã kot paj mẽ uràk nẽ mẽ amã tanhmã amnhĩ to jarkrar to ka mẽ inhmar japêr. Te ixtỳx ri amnhĩ jarẽnh pyràk o kot paj mẽ amã amnhĩ jarẽ nom ãm hãmri mẽ amã amnhĩ jarẽ.
21 Ingloriamente o confesso, como se fôramos fracos. Mas, naquilo em que qualquer tem ousadia (com insensatez o afirmo), também eu a tenho.
22 Mẽ kot Jejus nhỹ hã mẽ ahkre hã amnhĩ to mẽ hêx xwỳnhjaja na htem mẽ amã tanhmã amnhĩ to jarkrar to nẽ mẽ amã: —E mẽ inhma. Mẽ ixpê Ijaew na pa mẽ. Mẽ arom mẽ ixpê finat Apraãw kanrẽhã htàmnhwỳ jakamã kwa mẽ ixkapẽr ma nẽ mẽ ixkôt amnhĩ nhĩpêx. Anẽ. Nom ijaxwỳja ixpê Ijaew tã pa hte mẽ uràk nẽ ja hã amnhĩ to jarkrar hkêt nẽ.
22 São hebreus? Também eu. São israelitas? Também eu. São da descendência de Abraão? Também eu.
23 Nẽ mẽ kot Kris kapẽr jarẽnh mex o pa hã amnhĩ jarẽnh tã pa na pa hte harẽnh mex o mẽ hakre. Te ixkrã pipãnh pyràk o ã mẽ amã amnhĩ jarẽnh anhỹr tãã. E pa mẽ amã tanhmã amnhĩ jarẽnh to ka mẽ inhma. Nà na pre Kris ã mẽ kãm ixkurê xwỳnhjaja mẽ kot amnhĩ to jarkrar xwỳnhjê hkĩnhã Kris ã ixpynênh nẽ ijagjênh xohtô nẽ. Nẽ mẽ hkĩnhã tõhã ixtak rũnh kumrẽx. Pa mẽ hkĩnhã xatã mẽ kot tanhmã ixto hã kritpêm ronhỹx pa pre ty.
23 São ministros de Cristo? (Falo como fora de mim.) Eu ainda mais: em trabalhos, muito mais; muito mais em prisões; em açoites, sem medida; em perigos de morte, muitas vezes.
24 Na pre Ijaew krãhtũmjaja Kris ã ixkatut kãm ixtak rũnh nẽ. Nẽ ixtak xàja pĩ hã mry kà janhôr o ixtak. Nẽ ixtak kaxyw nẽ ixtak xà jatur xà kamã kàx xwa gixre janhô nẽ ho ixtak rũnh o ixkatut kà rê. Ixtak o 39 hãmri nẽ rĩ kormã mẽ kot ixpĩr pymaj inhmã ure. Na pre htem nhỹri ixpynê nẽ ã inhĩpêx anẽ. Na prem ã inhĩpêx anhỹr o 5 wês.
24 Cinco vezes recebi dos judeus uma quarentena de açoites menos um;
25 Nẽ na prem ra mẽ kot ixpĩr kaxyw nẽ kẽn rũnh kwỳ jamỳ nẽ ho ixtak o kuhê. Nẽ Rõm nhõ xwỳnhjaja haxwỳja pĩ ho ixtak rax kumrẽx. Ã inhĩpêx anhỹr o axkrunẽpxi. Nẽ na pa pre hte gô xujanãr kãm nhỹhỹm Jejus jarẽnh o ri ixpa kaxyw pàr kãm mẽ hwỳr ixpa nhũm pàrja tanhmã amnhĩ to nẽ agjê. Kritpêm nhỹx pre hte gôja ixpĩ. Pa pre ã amnhĩ nhĩpêx anhỹr o axkrut. Tã arĩgro hõ hã kê axte pàr õ mã axà nẽ ma axte krĩ hõ hwỳr mõ. Nhũm kê pàrta axte mẽ ixpê axà nhũm gôja nhỹx kê axte ixpĩ. Pa pàr jakà hã kumỳ nẽ hã ijêt o amỹkry. Nẽ ho apkati. Tã nhũm nhỹhỹnh pàr õja mõ nhũm kamã mẽ mõr xwỳnhjaja ixpumu nẽ ixwỳr pàr o mõ nẽ amnhĩ wỳr ixto api nẽ ma amnhĩ kôt ixto mõ.
25 fui três vezes fustigado com varas; uma vez, apedrejado; em naufrágio, três vezes; uma noite e um dia passei na voragem do mar;
26 Na pa pre amnhĩ xà htỳx kamã ijamak o ri ã mẽ kãm Kris kapẽr jarẽnh o ri ixpa anẽ. Kironhỹx pre gô tàmja ixpĩ. Nhũm mẽ àhkĩnh nhi xwỳnhjaja kironhỹx prem mããnẽn ixpĩ. Nẽ Ijaew nẽ Ijaew kêt xwỳnhjaja tõhã tanhmã ixtomnuj to ho pa. Pa pre krĩ hkwỳ hwỳr ixpa rỳ kapôt ã ixpa nhũm mẽ ixtã amỹnê. Pa pre gô xujanãr kãm pàr kãm ri ixpa nẽ nhỹx kamã ty. Nhũm mẽ kêp Kris kwỳ hã amnhĩ to hêx xwỳnhjaja haxwỳja tanhmã ixtomnuj to pa mẽ ỹ hã amnhĩ xà htỳx kamã ijamak o ri ixpa. Ã na prem Kris ã inhĩpêx anhỹr o pa.
26 em jornadas, muitas vezes; em perigos de rios, em perigos de salteadores, em perigos entre patrícios, em perigos entre gentios, em perigos na cidade, em perigos no deserto, em perigos no mar, em perigos entre falsos irmãos;
27 Nẽ na pa Jejus kapẽr jarẽnh o ri ixpa kurê ixkẽngrà nẽ ri ixpa. Nẽ tõhã inhõt kêt ã ixtã apkati. Nẽ tõhã inhmã prãm nẽ inhmã kôr nẽ ri ixpa. Nẽ tõhã ixê mex kêt nẽ inhmã kry nẽ ri ixpa.
27 em trabalhos e fadigas, em vigílias, muitas vezes; em fome e sede, em jejuns, muitas vezes; em frio e nudez.
28 Na pa hte Kris kapẽr jarẽnh o ri ixpa pê ã amnhĩ nhĩpêx anẽ. Nom ja pix kêt. Na pa hte krĩ piitã hkôt Kris kwỳjê hkukamã tee ri ijamaxpẽr nẽ ijamaxpẽr o: —Hêxta waa nẽ. Mãn mẽ arĩ Kris kôt amnhĩ nhĩpêx mex japêr rỳ ko. Mãn mẽ ra kapẽr kwỳm ri tanhmã amnhĩ tomnuj to rỳ ra hkaga. Anhỹr o ijamaxpẽr o ixpa.
28 Além das coisas exteriores, há o que pesa sobre mim diariamente, a preocupação com todas as igrejas.
29 Nẽ na hte mẽhõ Tĩrtũm kapẽr nhĩrôp xa nẽ tanhmã amnhĩ tomnuj to pa tee ri omu nẽ ixkaprĩ htỳx kumrẽx. Koja mẽhõ tanhmã Tĩrtũm nê mẽhõ mã kapẽr to nhũm kuma nẽ Tĩrtũm kôt amnhĩ nhĩpêx kêt pa tee ri ja hã omu nẽ nê kêp àmnàr xwỳnhta kamã inhgryk tỳx kumrẽx.
29 Quem enfraquece, que também eu não enfraqueça? Quem se escandaliza, que eu não me inflame?
30 E Kris kôt ixkwỳjaja. Na pa ã mẽ amã amnhĩ jarẽnh anẽ. Te ixte amnhĩ to ijarkrar pyràk no ãm mẽ ate ixirerek xwỳnh ã ixpumunh pix kaxyw.
30 Se tenho de gloriar-me, gloriar-me-ei no que diz respeito à minha fraqueza.
31 Ãm hãmri na pa ã mẽ amã amnhĩ jarẽnh anẽ. Ixêx kêt. Pahihti Jejus nhĩpêêxà Tĩrtũm kot ja hã ixpumunh mex. Tĩrtũmja mex o mex. Koja mex o mex tũm nẽ pa rãhã ho pa. Tãm kot ixirerek ã ixpumunh mex.
31 O Deus e Pai do Senhor Jesus, que é eternamente bendito, sabe que não minto.
32 Kormã krĩ pê Tamas kãm ixpare ri na pre mẽ õ pahi Arêtja mẽ kãm ixtã amỹnê nhũm pôristijaja krĩ hpu hã kahê xà nhõ hakwakre piitã kãm hipôk pa nẽ ixkãm hamak o kuhê. Pa tee inhmã nhỹhỹnh ixkator nẽ ma mẽ umaj ixprõt nẽ ixtẽm prãm nẽ ixirerek xwỳnh ã amnhĩ pumunh kurê kumrẽx.
32 Em Damasco, o governador preposto do rei Aretas montou guarda na cidade dos damascenos, para me prender;
33 Tã nhũm Kris kôt mẽ pahkwỳjaja hamaxpẽr nẽ kawà rax mỳ nẽ o tẽ nẽ inhmã ãm pa hwỳr axà nẽ kamã nhỹ. Hãmri nhũm mẽ pàr nhõr o kahê nhĩrô pê ixto wrỳ pa ixkato nẽ mẽ kêp amũxu nẽ amnhĩm ixprĩ nẽ ma tẽ nẽ mẽ kêp akunok. Ã na pre Tĩrtũm ixirerek xwỳnh ã inhmã ixto amnhĩrĩt anẽ.
33 mas, num grande cesto, me desceram por uma janela da muralha abaixo, e assim me livrei das suas mãos.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Coríntios 11, comparar traduções ou montar um estudo — tudo direto pelo WhatsApp.