1 ⲁⲗⲗⲏⲗⲟⲩⲓⲁ ⲡⲁⲅⲅⲁⲓⲟⲥ ⲙⲛ ⲍⲁⲭⲁⲣⲓⲁⲥ ⲥⲙⲟⲩ ⲉⲡϫⲟⲉⲓⲥ ⲉⲃⲟⲗ ϩⲛ ⲙⲡⲏⲩⲉ ⲥⲙⲟⲩ ⲉⲣⲟϥ ⲉⲃⲟⲗ ϩⲛ ⲛⲉⲧϫⲟⲥⲉ</ab>
2 ⲥⲙⲟⲩ ⲉⲣⲟϥ ⲛⲉϥⲁⲅⲅⲉⲗⲟⲥ ⲧⲏⲣⲟⲩ ⲥⲙⲟⲩ ⲉⲣⲟϥ ⲛⲉϥϭⲟⲙ ⲧⲏⲣⲟⲩ</ab>
3 ⲥⲙⲟⲩ ⲉⲣⲟϥ ⲡⲣⲏ ⲙⲛ ⲡⲟⲟϩ ⲛⲥⲓⲟⲩ ⲧⲏⲣⲟⲩ ⲙⲛ ⲡⲟⲩⲟⲉⲓⲛ ⲥⲙⲟⲩ ⲉⲣⲟϥ</ab>
4 ⲙⲡⲏⲩⲉ ⲛⲙⲡⲏⲩⲉ ⲥⲙⲟⲩ ⲉⲣⲟϥ ⲙⲁⲣⲉⲙⲙⲟⲟⲩ ⲉⲧⲥⲁⲧⲡⲉ ⲛⲙⲡⲏⲩⲉ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ</ab>
5 ϫⲉ ⲛⲧⲟϥ ⲡⲉⲛⲧⲁϥϫⲟⲟⲥ ⲁⲩⲱ ⲁⲩϣⲱⲡⲉ ⲛⲧⲟϥ ⲡⲉⲛⲧⲁϥϩⲱⲛ ⲁⲩⲱ ⲁⲩⲥⲱⲛⲧ</ab>
6 ⲁϥⲧⲁϩⲟⲟⲩ ⲉⲣⲁⲧⲟⲩ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ ⲁϥⲕⲁⲁⲩ ⲛⲟⲩⲡⲣⲟⲥⲧⲁⲅⲙⲁ ⲛⲛⲉⲟⲩⲉⲓⲛⲉ</ab>
7 ⲥⲙⲟⲩ ⲉⲡϫⲟⲉⲓⲥ ⲉⲃⲟⲗ ϩⲙ ⲡⲕⲁϩ ⲛⲉⲇⲣⲁⲕⲟⲛ ⲙⲛ ⲛⲛⲟⲩⲛ ⲧⲏⲣⲟⲩ</ab>
8 ⲡⲕⲱϩⲧ ⲧⲉⲭⲁⲗⲁⲥⲍⲁ ⲡⲉⲭⲓⲱⲛ ⲙⲛ ⲡⲉⲕⲣⲩⲥⲧⲁⲗⲗⲟⲥ ⲡⲉⲡⲛⲉⲩⲙⲁ ⲛⲑⲁⲧⲏⲩ ⲉⲧⲉⲓⲣⲉ ⲙⲡⲉϥϣⲁϫⲉ</ab>
9 ⲛⲧⲟⲩⲉⲓⲏ ⲙⲛ ⲛⲥⲓⲃⲧ ⲧⲏⲣⲟⲩ ⲛϣⲏⲛ ⲉⲧϯⲕⲁⲣⲡⲟⲥ ⲙⲛ ⲛⲕⲉⲇⲣⲟⲥ</ab>
10 ⲛⲉⲑⲏⲣⲓⲟⲛ ⲙⲛ ⲛⲧⲃⲛⲟⲟⲩⲉ ⲧⲏⲣⲟⲩ ⲛϫⲁⲧϥⲉ ⲙⲛ ⲛϩⲁⲗⲁⲧⲉ</ab>
11 ⲛⲉⲣⲣⲱⲟⲩ ⲙⲛ ⲡⲕⲁϩ ⲙⲛ ⲗⲁⲟⲥ ⲛⲓⲙ ⲛⲁⲣⲭⲱⲛ ⲙⲛ ⲛⲣⲉϥϯϩⲁⲡ ⲧⲏⲣⲟⲩ ⲙⲡⲕⲁϩ</ab>
12 ⲛϩⲣϣⲓⲣⲉ ⲙⲛ ⲙⲡⲁⲣⲑⲉⲛⲟⲥ ⲛϩⲗⲗⲟ ⲙⲛ ⲛϣⲏⲣⲉ ϣⲏⲙ</ab>
13 ⲙⲁⲣⲟⲩⲥⲙⲟⲩ ⲧⲏⲣⲟⲩ ⲙⲡⲣⲁⲛ ⲙⲡϫⲟⲉⲓⲥ ϫⲉ ⲁⲡⲉϥⲣⲁⲛ ϫⲓⲥⲉ ⲙⲁⲩⲁⲁϥ ⲁⲩⲱ ⲡⲉϥⲟⲩⲱⲛϩ ⲉⲃⲟⲗ ⲉϫⲙ ⲡⲕⲁϩ ⲙⲛ ⲧⲡⲉ</ab>
14 ϥⲛⲁϫⲓⲥⲉ ⲙⲡⲧⲁⲡ ⲙⲡⲉϥⲗⲁⲟⲥ ⲡⲁⲓ ⲡⲉ ⲡⲉⲥⲙⲟⲩ ⲛⲛⲉϥⲡⲉⲧⲟⲩⲁⲁⲃ ⲧⲏⲣⲟⲩ ⲛϣⲏⲣⲉ ⲙⲡⲓⲥⲣⲁⲏⲗ ⲡⲗⲁⲟⲥ ⲉⲧϩⲏⲛ ⲉⲣⲟϥ</ab>