1 Gulas mnii Ñgyoozh lo de gyitoo bel nu nac de yu nu mnii por cuen nim. Nunu zañ tir, nunu zañ mod mniim lo dey.
2 Tees lat tiem nu yuꞌ den na, orzeꞌ rniim lo den nu nac Iꞌñ mi. Nunu nu nac Iꞌñ mi psaꞌ lagy mi gyishlombecy. Nunu bzum mi zeꞌ par nu gyiyeeñ dela coz yaam.
3 Lo Iꞌñ mi zeꞌ gabe gyel lily nim, nunu gal nu na Ñgyoozh Uz mi niꞌ ziꞌl nam. Nunu laab Iꞌñ mi zeꞌ ricy mi nu ni mod yuꞌ dela coz. Ni ricy mi nu riidz nim nu dzi rcyiiñ. Na ornu blazh bdiib mi cyi de mbecy, orzeꞌ gusub mi zeꞌ nu zub mbecy nu gya zir zu par yaa bee Ñgyoozh gyibaa.
4 Orzeꞌ Iꞌñ mi zeꞌ nac mi tub biñ nu zily zir nac gazeꞌ de anc, nunu Ñgyoozh briic mi tub nu lam nu gya zir sac gazeꞌ de nu la anc.
5 Gun Ñgyoozh rila wanniim lo ni tub la anc gal nu mniim lo Iꞌñ mi ornu nam:
6 Ornu Ñgyoozh bzuu nez mi Iꞌñ mi nu gul loga nim nu biid mi gyishlombecy, orzeꞌ nam:
7 Zeꞌ par de anc, i mod mniim:
8 Tees lo Iꞌñ mi mniim:
9 Ru yet lagy ru nu ricy ru de coz nu laab ñi,
10 Niꞌ ziꞌl Ñgyoozh bzat mi Iꞌñ mi ornu de yu nu mnii por cuen nim mnii dey lo Iꞌñ mi:
11 Tees de nu ndeꞌ nit loñ,
12 Orzeꞌ cuꞌ choow ru ñii,
13 Ñgyoozh rila wanniim lo ni tub la anc gal nu mniim lo Iꞌñ mi ornu nam:
14 Orzeꞌ de anc, yu zeꞌ nac yu espiriit nu ricy yac nu de coz nu rnii Ñgyoozh. Nunu Ñgyoozh rzuu nez mi dey par nu locyuub yu de mbecy nu gruu mbañ.