1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲉⲃⲟⲗ ϩⲛ ⲧⲉϩⲓⲏ ⲛⲧⲉⲥⲕⲏⲛⲏ ⲁⲛⲓⲛⲉ ⲙⲡϫⲟⲉⲓⲥ ⲛϣⲏⲣⲉ ⲙⲡⲛⲟⲩⲧⲉ ⲁⲛⲉⲓⲛⲉ ⲙⲡϫⲟⲉⲓⲥ ⲛϩⲉⲛϣⲏⲣⲉ ⲛⲟⲓⲗⲉ ⲁⲛⲓⲟⲩⲧⲁⲉⲓⲟ ⲙⲛ ⲟⲩⲧⲓⲙⲏ ⲙⲡϫⲟⲉⲓⲥ</ab>
2 ⲁⲛⲓⲟⲩⲉⲟⲟⲩ ⲙⲡⲉϥⲣⲁⲛ ⲟⲩⲱϣⲧ ⲙⲡϫⲟⲉⲓⲥ ϩⲛ ⲧⲉϥⲁⲩⲗⲏ ⲉⲧⲟⲩⲁⲁⲃ</ab>
3 ⲧⲉⲥⲙⲏ ⲙⲡϫⲟⲉⲓⲥ ϩⲓϫⲛ ⲙⲙⲟⲟⲩ ⲁⲡⲛⲟⲩⲧⲉ ⲙⲡⲉⲟⲟⲩ ⲱϣ ⲉⲃⲟⲗ ⲡϫⲟⲉⲓⲥ ϩⲓϫⲛ ϩⲉⲛⲙⲟⲟⲩ ⲉⲛⲁϣⲱⲟⲩ</ab>
4 ⲧⲉⲥⲙⲏ ⲙⲡϫⲟⲉⲓⲥ ϩⲛ ⲟⲩϭⲟⲙ ⲧⲉⲥⲙⲏ ⲙⲡϫⲟⲉⲓⲥ ϩⲛ ⲟⲩⲙⲛⲧⲛⲟϭ</ab>
5 ⲧⲉⲥⲙⲏ ⲙⲡϫⲟⲉⲓⲥ ⲉϥⲟⲩⲱϣϥ ⲛⲛⲕⲉⲇⲣⲟⲥ ⲡϫⲟⲉⲓⲥ ⲛⲁⲟⲩⲱϣϥ ⲛⲛⲕⲉⲇⲣⲟⲥ ⲙⲡⲗⲓⲃⲁⲛⲟⲥ</ab>
6 ⲛϥⲧⲣⲉⲩⲣϣϩⲓϭ ⲙⲛ ⲡⲗⲓⲃⲁⲛⲟⲥ ⲛⲑⲉ ⲙⲡⲙⲁⲥⲉ ⲁⲩⲱ ⲡⲙⲉⲣⲓⲧ ⲉϥⲟ ⲛⲑⲉ ⲛⲟⲩϣⲏⲣⲉ ⲙⲙⲟⲛⲟⲕⲉⲣⲟⲥ</ab>
7 ⲧⲉⲥⲙⲏ ⲙⲡϫⲟⲉⲓⲥ ⲉϥⲟⲩⲱϣϥ ⲛⲟⲩϣⲁϩ ⲛⲥⲁⲧⲉ</ab>
8 ⲧⲉⲥⲙⲏ ⲙⲡϫⲟⲉⲓⲥ ⲉϥⲕⲓⲙ ⲉⲧⲉⲣⲏⲙⲟⲥ ⲡϫⲟⲉⲓⲥ ⲛⲁⲕⲓⲙ ⲉⲧⲉⲣⲏⲙⲟⲥ ⲛⲕⲁⲇⲏⲥ</ab>
9 ⲧⲉⲥⲙⲏ ⲙⲡϫⲟⲉⲓⲥ ⲉϥⲥⲟⲃⲧⲉ ⲛⲛⲉⲉⲓⲟⲩⲗ ⲁⲩⲱ ϥⲛⲁϭⲱⲗⲡ ⲉⲃⲟⲗ ⲛⲙⲙⲁ ⲛϣⲏⲛ ⲟⲩⲟⲛ ⲛⲓⲙ ⲉⲧϩⲙ ⲡⲉϥⲣⲡⲉ ϫⲱ ⲙⲡⲉϥⲉⲟⲟⲩ</ab>
10 ϣⲁⲣⲉⲡϫⲟⲉⲓⲥ ⲉⲓⲛⲉ ⲙⲡⲕⲁⲧⲁⲕⲗⲩⲥⲙⲟⲥ ⲁⲩⲱ ⲛϥⲧⲣⲉϥϩⲙⲟⲟⲥ ⲡϫⲟⲉⲓⲥ ⲛⲁⲣⲣⲟ ϣⲁ ⲉⲛⲉϩ</ab>
11 ⲡϫⲟⲉⲓⲥ ⲛⲁϯϭⲟⲙ ⲙⲡⲉϥⲗⲁⲟⲥ ⲡϫⲟⲉⲓⲥ ⲛⲁⲥⲙⲟⲩ ⲉⲡⲉϥⲗⲁⲟⲥ ϩⲛ ⲟⲩⲉⲓⲣⲏⲛⲏ</ab>