1 Amɨn kɨnda gulusuŋ agɨt dakon yokwini Piŋkop da wɨrɨrɨk ɨmɨsak, uŋun amɨn kɨsɨk kɨsɨk tagɨ asak.
2 Amɨn kɨnda Piŋkop da dɨwarɨni wɨrɨrɨk ɨmɨsak, ae topni mɨni egɨsak amɨn uŋun kɨsɨk kɨsɨk tagɨ asak.
3 Dɨwarɨno dɨma yaŋ teŋteŋagɨm bɨsapmon gɨldat kalba ae kalbi but yokwi nandaŋek iyoŋ iyoŋ yaŋek egɨpgum.
4 Gɨldarɨ ae kalbi tepmɨ pi namgul.
5 Don dɨwarɨno gagon yaŋ teŋteŋagɨm.
6 Do amɨn gak golgaŋ jɨgɨ bɨsapmon gak do bɨsit yoni.
7 Gak kaloŋ gɨn pasɨlɨ tamono.
8 Yawe da yaŋ yosok, “Nak da gayɨŋ degek kosit agɨpbi uŋun golɨkdɨsat.
9 Gak os bo donki da yaŋ kadɨm dɨma dagoki.
10 But yokwi morapmɨ yokwi pakpak amɨnon noman toŋ.
11 Amɨn kɨlegɨ ji butji tagɨsi taŋakwan Yawesi aŋkɨsini.