1 ܝܵܐ ܐܲܠܵܗܵܐ ܒܢܵܬܝܵܬܲܢ̈ ܫܡܝܼܥ ܠܲܢ، ܐܲܒ݂ܵܗܵܬܲܢ̈ ܗܘܼܩܹܐ ܠܗܘܿܢ ܐܸܠܲܢ،
2 ܐܲܢ݇ܬ ܒܐܝܼܕܘܼܟ݂ ܛܪܝܼܕܵܝ ܠܘܼܟ݂ ܐܸܡܘܵܬܹ̈ܐ ܘܢܨܝܼܒ݂ܵܝ ܠܘܼܟ݂ ܐܲܒ݂ܵܗܵܬܲܢ̈،
3 ܣܵܒܵܒ ܠܹܐ ܝܗܘܵܐ ܒܣܲܝܦܵܝܗܝ ܕܩܵܡ ܝܵܪܬܝܼ ܠܵܗ̇ ܐܲܪܥܵܐ،
4 ܐܲܢ݇ܬ ܝܼܘܸܬ ܡܲܠܟܝܼ، ܝܵܐ ܐܲܠܵܗܵܐ،
5 ܒܝܼܘܼܟ݂ ܒܸܬ ܡܵܚܲܚ ܠܡܲܠܝܸܨܵܢܲܢ̈،
6 ܣܵܒܵܒ ܒܩܸܫܬܝܼ ܠܹܐ ܦܵܝܫܹܢ ܒܣܲܒ݂ܪܵܐ،
7 ܣܵܒܵܒ ܐܲܢ݇ܬ ܩܵܡ ܦܲܪܩܸܬ ܠܲܢ ܡ̣ܢ ܡܲܠܝܸܨܵܢܲܢ̈،
8 ܒܐܲܠܵܗܵܐ ܫܘܼܒܸܚ ܠܲܢ ܟܠܹܗ ܝܵܘܡܵܐ،
9 ܐܝܼܢܵܐ ܡܘܼܚܦܸܠܔ ܠܘܼܟ݂ ܘܡܘܼܢܟܸܦ ܠܘܼܟ݂ ܐܸܠܲܢ،
10 ܡܘܼܕܸܪܘܼܟ݂ ܐܸܠܲܢ ܠܒܵܬܪܵܐ ܡ̣ܢ ܩܲܕܡ ܕܸܫ̃ܡܸܢ،
11 ܩܵܡ ܝܵܗܒܹܬ ܠܲܢ ܐܲܝܟ݂ ܥܸܪ̈ܒܹܐ ܕܦܵܝܫܲܚ ܐܟ݂ܝܼܠܹܐ،
12 ܙܘܼܒܸܢܘܼܟ݂ ܠܥܲܡܘܼܟ݂ ܪܵܒܵܐ ܐܲܪܙܵܢ،
13 ܩܵܡ ܥܵܒ݂ܕܹܬ ܠܲܢ ܠܵܘܡܵܐ ܠܫܒ݂ܵܒܲܢ̈،
14 ܩܵܡ ܥܵܒ݂ܕܹܬ ܠܲܢ ܡܲܬܠܵܐ ܓܵܘ ܐܸܡܘܵܬܹ̈ܐ،
15 ܟܠܹܗ ܝܵܘܡܵܐ ܢܟܸܦܬܝܼ ܩܲܕܡܝܼ ܝܠܵܗ̇،
16 ܡ̣ܢ ܥܸܠܬܵܐ ܕܩܵܠܵܐ ܕܠܵܝܡܵܢܵܐ ܘܓܵܕܦܵܢܵܐ،
17 ܟܠܵܗ̇ ܐܵܗܵܐ ܐܬܹܐ ܠܵܗ̇ ܥܲܠܲܢ ܘܠܵܐ ܢܫܹܐ ܠܲܢ ܐܸܠܘܼܟ݂،
18 ܠܵܐ ܕܝܼܪܹܗ ܠܒܵܬܪܵܐ ܠܸܒܲܢ،
19 ܐܝܼܢܵܐ ܩܵܡ ܛܵܒ݂ܚܹܬ ܠܲܢ ܒܐܲܪܥܵܐ ܕܟ̰ܲܩܵܠܹ̈ܐ،
20 ܐܸܢ ܗܵܘܲܚ ܢܸܫܝܹܗ ܫܸܡܵܐ ܕܐܲܠܵܗܲܢ،
21 ܗܵܐ، ܠܹܐ ܒܵܚܹܪ ܐܲܠܵܗܵܐ ܠܐܵܗܵܐ؟
22 ܐܝܼܢܵܐ ܒܘܼܬ ܕܝܼܘܼܟ݂ ܦܝܵܫܵܐ ܝܘܲܚ ܩܛܝܼܠܹܐ ܟܠܹܗ ܝܵܘܡܵܐ،
23 ܪܥܘܿܫ، ܩܵܡܘܿܕܝܼ ܛܵܠܥܹܬ، ܝܵܐ ܡܵܪܝܵܐ؟
24 ܩܵܡܘܿܕܝܼ ܛܲܫܹܝܬ ܠܵܗ̇ ܦܵܬܘܼܟ݂،
25 ܣܵܒܵܒ ܟܝܼܦ ܠܵܗ̇ ܠܥܲܦܪܵܐ ܓܵܢܲܢ،
26 ܩܘܼܡ ܠܗܲܝܲܪܬܵܐ ܐܸܠܲܢ،