1 Ɲɛlɛxinyi xa lu gbengberen yire,
2 Sansi tofanyie xa lu naa, sɛɛwɛ xui xa ite.
3 Wo tan naxee bara gaaxu han wo bɛlɛxɛ mu se suxuma, wo xinbi fa sɛrɛn,
4 Wo a fala mixie bɛ naxee bara gaaxu,
5 Na tɛmui, dɔnxuie ya rabɔɔma nɛ, tulixɔrie fe mɛma nɛ.
6 Mabɛnyie tuganma nɛ alɔ xeli, boboe fan sɛɛwɛ xui raminima nɛ,
7 Bɔxi maxaraxi mafindima nɛ baa ra,
8 Kira mabama naa naxan xili falama, «Kira Sɛniyɛnxi.»
9 Yɛtɛe nun burunyi sube mu toma naa, fo lasiri mixi.
10 Alatala naxee xɔrɛyaxi, nee nan gbilenma e xɔnyi na kira xɔn ma.