1 ⲡⲉⲥⲙⲟⲩ ⲛⲧⲱⲇⲏ ⲛⲇⲁⲩⲉⲓⲇ ⲁⲙⲏⲓⲧⲛ ⲛⲧⲛⲧⲉⲗⲏⲗ ⲙⲡϫⲟⲉⲓⲥ ⲛⲧⲛϯⲗⲟⲩⲗⲁⲓ ⲙⲡⲛⲟⲩⲧⲉ ⲡⲉⲛⲟⲩϫⲁⲓ</ab>
2 ⲙⲁⲣⲛⲉⲓ ⲃⲟⲗ ϩⲏⲧϥ ϩⲛ ⲟⲩⲟⲩⲱⲛϩ ⲉⲃⲟⲗ ⲛⲧⲛϯⲗⲟⲩⲗⲁⲓ ⲛⲁϥ ϩⲛ ϩⲉⲛⲯⲁⲗⲙⲟⲥ</ab>
3 ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲩⲱ ⲟⲩⲛⲟϭ ⲛⲣⲣⲟ ⲡⲉ ⲉϫⲛ ⲛⲛⲟⲩⲧⲉ ⲧⲏⲣⲟⲩ</ab>
4 ϫⲉ ⲉⲣⲉⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ ϩⲛ ⲧⲉϥϭⲓϫ ⲁⲩⲱ ⲛⲟⲩϥ ⲛⲉ ⲛϫⲓⲥⲉ ⲛⲛⲧⲟⲟⲩ</ab>
5 ⲧⲱϥ ⲧⲉ ⲑⲁⲗⲁⲥⲥⲁ ⲁⲩⲱ ⲛⲧⲟϥ ⲡⲉⲛⲧⲁϥⲧⲁⲙⲓⲟⲥ ⲁⲩⲱ ⲛⲉϥϭⲓϫ ⲛⲉⲛⲧⲁⲩⲡⲗⲁⲥⲥⲉ ⲙⲡⲡⲉⲧϣⲟⲩⲱⲟⲩ</ab>
6 ⲁⲙⲏⲓⲧⲛ ⲛⲧⲛⲟⲩⲱϣⲧ ⲛⲧⲛⲡⲁϩⲧⲛ ⲛⲁϥ ⲛⲧⲛⲣⲓⲙⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲟⲛ</ab>
7 ϫⲉ ⲛⲧⲟϥ ⲡⲉ ⲡⲉⲛⲛⲟⲩⲧⲉ ⲁⲩⲱ ⲁⲛⲟⲛ ⲁⲛⲟⲛ ⲡⲉϥⲗⲁⲟⲥ ⲁⲩⲱ ⲛⲉⲥⲟⲟⲩ ⲛⲧⲉϥϭⲓϫ ⲙⲡⲟⲟⲩ ⲉⲧⲉⲧⲛϣⲁⲛⲥⲱⲧⲙ ⲉⲧⲉϥⲥⲙⲏ</ab>
8 ⲙⲡⲣϯ ⲛϣⲟⲧ ⲛⲛⲉⲧⲛϩⲏⲧ ⲛⲑⲉ ⲛⲛⲉϩⲟⲟⲩ ⲙⲡϯϭⲛⲁⲧ ⲕⲁⲧⲁ ⲡⲉϩⲟⲟⲩ ⲙⲡⲡⲉⲓⲣⲁⲥⲙⲟⲥ ϩⲛ ⲧⲉⲣⲏⲙⲟⲥ</ab>
9 ⲉⲛⲧⲁⲛⲉⲧⲛⲉⲓⲟⲧⲉ ⲡⲉⲓⲣⲁⲍⲉ ⲛϩⲏⲧϥ ⲁⲩⲇⲟⲕⲓⲙⲁⲍⲉ ⲁⲩⲛⲁⲩⲉ ⲛⲁϩⲃⲏⲩⲉ</ab>
10 ⲁⲓⲙⲉⲥⲧⲉⲧⲉⲓⲅⲉⲛⲉⲁ ⲛϩⲙⲉ ⲛⲣⲟⲙⲡⲉ ⲁⲩⲱ ⲁⲓϫⲟⲟⲥ ϫⲉ ⲥⲉⲡⲗⲁⲛⲁ ⲛⲟⲩⲟⲉⲓϣ ⲛⲓⲙ ϩⲙ ⲡⲉⲩϩⲏⲧ ⲁⲩⲱ ⲛⲧⲟⲟⲩ ⲙⲡⲟⲩⲥⲟⲩ ⲛⲛⲁϩⲓⲟⲟⲩⲉ</ab>
11 ⲛⲑⲉ ⲛⲧⲁⲓⲱⲣⲕ ⲙⲙⲟⲥ ϩⲛ ⲧⲁⲟⲣⲅⲏ ϫⲉ ⲥⲉⲛⲏⲩ ⲉϩⲟⲩⲛ ⲉⲡⲁⲙⲁ ⲛⲙⲧⲟⲛ</ab>