1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲉⲇⲁⲩⲉⲓⲇ ⲛⲓⲉⲣⲏⲙⲓⲁⲥ ⲙⲛ ⲓⲉⲍⲉⲕⲓⲏⲗ ⲉⲃⲟⲗ ϩⲙ ⲡϣⲁϫⲉ ⲙⲡⲙⲁ ⲛϭⲟⲓⲗⲉ ⲉⲩⲛⲏⲩ ⲉⲃⲟⲗ</ab>
2 ⲉⲣⲉⲡⲥⲙⲟⲩ ⲡⲣⲉⲡⲉⲓ ⲛⲁⲕ ⲡⲛⲟⲩⲧⲉ ϩⲛ ⲥⲓⲱⲛ ⲁⲩⲱ ⲉⲩⲛⲁϯ ⲛⲁⲕ ⲛⲛⲉⲩⲉⲣⲏⲧ ϩⲛ ⲑⲓⲗ︤ⲏ︦ⲙ︥</ab>
3 ⲥⲱⲧⲙ ⲉⲡⲉⲛϣⲗⲏⲗ ⲉⲣⲉⲟⲩⲛ ⲛⲓⲙ ⲛⲏⲩ ⲉⲣⲁⲧⲕ</ab>
4 ⲁⲛϣⲁϫⲉ ⲛⲛⲁⲛⲟⲙⲟⲥ ϭⲙϭⲟⲙ ⲉⲣⲟⲛ ⲁⲩⲱ ⲛⲧⲟⲕ ⲉⲧⲛⲁⲕⲱ ⲉⲃⲟⲗ ⲛⲛⲉⲛⲙⲛⲧϣⲁϥⲧⲉ</ab>
5 ⲛⲁⲓⲁⲧϥ ⲙⲡⲉⲛⲧⲁⲕⲥⲟⲧⲡϥ ⲁⲕϣⲟⲡϥ ⲉⲣⲟⲕ ϥⲛⲁⲟⲩⲱϩ ϩⲛ ⲛⲉⲕⲁⲩⲗⲏ ⲧⲛⲛⲁⲥⲉⲓ ⲉⲃⲟⲗ ϩⲛ ⲛⲁⲅⲁⲑⲟⲛ ⲙⲡⲉⲕⲏⲓ ⲡⲉⲕⲣⲡⲉ ⲟⲩⲁⲁⲃ ⲟⲩϣⲡⲏⲣⲉ ⲡⲉ ϩⲛ ⲧⲇⲓⲕⲁⲓⲟⲥⲩⲛⲏ</ab>
6 ⲥⲱⲧⲙ ⲉⲣⲟⲛ ⲡⲛⲟⲩⲧⲉ ⲡⲉⲛⲥⲱⲧⲏⲣ ⲑⲉⲗⲡⲓⲥ ⲛⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ</ab>
7 ⲁⲩⲱ ⲛⲉⲧϩⲛ ⲑⲁⲗⲁⲥⲥⲁ ⲉⲧⲟⲩⲏⲩ ⲡⲉⲧⲥⲟⲃⲧⲉ ⲛⲛⲧⲟⲟⲩ ϩⲛ ⲧⲉϥϭⲟⲙ ⲉⲧⲙⲏⲣ ϩⲛ ⲟⲩϭⲟⲙ</ab>
8 ⲡⲉⲧϣⲧⲟⲣⲧⲣ ⲙⲡⲟⲩⲱϣⲥ ⲛⲑⲁⲗⲁⲥⲥⲁ ⲉⲧⲁϣⲏ ⲙⲡⲉϩⲣⲟⲟⲩ ⲛⲛⲉⲥϩⲟⲉⲓⲙ</ab>
9 ⲥⲉⲛⲁϣⲧⲟⲣⲧⲣ ⲛϭⲓ ⲛϩⲉⲑⲛⲟⲥ ⲛⲥⲉⲣϩⲟⲧⲉ ⲛϭⲓ ⲛⲉⲧⲟⲩⲏϩ ϩⲛ ⲛⲉⲕⲣⲱⲟⲩ ϩⲏⲧⲟⲩ ⲛⲛⲉⲕⲙⲁⲉⲓⲛ ⲕⲛⲁϯⲟⲩⲛⲟϥ ⲛⲛⲉϩⲓⲟⲟⲩⲉ ⲉϩⲧⲟⲟⲩⲉ ⲙⲛ ⲣⲟⲩϩⲉ</ab>
10 ⲁⲕϭⲙⲡϣⲓⲛⲉ ⲙⲡⲕⲁϩ ⲁⲕⲧⲣⲉϥϯϩⲉ ⲁⲕⲧⲁϣⲉⲁⲁϥ ⲛⲣⲙⲙⲁⲟ ⲁⲡⲉⲓⲉⲣⲟ ⲙⲡⲛⲟⲩⲧⲉ ⲙⲟⲩϩ ⲙⲙⲟⲟⲩ ⲁⲕⲥⲟⲃⲧⲉ ⲛⲧⲉⲩϩⲣⲉ ϫⲉ ⲡⲁⲓ ⲡⲉ ⲡⲉⲩⲥⲟⲃⲧⲉ</ab>
11 ⲙⲁⲣⲉⲛⲉϥⲧⲗⲟⲙ ϯϩⲉⲙⲁⲧⲁϣⲉ ⲛⲉϥϭⲣⲱⲱϭ ϥⲛⲁⲉⲩⲫⲣⲁⲛⲉ ϩⲛ ⲛⲧⲉⲗϯⲗⲉ ⲉϥϯⲟⲩⲱ</ab>
12 ⲕⲛⲁⲥⲙⲟⲩ ⲉⲡⲉⲕⲗⲟⲙ ⲛⲧⲉⲣⲟⲙⲡⲉ ⲛⲧⲉⲕⲙⲛⲧⲭⲣⲏⲥⲧⲟⲥ ⲛⲥⲱϣⲉ ⲛⲁⲟⲩⲱⲱⲗⲉ</ab>
13 ⲛⲧⲟⲟⲩ ⲛⲧⲉⲣⲏⲙⲟⲥ ⲛⲁⲟⲩⲣⲟⲧ ⲛⲧⲉⲛⲥⲓⲃⲧ ⲙⲟⲣⲟⲩ ⲙⲡⲧⲉⲗⲏⲗ</ab>
14 ⲛⲧⲉⲛⲉⲓⲁ ⲧⲁϣⲉⲡⲉⲩⲥⲟⲩⲟ ⲁⲛⲟⲉⲓⲗⲉ ⲛⲉⲥⲟⲟⲩ ⲣⲱⲧ ⲥⲉⲛⲁϫⲓϣⲕⲁⲕ ⲉⲃⲟⲗ ⲕⲁⲓ ⲅⲁⲣ ⲥⲉⲛⲁⲥⲙⲟⲩ</ab>