1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲕⲣⲓⲛⲉ ⲙⲙⲟⲓ ⲡϫⲟⲉⲓⲥ ϫⲉ ⲁⲛⲟⲕ ⲁⲓⲙⲟⲟϣⲉ ϩⲛ ⲧⲁⲙⲛⲧⲃⲁⲗϩⲏⲧ ⲁⲩⲱ ⲉⲓⲕⲱ ⲛϩⲧⲏⲓⲉ ⲡϫⲟⲉⲓⲥ ⲛϯⲛⲁⲕⲓⲙ ⲁⲛ</ab>
2 ⲇⲟⲕⲓⲙⲁⲍⲉ ⲙⲙⲟⲓ ⲡϫⲟⲉⲓⲥ ⲛⲅⲡⲉⲓⲣⲁⲍⲉ ⲙⲙⲟⲓ ⲡⲓⲥⲉ ⲛⲛⲁϭⲗⲟⲧⲉ ⲙⲛ ⲡⲁϩⲏⲧ</ab>
3 ϫⲉ ⲡⲉⲕⲛⲁ ⲙⲡⲉⲙⲧⲟ ⲛⲛⲁⲃⲁⲗ ⲉⲃⲟⲗ ⲁⲩⲱ ⲁⲓⲣⲁⲛⲁⲕ ϩⲛ ⲧⲉⲕⲙⲉ</ab>
4 ⲙⲡⲓϩⲙⲟⲟⲥ ⲙⲛ ⲟⲩⲥⲩⲛϩⲉⲇⲣⲓⲟⲛ ⲉϥϣⲟⲩⲉⲓⲧ ⲁⲩⲱ ⲛⲛⲁⲃⲱⲕ ⲉϩⲟⲩⲛ ⲙⲛ ⲛⲣⲉϥⲣⲛⲟⲃⲉ</ab>
5 ⲁⲓⲙⲉⲥⲧⲉⲧⲥⲟⲟⲩϩⲥ ⲛⲛⲉⲧⲟ ⲙⲡⲟⲛⲏⲣⲟⲥ ⲁⲩⲱ ⲛⲛⲁϩⲙⲟⲟⲥ ⲙⲛ ⲛⲁⲥⲉⲃⲏⲥ</ab>
6 ϯⲛⲁⲉⲓⲱ ⲛⲛⲁϭⲓϫ ϩⲛ ⲛⲉⲧⲟⲩⲁⲁⲃ ⲧⲁⲕⲱⲧⲉ ⲉⲡⲉⲕⲑⲩⲥⲓⲁⲧⲏⲣⲓⲟⲛ ⲡϫⲟⲉⲓⲥ</ab>
7 ⲉⲥⲱⲧⲙ ⲉⲡⲉϩⲣⲟⲟⲩ ⲙⲡⲉⲕⲥⲙⲟⲩ ⲉϫⲱ ⲛⲛⲉⲕϣⲡⲏⲣⲉ ⲧⲏⲣⲟⲩ</ab>
8 ⲡϫⲟⲉⲓⲥ ⲁⲓⲙⲉⲣⲉⲡⲥⲁ ⲙⲡⲉⲕⲏⲓ ⲙⲛ ⲡⲙⲁ ⲛϣⲱⲡⲉ ⲙⲡⲉⲕⲉⲟⲟⲩ</ab>
9 ⲙⲡⲣⲧⲁⲕⲟ ⲛⲧⲁⲯⲩⲭⲏ ⲙⲛ ⲛⲁⲥⲉⲃⲏⲥ ⲁⲩⲱ ⲡⲁⲱⲛϩ ⲙⲛ ϩⲉⲛⲣⲱⲙⲉ ⲛⲥⲛⲟϥ</ab>
10 ⲛⲁⲓ ⲉⲣⲉⲧⲁⲛⲟⲙⲓⲁ ϩⲛ ⲛⲉⲩϭⲓϫ ⲁⲧⲉⲩⲟⲩⲛⲁⲙ ⲙⲟⲩϩ ⲛⲇⲱⲣⲟⲛ</ab>
11 ⲁⲛⲟⲕ ⲇⲉ ⲁⲓⲙⲟⲟϣⲉ ϩⲛ ⲧⲁⲙⲛⲧⲃⲁⲗϩⲏⲧ ⲥⲱⲧⲉ ⲙⲙⲟⲓ ⲛⲅⲛⲁ ⲛⲁⲓ</ab>
12 ⲁⲧⲁⲟⲩⲉⲣⲏⲧⲉ ⲅⲁⲣ ⲁϩⲉⲣⲁⲧⲥ ϩⲙ ⲡⲥⲟⲟⲩⲧⲛ ϯⲛⲁⲥⲙⲟⲩ ⲉⲣⲟⲕ ⲡϫⲟⲉⲓⲥ ϩⲛ ⲛⲉⲕⲕⲗⲏⲥⲓⲁ</ab>