1 Ruzë́ naguʼ le rulidzaʼ Liʼ, Xan.
2 bitiʼ ichëʼu nedaʼ loʼ ga uchiʼa usörö́uʼ quiaʼ, huen dxin quiuʼ.
3 Nu bitiʼ riléʼe nedaʼ dxiʼa zoa reguʼ böʼ naca cazaʼ.
4 Que lë ni naʼ rudú ládxaʼa, en röʼa böniga.
5 Röjnedaʼ dza chigulaʼdödi.
6 Richisa naʼa zacaʼ ga zuʼ Liʼ.
7 Bubíʼitë didzaʼ, Xan, tuʼ rudú ládxaʼa.
8 Ben ga yöndaʼ yuguʼ zila ca naca yöl-laʼ dxiʼi ladxiʼ quiuʼ,
9 Busölá nedaʼ, Xan, lu náʼagaca nupa bitiʼ taʼléʼe nedaʼ dxiʼa.
10 Busedi nedaʼ para gunaʼ ca rë́ʼënuʼ Liʼ,
11 Butipa ládxaʼa, Xan, para gaca yöl-laʼ ba que Loʼ.
12 Lu yöl-laʼ dxiʼi ladxiʼ quiuʼ guchugu quégaca nupa bitiʼ taʼléʼe nedaʼ dxiʼa.