1 थेतबासेलमा य्हाङसे जुन ताम थेःबा मुला थे तामरी झन ल्हाना सेम लसी ङ्यान्तोःला, आहिन्सम य्हाङ थे तामग्याम थारेङ तला।
2 स्वर्गदूतगदेसे य्हाङला आखे म्हेमेदा थेःना लबा परमेश्वरला बचनरी पक्का अधिकार मुबा। थे ताम अन्छार आभ्रबा पाप लबा म्हिगदेदा परमेश्वरसे ठीक सजाय पिन्जी।
3 थेतबासेलमा येशू ख्रीष्टसे पिन्बा चु घ्रेन थार्बादा य्हाङसे वास्ता आलनी भिसम झन य्हाङ चा खाह्रङ् लसी सजायग्याम स्योर्म्याङ्ला? चु थार्बाला बारेरी ङाच्छा प्रभुसेन थेःना लजी। ओच्छे प्रभुसे थेःना लबा ताम थेःबा म्हिगदेसे चु ताम सत्य हिन्ना भिसी य्हाङदा घोना लजी।
4 परमेश्वरसेनोन चिनुगदे उन्सी, ल्हानान थरीला उदेकला गेदेन शक्तिशाली गेगदे लसी, ओच्छे ह्राङसे म्हन्बा अन्छार ह्राङला आत्माला मोलमगदे भो लसी पिन्सी चु थार्बा चा सत्य हिन्ना भिसी पक्का लजी।
5 परमेश्वरसे स्वर्गदूतगदेदा य्हाङसे ताम लबा लिच्छाला धुइरी शासन लबा अधिकार पिन्बा आरे।
6 परमेश्वरला बचनरी ग्ला गिकरी चुह्रङ् भिसी म्हि गिकसे भ्रिबा मुला,
7 ह्राङसे थेदा तिगै धिनना लागिरी स्वर्गदूतगदे भन्दा जजा स्होजी।
8 ओच्छे ह्राङसे जम्मान स्हेगदेथोरी शासन लबा अधिकार थेदा पिन्बा मुला।”
9 तर तिगै धिनना लागिरी स्वर्गदूतगदे भन्दा जजा तबा येशूदा य्हाङसे म्राङ्बा मुला। परमेश्वरला दयामायासे लमा थे जम्मालान लागिरी सिजी। थेह्रङ् लसी सिबासे लमा थेदा ल्हानान मानदेन जयजयकार लबा मुकुट कूसी पिन्जी।
10 परमेश्वरसे ह्राङला लागिरी जम्मान स्हे ह्राङसेन स्होबा मुबा। ओच्छे ह्राङला कोलागदेदा ह्राङसे याङ्बा य्हालदेन शक्ति पिन्बाला लागिरी थार्बा पिन्बा येशूदा दुख नापुङ्सी पाको स्होबा चा परमेश्वरदा ज्यबा छोर्जी,
11 तिग्दा भिसम येशूसे पापग्याम फेसी चोखो तना लबा जम्मान म्हिगदेदेन येशू परमेश्वरलान सन्तान हिन्ना। थेतबासेलमा थेनीगदेदा आले आङा भिसी पाङ्बारी येशू आपेःमुला।
12 येशूसे परमेश्वरदा चुह्रङ् भिसी सुङ्जी,
13 दोःसी येशूसे चुह्रङ् भिसी सुङ्जी,
14 थे कोलागदेला ल्हुइ स्यादेन काला तबासे लमा येशूला ल्हुइएनोन थेनीगदेला ह्रङ्बान स्यादेन काला दोजी। ओच्छे म्हिदा नाश लबा शक्ति थोबा शैतानदा नाश लबारी येशू ह्राङनोन सिजी।
15 ओच्छे सिला वा भिसी सदन लोङ्सी चिबा म्हिगदेदा येशूसे लोङ्बाग्याम फेजी।
16 चुह्रङ् लसी येशूसे स्वर्गदूतगदेला लागिरी थेह्रङ् लबा आहिन, तर अब्राहामला सन्तानना लागिरी थेह्रङ् लबा हिन्ना भिबा ताम य्हाङदा था मुला।
17 थेतबासेलमा म्हिगदेला पाप माफ लबाला लागिरी परमेश्वरसे पिन्बा गेरी भर तबादेन दया मुबा परमेश्वरला मन्दिररी पूजा लबा मुल म्हि दोतोःला। थेह्रङ्बा म्हि दोबाला लागिरी जम्मान तामरी येशू ह्राङलान आले आङागदे ह्रङ्बान दोतोःबा मुबा।
18 शैतानसे फसब लबारी म्हाइमा येशू ह्राङसेन ल्हानान दुख नाजी। थेतबासेलमा शैतानसे फसब लबारी म्हाइबागदे जम्मादान थेसे जोगब लखम्ला।