1 जमाहेन्से ङाइ स्य्हान्दो स्वर्गदूत गिक स्वर्गग्याम मार फाप्बान लबा म्राङ्जी। थेदेन छ्याम घ्रेन अधिकार मुबा। ओच्छे थेला य्हालदेन शक्तिसे लमा जम्बुलिङ नाङनोन य्हाल य्हाल तजी।
2 थे स्वर्गदूतसे घ्रेन काइरी चुह्रङ् भिसी भिजी,
4 जमाहेन्से ङाइ स्वर्गग्याम चुह्रङ् भिबान लबा अर्गु काइ थेःजी,
9 थेदेन छ्याम ब्रेल्बादेन मोजमजा लसी चिबा जम्बुलिङला ग्लेगदे थेदा क्रोबा मेला म्युगु म्राङ्सी क्राबा क्रिङ्बा लला।
10 थेदा पिन्बा सजाय नाआतोःगै भिसी थेनीगदे लोङ्सी थारेङनोन राप्सी चुह्रङ् भिजी,
11 जम्बुलिङला व्यापारीगदे थेला लागिरी क्राबा क्रिङ्बा लला, तिग्दा भिसम थेनीगदेसे लबा व्यापारला सामानगदे दोःसी खालैसेन आग्लु।
12 म्हर, म्हुइ, रत्न, मोतीदेन मलमलला क्वानगदे वाला वाला पिङगै छोनना क्वानगदे, रेशमला क्वानगदे, वाला क्वानगदे, जम्मान खाल्ला बास्ना खबा सिङ, हात्तीला स्वाग्याम स्होबा जम्मान स्हेगदे, ल्हानान महँगो जम्मान सिङ, काँसग्याम स्होबा स्हेगदे, फाइग्याम स्होबा स्हेगदे, ओच्छे सिङ्गमरमरग्याम स्होबा स्हेगदे,
13 सिङकाउली, मसला, बास्ना खबा धूप, मूर्र, तार धूप, अङगुरला निङगु, छ्युगु, ब्रा, ग्वा, म्हे, मुइ, ग्युगदे, तागदे, रथगदे, नोकरगदेदेन लडाइरी भ्रेबा म्हिगदेदाएनोन खालैसेन आग्लु।
14 थे व्यापारीगदेसे थेदा चुह्रङ् भिसी भिजी, “बेबिलोन, एला सेमसे म्हन्बा जम्मान स्हेगदे एग्याम ब्यन्बा मुला। ओच्छे एला धन सम्पत्तिदेन जम्मान झक्झक्बा स्हेगदे नाश तसी जिन्बा मुला। दोःसी एसे थे जम्मान स्हे खाइमै आयाङ्।
15 थे घ्रेन शहररी व्यापार लसी धनी तबा व्यापारीगदे थेदा पिन्बा घ्रेन सजाय म्राङ्सी लोङ्सी थारेङनोन राप्सी चिला। ओच्छे चुह्रङ् भिबान क्राबा क्रिङ्बा लला,
17 जम्मान पानी जहाजला कप्तानदेन पानी जहाजरी भ्रबा म्हिगदे ओच्छे पानी जहाज चलब लबा म्हिगदेदेन समुन्द्रग्याम व्यापार लबा म्हिगदे थारेङनोन राप्सी चिजी।
18 ओच्छे थे घ्रेन शहर क्रोसी थोन्बा म्युगु म्राङ्सी, “चुह्रङ्बा घ्रेन शहर ह्रङ्बा अर्गु खजिबै शहर आरेबा” भिसी क्रिङ्जी।
19 थेनीगदेसे ह्राङ ह्राङला थोबोरी धुलु युसी चुह्रङ् भिबान क्रिङ्जी,
21 जमाहेन्से शक्तिशाली स्वर्गदूत गिकसे ह्रान्दा ह्रङ्बान घ्रेन युङबा गिक थीसी चुह्रङ् भिबान थे युङबा समुन्द्ररी भ्याङ्जी,