1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ϩⲙ ⲡⲧⲣⲉϥϣⲱⲡⲉ ϩⲙ ⲡϫⲁⲓⲉ ⲛϯⲇⲟⲩⲙⲁⲓⲁ</ab>
2 ϯϣⲱⲣⲡ ⲙⲙⲟⲓ ⲉⲣⲟⲕ ⲡⲛⲟⲩⲧⲉ ⲡⲁⲛⲟⲩⲧⲉ ⲁⲧⲁⲯⲩⲭⲏ ⲉⲓⲃⲉ ⲙⲙⲟⲕ ⲁⲩⲱ ⲁⲧⲁⲥⲁⲣⲝ ⲃⲱⲗ ⲉⲃⲟⲗ ϩⲛ ⲟⲩⲕⲁϩ ⲛϫⲁⲓⲉ ⲛⲁⲧⲙⲟⲟϣⲉ ⲉⲙⲛⲙⲟⲟⲩ ⲛϩⲏⲧϥ</ab>
3 ⲧⲁⲓ ⲧⲉ ⲑⲉ ⲉⲛⲧⲁⲓⲟⲩⲱⲛϩ ⲛⲁⲕ ⲉⲃⲟⲗ ϩⲙ ⲡⲡⲉⲧⲟⲩⲁⲁⲃ ⲉⲛⲁⲩ ⲉⲧⲉⲕϭⲟⲙ ⲙⲛ ⲡⲉⲕⲉⲟⲟⲩ</ab>
4 ϫⲉ ⲡⲉⲕⲛⲁ ⲥⲟⲧⲡ ⲉϩⲟⲩⲉ ϩⲉⲛϭⲓⲛⲱⲛϩ ⲛⲁⲥⲡⲟⲧⲟⲩ ⲛⲁⲥⲙⲟⲩ ⲉⲣⲟⲕ</ab>
5 ⲧⲁⲓ ⲧⲉ ⲑⲉ ⲉϯⲛⲁⲥⲙⲟⲩ ⲉⲣⲟⲕ ϩⲙ ⲡⲁⲱⲛϩ ⲁⲩⲱ ϯⲛⲁϥⲓ ⲛⲛⲁϭⲓϫ ⲉϩⲣⲁⲓ ϩⲙ ⲡⲉⲕⲣⲁⲛ</ab>
6 ⲉⲣⲉⲧⲁⲯⲩⲭⲏ ⲥⲉⲓ ⲉⲃⲟⲗ ϩⲛ ⲟⲩⲟⲩⲱⲧ ⲙⲛ ⲟⲩⲕⲛⲛⲉ ϩⲉⲛⲥⲡⲟⲧⲟⲩ ⲛⲧⲉⲗⲏⲗ ⲛⲁⲥⲙⲟⲩ ⲉⲡⲉⲕⲣⲁⲛ</ab>
7 ⲉⲓϣⲁⲛⲣⲡⲉⲕⲙⲉⲉⲩⲉ ϩⲓϫⲙ ⲡⲁϭⲗⲟϭ ⲛⲉⲓⲙⲉⲗⲉⲧⲁ ⲉⲣⲟⲕ ⲙⲡⲛⲁⲩ ⲛϣⲱⲣⲡ</ab>
8 ϫⲉ ⲁⲕϣⲱⲡⲉ ⲛⲁⲓ ⲛⲃⲟⲏⲑⲟⲥ ⲁⲩⲱ ϯⲛⲁⲧⲉⲗⲏⲗ ϩⲁ ⲑⲁⲓⲃⲉⲥ ⲛⲛⲉⲕⲧⲛϩ</ab>
9 ⲁⲧⲁⲯⲩⲭⲏ ⲧⲟϭⲥ ⲉⲣⲟⲕ ⲧⲉⲕⲟⲩⲛⲁⲙ ⲧⲉⲛⲧⲁⲥϣⲟⲡⲧ ⲉⲣⲟⲥ</ab>
10 ⲛⲧⲟⲟⲩ ⲇⲉ ⲁⲩϣⲓⲛⲉ ⲛⲥⲁ ⲧⲁⲯⲩⲭⲏ ⲉⲡϫⲓⲛϫⲏ ⲥⲉⲛⲁⲃⲱⲕ ⲉϩⲟⲩⲛ ϩⲁ ⲡⲉⲥⲏⲧ ⲙⲡⲕⲁϩ</ab>
11 ⲥⲉⲛⲁⲧⲁⲁⲩ ⲉϩⲣⲁⲓ ⲉⲛϭⲓϫ ⲛⲧⲥⲏϥⲉ ⲥⲉⲛⲁϣⲱⲡⲉ ⲛⲧⲟ ⲛⲃⲁϣⲟⲣ</ab>
12 ⲡⲣⲣⲟ ⲇⲉ ⲛⲁⲉⲩⲫⲣⲁⲛⲉ ⲉϫⲙ ⲡⲛⲟⲩⲧⲉ ϥⲛⲁϫⲓⲧⲁⲉⲓⲟ ⲛϭⲓ ⲟⲩⲟⲛ ⲛⲓⲙ ⲉⲧⲱⲣⲕ ⲙⲙⲟϥ ϫⲉ ⲁⲥⲧⲱⲛ ⲛϭⲓ ⲧⲧⲁⲡⲣⲟ ⲛⲛⲉⲧϣⲁϫⲉ ϩⲛ ⲟⲩϫⲓⲛϭⲟⲛⲥ</ab>