1 Idú ládxaʼa guíaʼ Liʼ, “Xclenuʼ” Xan.
2 Uzóa zxibaʼ sacaʼ yudoʼ láʼayi quiuʼ, en guíaʼ Liʼ, “Xclenuʼ”
3 Laʼ dza náʼasö cateʼ bulidzaʼ Liʼ, bubiʼu didzaʼ.
4 Yúguʼtë bönniʼ taʼnná bëʼë ilë́ʼ Liʼ: “Xclenuʼ” Xan,
5 Ilul-lëʼ ca nácagaca le runëʼ Xanruʼ Dios,
6 Sal-laʼ nayë́pisëtërëʼ Xanruʼ Dios
7 Sal-laʼ ridáʼ ga zoa bönadxi quiaʼ, Liʼ utipa cazuʼ ládxaʼa.
8 Xanruʼ gun cazëʼ quiaʼ ca chinuzóa cazëʼ gunëʼ.