1 Beyache' ḻaže'l neda', Dios, nich bi wžía yí'gak benne' ka' neda'.
2 Dot ža, na' yele benne' ka' bi ẕḻé'egekle' neda' chawe' ẕbia ḻáže'gake' neda',
3 Kate' ẕžin ža ẕžeba', žx̱en ḻaža'a Dios.
4 Žx̱en ḻaža'a Ḻe', na' ẕka'n ẕena' x̱tiže'e.
5 Yógo'te ža ẕží'igake' che x̱tiža'a.
6 Ẕdóbgake', na' ẕkache' kwíngake'.
7 X̱ana' Dios, bwia da' žóngake', na' ḻo yeḻa' ẕža'a chio' bžia yi' benne' ka'.
8 Nnézkzelo' Le' ka žẕonnja' ḻawgak benne' ka'.
9 Kate' žḻiža' Dios, ḻo ža na'kze žẕonnjgak benne' ka' bi ẕḻé'egekle' neda' chawe'.
10 Žx̱en ḻaža'a Dios, na' ẕka'n ẕena' x̱tiže'e.
11 Žx̱en ḻaža'a Dios, na' biž ẕžeba'.
12 Nbaga'a da' bchebe ḻaža'a gona' chio', Dios.
13 Besló' be' da' nakkza' ḻo yeḻa' got,