1 ܪܚܘܿܡ ܥܲܠܝܼ، ܝܵܐ ܐܲܠܵܗܵܐ، ܐܲܝܟ݂ ܛܲܝܒܘܼܬܘܼܟ݂،
2 ܡ̣ܢ ܥܵܘܠܝܼ ܚܲܠܸܠܔ ܠܝܼ ܓܡܝܼܪܵܐܝܼܬ،
3 ܒܗ̇ܝ ܕܐܵܢܵܐ ܟܹܐ ܝܵܕܥܹܢ ܠܓܢܵܗܝܼ̈،
4 ܐܸܠܘܼܟ݂، ܐܲܚܟ̰ܝܼ ܐܸܠܘܼܟ݂، ܚܛܹܐ ܠܝܼ،
5 ܗܵܐ، ܒܥܵܘܠܵܐ ܦܝܼܫ ܠܝܼ ܝܠܝܼܕܵܐ،
6 ܗܵܐ، ܟܹܐ ܒܵܣܡܵܐ ܠܘܼܟ݂ ܒܫܲܪܝܼܪܘܼܬܵܐ ܕܝܼܠܵܗ̇ ܡ̣ܢ ܥܘܼܡܩܵܐ ܕܓܵܢܵܐ،
7 ܕܲܟܹܝܬ ܠܝܼ ܒܙܘܿܦܵܐ ܘܒܸܬ ܗܵܘܹܝܢ ܕܸܟ݂ܝܵܐ،
8 ܫܒ݂ܘܿܩ ܫܵܡܥܹܢ ܦܨܵܚܵܐ ܘܚܲܕܘܼܬܵܐ،
9 ܛܲܫܝܼ ܦܵܬܘܼܟ݂ ܡ̣ܢ ܚܛܝܼܵܬܝܼ̈،
10 ܠܸܒܵܐ ܕܸܟ݂ܝܵܐ ܒܪܝܼ ܓܵܘܝܼ، ܝܵܐ ܐܲܠܵܗܵܐ،
11 ܠܵܐ ܪܲܦܹܝܬ ܠܝܼ ܡ̣ܢ ܗܸܙܘܼܪܘܼܟ݂،
12 ܡܲܕܸܪ ܐܸܠܝܼ ܦܨܵܚܵܐ ܕܦܘܼܪܩܵܢܘܼܟ݂،
13 ܗ̇ܝܓܵܗ ܒܸܬ ܡܲܠܦܸܢ ܠܥܵܘܵܠܹ̈ܐ ܐܘܼܪ̈ܚܵܬܘܼܟ݂،
14 ܦܲܨܝܼ ܠܝܼ ܡ̣ܢ ܚܛܝܼܬܵܐ ܕܫܲܦܲܟ݂ܬܵܐ ܕܕܸܡܵܐ، ܝܵܐ ܐܲܠܵܗܵܐ، ܐܲܠܵܗܵܐ ܕܦܘܼܪܩܵܢܝܼ،
15 ܝܵܐ ܡܵܪܝܵܐ، ܦܵܬܚܹܬ ܣܸܦܘܵܬܝܼ̈،
16 ܣܵܒܵܒ ܠܹܐ ܒܵܣܡܵܐ ܠܘܼܟ݂ ܒܕܸܒ݂ܚܵܐ، ܐܸܠܵܐ ܒܸܬ ܝܵܗܒܹܢ ܗܘܵܐ،
17 ܕܸܒ݂ܚܵܐ ܕܐܲܠܵܗܵܐ ܪܘܼܚܵܐ ܬܒ݂ܝܼܪܬܵܐ ܝܠܵܗ̇،
18 ܥܒ݂ܘܿܕ ܛܵܒ݂ܬܵܐ ܒܨܸܒ݂ܝܵܢܘܼܟ݂ ܠܨܸܗܝܘܿܢ،
19 ܗ̇ܝܓܵܗ ܒܸܬ ܒܵܣܡܵܐ ܠܘܼܟ݂ ܒܕܸܒ݂ܚܹ̈ܐ ܕܙܲܕܝܼܩܘܼܬܵܐ،