1 ⲡⲉⲯⲁⲗⲙⲟⲥ ⲛⲧⲱⲇⲏ ⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ</ab>
2 ⲟⲩⲁⲅⲁⲑⲟⲛ ⲡⲉ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲉⲯⲁⲗⲗⲉⲓ ⲉⲡⲉⲕⲣⲁⲛ ⲡⲉⲧϫⲟⲥⲉ</ab>
3 ⲉϫⲱ ⲙⲡⲉⲕⲛⲁ ⲙⲡⲛⲁⲩ ⲛϣⲱⲣⲡ ⲁⲩⲱ ⲧⲉⲕⲙⲉ ⲕⲁⲧⲁ ⲟⲩϣⲏ</ab>
4 ϩⲛ ⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ ⲙⲛ ⲟⲩⲟⲩⲗⲗⲉ ⲛⲕⲓⲑⲁⲣⲁ</ab>
5 ϫⲉ ⲁⲕⲉⲩⲫⲣⲁⲛⲉ ⲙⲙⲟⲓ ⲡϫⲟⲉⲓⲥ ϩⲙ ⲡⲉⲕⲧⲁⲙⲓⲟ ⲁⲩⲱ ϯⲛⲁⲧⲉⲗⲏⲗ ϩⲛ ⲛⲉϩⲃⲏⲩⲉ ⲛⲛⲉⲕϭⲓϫ</ab>
6 ⲛⲑⲉ ⲉⲛⲧⲁⲩⲁⲓⲁⲓ ⲛϭⲓ ⲛⲉⲕϩⲃⲏⲩⲉ ⲡϫⲟⲉⲓⲥ ⲁⲛⲉⲕⲙⲉⲉⲩⲉ ⲁϣⲁⲓ ⲉⲙⲁⲧⲉ</ab>
7 ⲙⲙⲛⲟⲩⲣⲱⲙⲉ ⲛⲁⲑⲏⲧ ⲛⲁⲉⲓⲙⲉ ⲉⲣⲟⲟⲩ ⲁⲩⲱ ⲛϥⲛⲁⲥⲟⲩⲱⲛⲟⲩ ⲁⲛ ⲛϭⲓ ⲡⲉⲧⲉⲛⲟⲩⲥⲁⲃⲉ ⲁⲛ ⲡⲉ</ab>
8 ϩⲙ ⲡⲧⲣⲉⲛⲣⲉϥⲣⲛⲟⲃⲉ ϯⲟⲩⲱ ⲛⲑⲉ ⲛⲟⲩⲭⲟⲣⲧⲟⲥ ⲁⲩⲱ ⲁⲩⲣⲓⲕⲉ ⲧⲏⲣⲟⲩ ⲛϭⲓ ⲛⲉⲧⲣϩⲱⲃ ⲉⲧⲁⲛⲟⲙⲓⲁ ϫⲉ ⲉⲩⲉϥⲟⲧⲟⲩ ⲉⲃⲟⲗ ϣⲁ ⲉⲛⲉϩ ⲛⲉⲛⲉϩ</ab>
9 ⲛⲧⲟⲕ ⲇⲉ ⲡϫⲟⲉⲓⲥ ⲕϫⲟⲥⲉ ϣⲁ ⲉⲛⲉϩ</ab>
10 ϫⲉ ⲉⲓⲥ ⲛⲉⲕϫⲓϫⲉⲉⲩ ⲥⲉⲛⲁⲧⲁⲕⲟ ⲛⲥⲉϫⲱⲱⲣⲉ ⲉⲃⲟⲗ ⲛϭⲓ ⲟⲩⲟⲛ ⲛⲓⲙ ⲉⲧⲣϩⲱⲃ ⲉⲧⲁⲛⲟⲙⲓⲁ</ab>
11 ⲛⲧⲉⲡⲁⲧⲁⲡ ϫⲓⲥⲉ ⲛⲑⲉ ⲙⲡⲁⲡⲧⲁⲡ ⲛⲟⲩⲱⲧ ⲁⲩⲱ ⲧⲁⲙⲛⲧϩⲗⲗⲟ ϩⲛ ⲟⲩⲛⲉϩ ⲉϥⲕⲓⲱⲟⲩ</ab>
12 ⲁⲩⲱ ⲁⲡⲁⲃⲁⲗ ⲙⲉϩⲉⲓⲁⲧϥ ⲛⲛⲁϫⲁϫⲉ ⲁⲩⲱ ⲡⲁⲙⲁⲁϫⲉ ⲛⲁⲥⲱⲧⲙ ϩⲁ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲁⲩⲱ ⲉⲧⲣⲡⲉⲑⲟⲟⲩ</ab>
13 ⲡⲇⲓⲕⲁⲓⲟⲥ ⲛⲁϫⲓⲥⲉ ⲛⲑⲉ ⲛⲟⲩⲃⲛⲛⲉ ⲁⲩⲱ ϥⲛⲁⲟⲩⲱϣⲥ ⲉⲃⲟⲗ ⲛⲑⲉ ⲛⲧⲕⲉⲇⲣⲟⲥ ⲉⲧϩⲙⲡⲗⲓⲃⲁⲛⲟⲥ</ab>
14 ⲉⲩⲧⲏϭ ϩⲙ ⲡⲏⲓ ⲙⲡⲛⲟⲩⲧⲉ ⲥⲉⲛⲁϯⲟⲩⲱ ϩⲛ ⲛⲁⲩⲗⲏ ⲙⲡⲉⲛⲛⲟⲩⲧⲉ</ab>
15 ⲧⲟⲧⲉ ⲥⲉⲛⲁⲁϣⲁⲓ ϩⲛ ⲟⲩⲙⲛⲧϩⲗⲗⲟ ⲉⲥⲕⲓⲱⲟⲩ ⲛⲥⲉϣⲱⲡⲉ ⲉⲩⲙⲟⲧⲛ ⲉϣⲁϫⲉ</ab>
16 ϫⲉ ⲡϫⲟⲉⲓⲥ ⲡⲉⲛⲛⲟⲩⲧⲉ ⲥⲟⲩⲧⲱⲛ ⲁⲩⲱ ⲙⲛ ϫⲓⲛϭⲟⲛⲥ ⲛϩⲏⲧϥ</ab>